Join with Health.com.kh on Telegram

មិនមែនគ្រប់គ្នា គឺសុទ្ធតែស៊ាំនឹងភាពស្ត្រេស ឬតានតឹងក្នុងអារម្មណ៍ឡើយ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) សូម្បីតែអ្នកដែលរស់នៅក្នុងជីវិតធម្មតាបំផុតក៏នៅតែអាចជួបប្រទះនឹងទម្រង់ណាមួយនៃភាពតានតឹងក្នុងអារម្មណ៍។ មនុស្សមួយចំនួនត្រូវការថ្នាំដើម្បីជួយឱ្យអារម្មណ៍ពួកគេស្ងប់មិនថប់បារម្ភទប់ទល់ស្ត្រេស ប៉ុន្តែទម្លាប់នៃការប្រើប្រាស់ថ្នាំមិនល្អឡើយចំពោះសុខភាព។ ដូច្នេះថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីគន្លឹះសម្រួលអារម្មណ៍ដោយមិនបាច់ប្រើថ្នាំ ៖

១. ទទួលទានតែផ្កា Chamomile

ជាពិសេសដ៏ពិសេសនិងសាកសមបំផុតនៅពេលអ្នកមានអារម្មណ៍ស្ត្រេស។ នេះក៏ព្រោះតែតែផ្កា Chamomile អាចជួយឱ្យអារម្មណ៍ឆាប់ស្ងប់ដោយវាមានប្រសិទ្ធភាពមិនខុសពីថ្នាំប្រឆាំងជំងឺថប់បារម្ភនោះឡើយ។ អ្នកក៏អាចសាកល្បងទទួលទានតែបៃតងផងដែរប្រសិនបើចូលចិត្ត ក្រៅពីជួយ​រម្ងាប់សសៃប្រសាទហើយនោះ តែបៃតងមានផ្ទុកសម្បូរទៅដោយសារធាតុប្រឆាំងអុកស៊ីតកម្មដែលពង្រឹងប្រព័ន្ធភាពស៊ាំរាងកាយ ដូច្នេះអ្នកនឹងមិនងាយស្ត្រេសឡើយ។

២. បញ្ចេញញើសខ្លះ

ជួនកាលវិធីដ៏ល្អបំផុតដើម្បីបញ្ចេញភាពតានតឹងនិងថប់បារម្ភនោះ គឺការហាត់ប្រាណ ឬលេងកីឡា។ អ្នកមិនចាំបាច់តែធ្វើលំហាត់ប្រាណខ្លាំងក្លាអ្វីនោះឡើយ ត្រឹមតែការរត់ ដើរ ហែលទឹក លេងបាល់ ឬហាត់យូហ្កា គឺប្រសើរណាស់ទៅហើយ។ សកម្មភាពទាំងនេះនឹងជួយឱ្យអារម្មណ៍អ្នកប្រែជាល្អជាងមុននិងមិនផ្ដោតតែលើបញ្ហាព្រួយចិត្ត។ លំហាត់ប្រាណក៏ជួយពង្រឹងសុខភាពសាច់ដុំ ព្រមទាំងឆ្អឹងឱ្យរឹងមាំផងដែរ។

៣. បង្កើនការទទួលទានអាស៊ីតខ្លាញ់អូមេហ្កា ៣

អ្នកក៏អាចទប់ទល់នឹងភាពស្ត្រេស ឬថប់បារម្ភតាមរយៈរបបអាហារបានគួរឱ្យកត់សម្គាល់។ ចូរព្យាយាមបន្ថែមអាហារដែលមានផ្ទុកសម្បូរទៅដោយអាស៊ីតខ្លាញ់អូមេហ្កា ៣ ក្នុងរបបអាហារប្រចាំថ្ងៃដោយវាអាចជួយបន្ថយកម្រិតនៃភាពស្ត្រេស។ ត្រីសម្បូរខ្លាញ់ គ្រាប់ធញ្ញជាតិ និងគ្រាប់ពូជជាដើមសុទ្ធតែជាប្រភពដ៏ល្អបំផុតនៃអាស៊ីតខ្លាញ់ល្អអូមេហ្កា ៣។

៤. ការសមាធិ

នេះក៏ព្រោះតែការធ្វើសមាធិនាំឱ្យអ្នកផ្ដោតអារម្មណ៍ដាក់ចិត្តលើការដកដង្ហើម។ ភាគច្រើននៃពួកយើងមានអារម្មណ៍ថាហត់ខ្លាំង ហើយស្ត្រេសក៏ព្រោះតែចិត្តចេះតែគិត។  អ្វីដែលសំខាន់ គឺអ្នកត្រូវហ្វឹកហាត់គ្រប់គ្រងចិត្តឱ្យស្ងប់ ហើយសម្រួលអារម្មណ៍។ ការធ្វើសមាធិជាវិធីដ៏ល្អបំផុតមួយសម្រាប់ភាពស្ងប់សុខក្នុងចិត្តនិងកាត់បន្ថយភាពតានតឹងបានយ៉ាងប្រសើរ។ ចូរចំណាយពេលពី ១០​ ទៅ ១៥ នាទីក្នុងមួយថ្ងៃទៅអង្គុយកន្លែងស្ងាត់ ហើយធ្វើការសមាធិផ្ដោតអារម្មណ៍លើការដកដង្ហើមចេញចូលមួយៗជ្រៅបន្ធូរចិត្ត។

៥. ដាក់ខ្ទឹមសក្រោមខ្នើយគេង

ការដាក់ខ្ទឹមសដែលបកសំបករួចក្រោមខ្នើយក៏មានប្រសិទ្ធភាពជួយឱ្យអ្នកឆាប់គេងលក់ផងដែរ។ ខ្ទឹមសមានផ្ទុកសម្បូរទៅដោយវីតាមីន b1 ដែលជួយសម្រួលដល់ការគេងលក់បានស្រួលដោយបង្កើនការបញ្ចេញមេឡាតូនីន។ ម្យ៉ាងវិញទៀតខ្ទឹមសមានឥទ្ធិពលលើប្រព័ន្ធសសៃប្រសាទធ្វើឱ្យអ្នកស្ងប់ចិត្ត៕