ទំនាក់ទំនងគឺជាគន្លឹះសំខាន់ក្នុងការរស់នៅរបស់មនុស្សគ្រប់រូប ព្រោះវាអាចធ្វើឲ្យអ្នកសម្រេចជោគជ័យនៅពេលដែលអ្នកមានទំនាក់ទំនងល្អ ដូចនេះបើអ្នកចង់បង្រៀនឲ្យកូនមានទំនាក់ទំនងល្អជាមួយអ្នកដទៃ អ្នកត្រូវតែបង្រៀនកូនពីតូច ដោយអ្នកអាចនិយាយពាក្យទាំង៥ម៉ាត់ជាមួយគេ នោះយូរទៅគេនឹងអាចមានទំនាក់ទំនងល្អជាមួយអ្នកដទៃ។
- កូនត្រូវតែចងចាំថា ភាពស្មោះត្រង់គឺជាអ្វីដែលកូនត្រូវតែមានក្នុងខ្លួនជាចាំបាច់នៅពេលដែលកូនទាក់ទងជាមួយអ្នកដទៃ។
- កូនត្រូវតែរៀនចេះចុះចូលក្នុងសង្គមជាមួយអ្នកដទៃ មិនត្រូវនៅឯងកោរតាឯងឡើយ ព្រោះវាមិនអាចធ្វើឲ្យកូនសម្រេចកិច្ចការដែលកូនចង់ធ្វើនោះទេ ដោយសារតែគ្មានអ្នកជួយកូន។
- កូនត្រូវតែយកចិត្តស្មោះរបស់កូនដើម្បីឈ្នះការស្រលាញ់ពីអ្នកដទៃ នោះយូរទៅកូននឹងមានមិត្តកាន់តែច្រើនដែលអាចជួយកូននៅពេលដែលកូនជួបនឹងការលំបាក។
- កូនមិនត្រូវតែងតែសង្ស័យពីអ្នកដទៃទេ ព្រោះវាអាចធ្វើឲ្យគេមិនហ៊ានចូលមកជិតកូនឡើយ។
- នៅពេលដែលកូនរាប់អានជាមួយអ្នកដទៃ កូនត្រូវតែជឿជាក់គ្នា និងយល់ចិត្តគ្នា ទើបទំនាក់ទំនងនេះបានយូរអង្វែង ហើយមិនត្រូវព្រោះតែរឿងតូចតាច ហើយឈ្លោះប្រកែកគ្នានោះទេ។
- នៅពេលដែលអ្នកប្រើពាក្យទាំងនេះចំពោះកូន នោះកូនអ្នកនឹងអាចក្លាយជាមនុស្សម្នាក់ដែលមានគេគោរពស្រលាញ់ច្រើន នោះកូននឹងអាចទទួលជោគជ័យក្នុងជីវិតរបស់គេ៕