ឥឡូវនេះ បុរសមានហេតុផលគួរឱ្យទាក់ទាញអារម្មណ៍មួយបន្ថែមទៀត ដើម្បីទទួលវ៉ាក់សាំងការពារកូវីដ-១៩ ដោយហេតុថាគ្រូពេទ្យសង្ស័យថាវីរុសកូរ៉ូណាថ្មីអាចធ្វើឱ្យមានផលពិបាករឿងលើគ្រែ។
ដោយរបៀបណា? ការឆ្លងមេរោគកូរ៉ូណា ត្រូវបានគេដឹងថា ធ្វើឱ្យខូចខាតដល់សរសៃឈាម ហើយសសៃឈាម ដែលផ្គត់ផ្គង់ឈាមទៅលិង្គហាក់ដូចជាមិនមានករណីលើកលែងនោះទេ។
អ្នកស្រាវជ្រាវ បានរកឃើញភាគល្អិតមេរោគកូរ៉ូណា ក្នុងគំរូជាលិកាលិង្គ ដែលត្រូវបានយកពីអតីតអ្នកជំងឺ កូវីដ-១៩ ដែលមានភាពទន់ខ្សោយ បន្ទាប់ពីការឆ្លងរបស់ពួកគេ ដែលបានកើតឡើងកាលពី ៦ និង ៨ ខែមុន។
ការស្រាវជ្រាវបន្ថែម បានបង្ហាញពីភស្តុតាងនៃការខូចខាតសរសៃឈាមនៅក្នុងលិង្គរបស់អ្នកជំងឺ ឮកូវីដ-១៩។
របាយការណ៍ថ្មី បានផ្តោតលើអ្នកជំងឺ ដែលបានជាពីកូវីដ-១៩ ២នាក់ ដែលកំពុងធ្វើការវះកាត់ក្រពេញប្រូស្តាតដោយសារលិង្គងាប់។ បុរសទាំងពីរមានមុខងារលិង្គធម្មតាមុនពេលឆ្លង។
បុរសម្នាក់ ក្នុងចំណោមបុរសទាំង២ បានធ្លាក់ខ្លួនឈឺកូវីដ១៩ធ្ងន់ធ្ងរ ហើយបានចំណាយពេល ២ សប្តាហ៍នៅក្នុងមន្ទីរពេទ្យ មុនពេលគាត់បានជាសះស្បើយ ប៉ុន្តែគ្មានបញ្ហាសុខភាពរ៉ាំរ៉ៃទេ។
បុរសម្នាក់ទៀតមានករណីស្រាលនៃកូវីដ១៩ ប៉ុន្តែទទួលរងពីការស្ទះសរសៃឈាម និងសម្ពាធឈាមខ្ពស់មុនពេលឆ្លង។
បុរសទាំងពីរនៅតែមានភាគល្អិតកូវីដ-១៩ នៅក្នុងជាលិកាលិង្គរបស់ពួកគេ ក៏ដូចជាភ័ស្តុតាងនៃភាពមិនធម្មតានៃប្រព័ន្ធ endothelial ដែលជាលក្ខខណ្ឌមួយដែលសរសៃឈាមតូចៗមិនដំណើរការបានល្អ និងមិនផ្តល់ការផ្គត់ផ្គង់ឈាមគ្រប់គ្រាន់ដល់ផ្នែកផ្សេងៗនៃរាងកាយ។
តាមរយៈការប្រៀបធៀប បុរស២នាក់ដែលមិនមានឆ្លងជំងឺកូវីដ១៩ ហើយក៏កំពុងធ្វើការវះកាត់សម្រាប់ការងាប់លិង្គ មិនមានភស្តុតាងនៃការខូចសរសៃឈាមតូចក្នុងលិង្គទេ។
សមហេតុផលថា កូវីដ១៩ អាចជះឥទ្ធិពលដល់បុរសតាមរបៀបនេះ ដោយសារសមត្ថភាពរបស់វីរុស បង្កឱ្យមានការរលាក និងបំផ្លាញដល់សសៃឈាម។ ។
ទោះយ៉ាងណាក៏ដោយ បុរសមិនគួរភ័យស្លន់ស្លោទេ រហូតដល់មានការស្រាវជ្រាវបន្ថែមទៀត៕