ជាញឹកញយមនុស្សភាគច្រើនផ្ដោតសំខាន់លើការដុតរំលាយកាឡូរីតាមរយៈការហាត់ប្រាណ រហូតដល់ភ្លេចគិតថារាងកាយក៏មានសមត្ថភាពក្នុងការដុតបំផ្លាញកាឡូរីដោយខ្លួនឯងបាន! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ហើយប្រសិទ្ធិភាពនៃការដុតបំផ្លាញ ឬល្បឿននៃការរំលាយអាហារនៃរាងកាយ គឺពឹងផ្អែកលើអ្នកខ្លួនឯងដែរ។ រាល់កោសិកាតូចៗនៅក្នុងរាងកាយដើរតួយ៉ាងសំខាន់ជាមួយដំណើរការនៃការរំលាយអាហារ (ដំណើរការបម្លែងអាហារទៅជាថាមពល)។ រាងកាយរំលាយអាហារបានលឿនប៉ុណ្ណា កាឡូរីក៏ត្រូវបានដុតបំផ្លាញច្រើនប៉ុននោះដែរ។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីទម្លាប់មួយចំនួនដែលពន្យឺតការរំលាយអាហារនាំឲ្យឡើងទម្ងន់ ហើយអ្នកគួរបញ្ឈប់ ឬផ្លាស់ប្ដូរភ្លាម ៖
១. រស់នៅជាមួយសភាពស្ត្រេសខ្លាំង
នោះក៏ព្រោះតែភាពស្ត្រេសនាំឱ្យមានការបញ្ចេញអ័រម៉ូន cortisol ច្រើនដែលបង្កើនការស្តុកទុកជាតិខ្លាញ់ក្នុងរាងកាយ។ ដូច្នេះចូរព្យាយាមគ្រប់គ្រងភាពតានតឹងរបស់អ្នក។
២. គេងមិនគ្រប់
វាមិនមែនជារឿងគួរឱ្យភ្ញាក់ផ្អើលឡើយ នៅពេលដែលអ្នកមិនបានគ្រប់គ្រាន់គ្មានកម្លាំងថាមពលច្រើន ហើយនេះមានន័យថារាងកាយរបស់ពួកគេនឹងធ្វើការដុតបំផ្លាញការឡូរីបានតិចក្នុងមួយថ្ងៃ។ ដូច្នេះចូរព្យាយាមគេងឱ្យបានគ្រប់គ្រាន់ដើម្បីគ្រប់គ្រងទម្ងន់ និងរក្សាសុខភាពល្អប្រសើរ។
៣. ខ្ជិលធ្វើលំហាត់ប្រាណ
ការមិនធ្វើលំហាត់ប្រាណជាប្រចាំនឹងបណ្ដាលឱ្យរាងកាយស្តុកទុកនូវទម្ងន់ដែលលើសដោយអាត្រានៃការដុតរំលាយអាហារមានសភាពយឺត ហើយរាងកាយមិនអាចដុតបំផ្លាញកាឡូរីនិងជាតិខ្លាញ់បានច្រើន។ ជាពិសេសប្រសិនបើអ្នកចូលចិត្តទទួលទានភេសជ្ជៈផ្អែមៗ ព្រមទាំងអាហារដែលមានផ្ទុកសម្បូរទៅដោយជាតិខ្លាញ់និងកាឡូរីខ្ពស់! អ្វីដែលគួរឱ្យព្រួយបារម្ភថែមទៀតនោះ គឺភាពធាត់ជ្រុលអាចទៅជាបង្កបញ្ហាសុខភាពផ្សេងៗ។
៤. ទទួលទានមិនបានគ្រប់គ្រាន់
ប្រសិនបើអ្នកកាត់បន្ថយកាឡូរីច្រើនពេក រាងកាយនឹងធ្លាក់ចូលក្នុងស្ថានភាពឃ្លានខ្លាំង ហើយពន្យឺតល្បឿននៃការរំលាយអាហារ។ ការតាមដានការទទួលកាឡួរីរបស់អ្នក គឺចាំបាច់ណាស់ ប្រសិនបើអ្នកចង់ស្រកទម្ងន់ ប៉ុន្តែកុំធ្វើជ្រុលពេក។ ការកាត់បន្ថយកាឡូរីត្រឹមតែ ២០០ គីឡូកាឡូរី គឺប្រសើរបំផុតចំពោះការស្រកទម្ងន់បានត្រឹមត្រូវ ហើយរក្សាបាននូវសុខភាពល្អ។
៥. មួយថ្ងៃៗអង្គុយយូរពេក
