បើយើងនិយាយផ្ទុយទៅនឹងជំនឿដ៏ពេញនិយមនោះគឺថា មនុស្សប្រុសមិនមែនចេះតែអាចទៅរួចក្នុងការងារលើគ្រែជារឿងរាល់ថ្ងៃនោះទេ។ អ្វីដែលគួរអោយភ្ញាក់ផ្អើលគឺថា មនុស្សប្រុសអាចនឹងមានការថយចុះចំណង់ផ្លូវភេទដូចមនុស្សស្រីដែរ។
តាមពិត មានបុរស១៤, ៤ភាគរយដែលប្រាប់ថាពួកគេមានបញ្ហាកង្វះចំណង់ផ្លូវភេទយ៉ាងហោចណាស់ ២ខែកាលពីឆ្នាំមុន។ នេះបើយោងទៅតាមការសិក្សាថ្មីមួយ។ ខាងក្រោមនេះគឺជាហេតុផលដែលកើតមានញឹកញាប់បំផុតនៃមូលហេតុដែលធ្វើអោយមនុស្សប្រុសគ្មានអារម្មណ៍ក្នុងការរួមភេទ។
មិនសូវមានទំនុកចិត្តខាងផ្លូវភេទ
បុរសដែលមិនសូវមានទំនុកចិត្តលើការឡើងរឹងរបស់លិង្គទំនងជាមានច្រើនជាងបុរសដែលកង្វះចំណង់ផ្លូវភេទ។ វេជ្ជបណ្ឌិត ប្រេនឌី អ៊ីញហ្លឺ (Brandy Engler, Ph.D) អ្នកឯកទេសព្យាបាលជំងឺផ្លូវភេទ និងជាអ្នកនិពន្ធសៀវភៅ The Men on my Couch និយាយថា “បញ្ហាងាប់លិង្គសម្រាប់មនុស្សប្រុសទាំងអស់អាចបង្កើតបានជាវដ្តមួយដែលពួកគេគេគិតថាវាអាចកើតឡើងម្តងទៀត ព្រមទាំងធ្វើអោយចំណង់ផ្លូវភេទទាំងមូលចុះខ្សោយដែរ”។ បើសិនជាមិត្តប្រុសរបស់អ្នកកំពុងតែជួបបញ្ហានៃការឡើងរឹងរបស់លិង្គ ចូរកុំខ្វល់ពីវាអី តែត្រូវធ្វើអ្វីផ្សេងវិញដូចជា ការថើប, ការថ្នាក់ថ្នម ឬធ្វើអោយខ្លួនឯងសប្បាយចិត្តវិញ។
ស្ត្រេសពីកន្លែងធ្វើការ
បើយោងទៅតាមការសិក្សាបានអោយដឹងថា បញ្ហាមួយនេះគឺជាមូលហេតុលេខមួយដែលធ្វើអោយបុរសខ្សោយផ្លូវភេទ។ ពិតណាស់ វាមិនមែនកើតឡើងមនុស្សគ្រប់គ្នានោះទេ ព្រោះវាមានលក្ខណៈខុសៗទៅតាមរបៀបដែលរាងកាយមានប្រតិកម្មទៅនឹងស្ត្រេស។ នៅពេលអ្នកស្ត្រេស ហើយកើតមានក្នុងក្បាលរបស់អ្នករាល់ថ្ងៃ ប្រព័ន្ធសរសៃប្រសាទនឹងត្រូវមានរបួសស្នាម, រាងកាយបញ្ចេញអ័រម៉ូន Cortisol បូករួមនឹងមិនបានសម្រាកគ្រប់គ្រាន់ទៀតទើបធ្វើអោយបញ្ហាកើតមាន។ បើសិនជារឿងនេះវាអញ្ចឹងមែន ចូរប្រាកដថា ការបរបោសអង្អែលមុនពេលរួមភេទមានលក្ខណៈយឺតៗ, មានការទាក់ទាញអារម្មណ៍ និងអារម្មណ៍ស្ងប់ស្ងាត់ដូចជា ការងូតទឹកក្តៅជាមួយគ្នា, ការម៉ាស្សាអោយគ្នាទៅវិញទៅមក ឬការធ្វើអ្វីផ្សេងៗទៀតដើម្បីអោយធូរអារម្មណ៍ និងមានអារម្មណ៍សិចមកវិញ។
មានបញ្ហាបញ្ចប់អ្វីមួយក្នុងទំនាក់ទំនងស្នេហា
អ្នកនឹងភ្ញាក់ផ្អើលពីសារៈសំខាន់នៃទំនាក់ទំនងរាងកាយនិងចិត្តគំនិតចំពោះមនុស្សប្រុសនៅពេលត្រូវរួមភេទ។ បើសិនជាមានបញ្ហាទំនាក់ទំនងណាមួយដែលគាត់កំពុងតែរ៉ាប់រង ឬកំពុងតែមានភាពល្វីងជូចង់ហើយនោះ រាងកាយនឹងមិនទំនងជាឆ្លើយតបនឹងការរួមភេទឡើយ។ ដូច្នេះចូរមិនត្រូវភ្ញាក់ផ្អើលខ្លាំងពេកទេបើសិនជាខាងបុរសមិនមានអារម្មណ៍ចង់រួមភេទនោះ។
ធុញទ្រាន់
ភាពធុញទ្រាន់ខាងផ្លូវភេទក្នុងទំនាក់ទំនងស្នេហារយៈពេលយូរគឺជាហេតុផលដ៏សំខាន់មួយផ្សេងទៀតដែលបុរសតែងប្រាប់ថាខ្វះចំណង់ផ្លូវភេទ។ មិនចាំបាច់ខ្លាចទេ ព្រោះរឿងនេះមិនមែនមានន័យថា គាត់ធុញទ្រាន់នឹងអ្នកឡើយ។ ខណៈពេលដែលស្ត្រីមាននិន្នាការយល់ថានេះជារឿងផ្ទាល់ខ្លួននោះ តែវាច្រើនតែមិនមែនជារឿងមនុស្សស្រីទាំងអស់ឡើយ។ វាអាចថា ជីវិតផ្លូវភេទរបស់អ្នកមានលក្ខណៈខុសប្លែកដូចសព្វដង។ ដូច្នេះបើសិនជាអ្នកបានធ្លាក់ចូលក្នុងរណ្តៅហើយ ចូរធ្វើយ៉ាងណាខិតខំប្រឹងប្រែងរឿងផ្សេងៗព្រមទាំងបង្ហាញនូវសេចក្តីតណ្ហាមួយចំនួន។
គាត់បានសម្រេចកាមខ្លួនឯងមុនរួចហើយ
វាពិតជារឿងមួយដែលអាចកើតមានបានដែរថា គាត់បានយកពេលវេលាតិចតួចមួយដោយគ្មានអ្នកនៅក្បែ ហើយឥឡូវនេះគាត់មិនមានអារម្មណ៍ថាចង់ធ្វើការលើគ្រែខ្លាំងដូចមុនទៀតផទេ។ ចំពោះបុរសខ្លះ ជាពិសេសមនុស្សវ័យចំណាស់ ពួកគេមិនមានអារម្មណ៍ផ្លូវភេទខ្លាំងក្លាទេបើសិនជាពួកគេទើបតែសម្រេចកាមដោយខ្លួនឯងនាពេលថ្មីៗនេះរួចនោះ៕