មនុស្សជាច្រើនបារម្ភអំពីការឆ្លងមេរោគកូវីដ ១៩ នៅពេលធ្វើដំណើរចេញក្រៅផ្ទះ ទៅពិនិត្យ ឬតាមដានជំងឺ ។ ឥឡូវយើងមានដំណោះស្រាយដោយប្រើបច្ចេកវិទ្យាជាជំនួយ ដើម្បីធ្វើការណាត់ជួប ឬក៏ពិគ្រោះជំងឺដោយមិនបាច់ចេញពីផ្ទះ ។
«ទៅពេទ្យ» (TOVPET) ជាកម្មវិធីដែលអនុញ្ញាតិអោយអ្នកជំងឺ ធ្វើការណាត់ជួបពិគ្រោះ និងធ្វើការវាយតម្លៃរោគវិនិច្ឆ័យ ផ្តល់ព័ត៌មានផ្នែកវេជ្ជសាស្រ្តជាមួយវេជ្ជបណ្ឌិតជំនាញដែរមានបទពិសោធន៍ច្រើនឆ្នាំតាមប្រព័ន្ធអេឡិចត្រូនិក (Telemedicine) ។
នៅពេលដែលទាញយកកម្មវិធី «ទៅពេទ្យ» (TOVPET) តាមរយៈ PlayStore ឬក៏ AppStore ហើយនោះ អ្នកអាចជ្រើសរើសរោគសញ្ញា បន្ទាប់មកធ្វើការជ្រើសរើសគ្រូពេទ្យជំនាញ និងណាត់ពេលវេលាដែលអ្នកចង់ជួប ។ លើសពីនេះទៅទៀត «ទៅពេទ្យ» (TOVPET) ក៏ធ្វើការរៀបចំដឹកជញ្ជូនឱសថដល់ផ្ទះអ្នកជំងឺដោយឥតគិតថ្លៃផងដែរ ។
លោក ជា វីរៈ នាយកប្រតិបត្តិ ក៏ដូចជាស្ថាបនិកនៃក្រុមហ៊ុន «ទៅពេទ្យ» (TOVPET) បានមានប្រសាសន៍ថា កម្មវិធីទៅពេទ្យបានបង្កើតឡើងក្នុងគោលបំណងឱ្យប្រជាជនកម្ពុជាទទួលបានការថែទាំសុខភាពដែលមានគុណភាព ជាមួយគ្រូពេទ្យជំនាញ ទោះជានៅទីកន្លែង ឬពេលវេលាណាក៏ដោយ បន្ថែមពីនេះដែរ លោកចង់ដោះស្រាយបញ្ហាដែលអ្នកជំងឺជួបប្រទះជាប្រចាំ ដូចជាការជ្រើសរើសគ្រូពេទ្យត្រូវនឹងអាការៈជំងឺ កាត់បន្ថយពេលវេលារង់ចាំនៅមន្ទីរពេទ្យ ចំណេញថវិកាក្នុងការធ្វើដំណើរទៅ-មកដើម្បីតាមដាន ឬពិនិត្យជំងឺក្នុងដំណាក់កាលមូលដ្ឋាន ជាពិសេសពេលវេលានេះដែលមានរោគរាតត្បាតសកល បច្ចេកវិទ្យាជាវិធីសាស្រ្តមួយដែលជួយកាត់បន្ថយហានិភ័យក្នុងការឆ្លងជំងឺកូវីដ ១៩ ផងដែរ ។
កម្មវិធី «ទៅពេទ្យ» (TOVPET) មានកិច្ចសហការជាមួយមន្ទីរពេទ្យ គ្លីនិក និងគ្រូពេទ្យជំនាញទាំងកម្ពុជា និងបរទេសជាច្រើនដើម្បីជាជម្រើសរបស់ប្រជាជនកម្ពុជាដែលមានបញ្ហាសុខភាព ។ ក្នុងចំណោមដៃគូរសហការរួមមានមណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ ដែលមានគ្រូពេទ្យជំនាញទាំងកម្ពុជា និងបរទេសល្បីៗ ។
មណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ គឺជាមណ្ឌលវេជ្ជសាស្រ្តដំបូងគេក្នុងប្រទេសកម្ពុជា ដែលបានសហការជាមួយនឹងក្រុមវេជ្ជបណ្ឌិតឯកទេសសិង្ហបុរី មកពី FeM Surgery Group នៃមន្ទីរពេទ្យ Mount Elizabeth ។ មណ្ឌលវេជ្ជសាស្ត្រ ស៊ីងហ្គាពួរ មេឌីខលសេនធ័រ ត្រូវបានបង្កើតឡើងក្នុងគោលដៅចម្បងដើម្បីផ្ដល់នូវស្តង់ដាសេវាកម្មពិនិត្យ និងព្យាបាលជំងឺរបស់ប្រទេសសិង្ហបុរី ជូនដល់ប្រជាជនកម្ពុជាយើង ។
មណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ ផ្តល់សេវាកម្មដល់អតិថិជនដូចជា ៖ ការពិនិត្យសុខភាព ឯកទេសជំងឺទូទៅ ឯកទេសរោគស្រ្តី មណ្ឌលធ្វើរោគវិនិច្ឆ័យវេជ្ជសាស្រ្ត ការវះកាត់ទូទៅ ជាមួយវេជ្ជបណ្ឌិតឯកទេសសិង្ហបុរី លើសពីនេះការពិគ្រោះ ជំងឺតាមប្រព័ន្ធឌីជីថល ជាពិសេសតាមរយៈកម្មវិធី «ទៅពេទ្យ» (TOVPET) ដែលជាបច្ចេកវិទ្យា ថ្មីនាំឲ្យក្រុមគ្រូពេទ្យជំនាញរបស់យើងទៅកាន់តែខិតជិតអ្នកជំងឺផងដែរ ។
ស៊ីងហ្គាពួរ មេឌីខល សេនធ័រ មានទីតាំងក្នុងអគារពាណិជ្ជកម្ម The Bridge Mall ជាន់ទី 3A (ជាប់ស្ថានទូត អូស្រ្តាលី និងជិតផ្សារទំនើបអុីអ៉ន ១) ។ ក្រៅពីមានជំនាញខាងផ្តល់សេវាកម្មផ្នែកវេជ្ជសាស្ត្រ ស៊ីងហ្គាពួរ មេឌីខល សេនធ័រ ជឿជាក់យ៉ាងមុតមាំថា ការលើកកម្ពស់ចំណេះដឹងផ្នែកសុខភាពក្នុងចំណោមក្រុមហ៊ុននិយោជក និងសាធារណៈជនពិតជាមានសារៈសំខាន់ ។ ការការពារ និងការផ្លាស់ប្តូរឥរិយាបទនៃការរស់នៅ គឺជាជំហានដំបូង និងជាមូលដ្ឋានគ្រឹះដើម្បីទទួលបានសុខភាពល្អប្រសើរ ។
លោកអ្នកអាចទាញយកកម្មវិធី «ទៅពេទ្យ» ដើម្បីជួបជាមួយក្រុមគ្រូពេទ្យជំនាញនៅមណ្ឌលវេជ្ជសាស្រ្ត ស៊ីងហ្គាពួរ មេឌីខល សេនធ័រ តាមរយៈតំណខាងក្រោមបានយ៉ាងងាយស្រួល ។
មាន TOVPET គឺប្រៀបដូចជាមានគ្រូពេទ្យជំនាញជាច្រើនរូបនៅជិតអ្នកជានិច្ច ៕
ដោនឡូដកម្មវិធី «ទៅពេទ្យ» (TOVPET)
Android: https://bit.ly/3tJGJpa
Apple: https://apple.co/3vcDKG1
Register: https://tovpet.com/register
សម្រាប់ព័ត៌មានលម្អិត (TOVPET)
admin@pilltech.com.kh
តេឡេក្រាម: 099 914 657
លេខទំនាក់ទំនង: +855 99 914 657
ផ្នែកទំនាក់ទំនងសាធារណៈទៅវិញទៅមក (Singapore Medical Center)
info@sgmc.com.kh
www.smgc.com.kh
023 993 888| 089 999 622