ការអង្គុយយូរពេក គឺអាចប៉ះពាល់ដល់ដំណើរការនៃការរំលាយអាហារ។ ពិតណាស់ការអង្គុយគ្រប់ពេល ឬពេញមួយថ្ងៃអាចធ្វើអោយអ្នកកើនទម្ងន់ហួសប្រមាណដោយមិនដឹងខ្លួនបាន។ នោះក៏ព្រោះតែការមិនធ្វើសកម្មភាពរាងកាយទប់ស្កាត់រាំងស្ទះដល់ការដុតបំផ្លាញកាឡូរី។ហើយកាឡូរីដែលមិនត្រូវបានដុតបំផ្លាញទាំងនោះនឹងបំលែងទៅជាខ្លាញ់ដោយរាងកាយនាំអោយធាត់។អ្វីដែលគួរឱ្យបារម្ភថែមទៀតនោះ គឺភាពធាត់ជ្រុល ឬលើសទម្ងន់អាចបង្កើនហានិភ័យនៃជំងឺទឹកនោមផ្អែមប្រភេទទី ២ និងជំងឺបេះដូង។
៦. កង្វះជាតិកាល់ស្យូមក្នុងរបបអាហារប្រចាំថ្ងៃ
ជាតិកាល់ស្យូមគ្រប់គ្រាន់ គឺសំខាន់ណាស់ចំពោះការគ្រប់គ្រងការរំលាយអាហារ។ បើទោះជាអ្នកមិនចូលចិត្តទឹកដោះគោ ឬអ្នកចាញ់ឡាក់តូសក៏ដោយ ក៏វាមិនមែនជាបញ្ហាដែរ នៅមានអាហារច្រើនផ្សេងទៀតដែលមានផ្ទុកជាតិកាល់
ស្យូមខ្ពស់។
៧. ទទួលទានទឹកមិនបានច្រើនគ្រប់គ្រាន់
រាល់ដំណើរការគ្រប់យ៉ាងក្នុងរាងកាយ គឺអាស្រ័យលើទឹក។ ប្រសិនបើរាងកាយខ្សោះជាតិទឹកនោះ គឺគ្មានអ្វីដំណើរការបានល្អឡើយ។ ការសិក្សាស្រាវជ្រាវមួយបានរកឃើញថាការទទួលទានទឹកប្រហែលកន្លះលីត្រអាចបង្កើនអាត្រានៃការរំលាយអាហារបានដល់ទៅ ៣០ភាគរយ។
៨. កង្វះប្រូតេអ៊ីន
ប្រូតេអ៊ីន គឺដើរតួនាទីយ៉ាងសំខាន់នៅក្នុងការទទួល និងរក្សាបាននូវទម្ងន់ដ៏ល្អឥតខ្ចោះ។ ប្រូតេអ៊ីនជួយបង្កើនលឿននៃការដុតរំលាយអាហារ ហើយថែមទាំងធ្វើឱ្យមានអារម្មណ៍ថាឆ្អែតបានយូរទៀតផង។
៩. គេងមិនទៀងម៉ោង
តើអ្នកធ្លាប់ដឹងទេថាម៉ោងចូលគេងនិងក្រោកមិនទៀងមានទំនាក់ទំនងផ្សារភ្ជាប់ជាមួយការកើនទម្ងន់លើសកម្រិត? នោះក៏ព្រោះតែវានឹងជះឥទ្ធិពលលើការផលិតអ័រម៉ូនមេឡាតូនីនដែលគ្រប់គ្រងការគេង ព្រមទាំងទទួលខុសត្រូវចំពោះការបង្កើនភាពសកម្មនៃកោសិកាខ្លាញ់ពណ៌ត្នោតដែលជួយដុតបំផ្លាញកាឡូរី។
១០. ការតមមិនទទួលទានអាហារ
វីតាមីននិងជាតិរ៉ែ គឺចាំបាច់ណាស់សម្រាប់រាងកាយក្នុងការរក្សាបាននូវសុខភាពរឹងមាំប្រសើរនិងជួយដល់រាល់សរីរាង្គឱ្យដំណើរការមុខងារបានត្រឹមត្រូវ។ ភាគច្រើននៅពេលតមអាហារដើម្បីស្រកទម្ងន់ឆាប់រហ័សអ្នកប្រាកដជាដកអាហារមួយចំនួនចេញដែលជាហេតុធ្វើឱ្យរាងកាយងាយនឹងជួបប្រទះបញ្ហាខ្វះវីតាមីននិងជាតិរ៉ែចាំបាច់មួយចំនួន។ ម្យ៉ាងវិញទៀតការបន្ថយកាឡូរីខ្លាំងពេកពីក្នុងរបបអាហារអាចបណ្ដាលពន្យឺតអត្រានៃការដុតរំលាយអាហារធ្វើឱ្យអន់ថយនូវប្រសិទ្ធភាពក្នុងការដុតបំផ្លាញកាឡូរី។ អ្វីដែលអ្នកគួរធ្វើ គឺជ្រើសរើសទទួលទានអាហារមានសុខភាពល្អ៕