ប្រយ័ត្ន! ទម្លាប់ទាំងនេះអាចបង្កើនហានិភ័យនៃ “ជំងឺមហារីកស្បែក”

ទម្លាប់មួយចំនួនអាចបង្កើនហានិភ័យនៃជំងឺមហារីកស្បែកគួរឱ្យកត់សម្គាល់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើមានទម្លាប់អ្វីខ្លះទៅ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីទម្លាប់ដែលអាចបង្កើនហានិភ័យនៃជំងឺមហារីកស្បែក ៖

១. ការត្រូវកម្ដៅថ្ងៃច្រើនពេក

ប្រសិនបើអ្នកចូលចិត្តហាលថ្ងៃ ចូរកុំភ្លេចប្រើប្រាស់ឡេលាបការពារកម្ដៅថ្ងៃដែលមានផ្ទុក SPF យ៉ាងហោចណាស់ ៣០ ឱ្យសោះ។ ការបណ្ដោយឱ្យស្បែកស្ថិតក្រោមកម្ដៅថ្ងៃខ្លាំងដោយផ្ទាល់យូរម៉ោង ឬញឹកញាប់អាចបង្កើនហានិភ័យនជំងឺមហារីកស្បែកគួរឱ្យកត់សម្គាល់។ ជាពិសេសប្រសិនបើអ្នកធ្លាប់មានប្រវត្តិរលាកស្បែកដោយសារកម្ដៅថ្ងៃធ្ងន់ធ្ងរច្រើនដង។

២. រស់នៅក្នុងតំបន់មានកម្ដៅថ្ងៃខ្លាំង ឬតំបន់ដែលខ្ពស់

នេះក៏ព្រោះតែតំបន់ខ្ពស់អាចបណ្ដាលអ្នកងាយនឹងទទួលបាននូវកំណើននៃបរិមាណនៃកាំរស្មីយូវី ឬកម្ដៅពីព្រះអាទិត្យ។ ជាលទ្ធផលអ្នកងាយប្រឈមមុខនឹងហានិភ័យនៃជំងឺមហារីកស្បែក ប្រសិនបើរស់នៅកន្លែងដែលតែងត្រូវពន្លឺថ្ងៃ ឬកន្លែងខ្ពស់ៗដូចជាកំពូលភ្នំ។

៣. ទម្លាប់ទទួលទានមិនល្អ

ថាតើអ្នកធ្លាប់ដឹងទេថាប្រព័ន្ធភាពស៊ាំចុះខ្សោយអាចបណ្ដាលឱ្យអ្នកងាយនឹងកើតជំងឺមហារីកស្បែក? នេះក៏ព្រោះតែរាងកាយមិនសូវមានសមត្ថភាពបង្ក្រាបកោសិកាមហារីក។ ដូច្នេះត្រូវប្រាកដថាអ្នកប្រកាន់ខ្ជាប់ឱ្យបាននូវរបបអាហារសុខភាពល្អនិងគ្រប់គ្រងកម្រិតនៃភាពស្ត្រេស ហើយធ្វើលំហាត់ប្រាណជាប្រចាំដើម្បីពង្រឹងប្រព័ន្ធភាពស៊ាំរាងកាយ។

៤. ជក់បារី

ភាគច្រើននៃពួកយើងសុទ្ធតែដឹងថាទម្លាប់នៃការជក់បារីផ្សារភ្ជាប់នឹងហានិភ័យនៃជំងឺជាច្រើនមិនមែនត្រឹមតែបញ្ហាពាក់ព័ន្ធជាមួយសុខភាពសួតឡើយ។ ទម្លាប់មិនល្អនេះក៏បង្កើនហានិភ័យនៃជំងឺមហារីកស្បែកផងដែរតាមរយៈការបញ្ចូនជាតិពុលជាតិច្រើនទៅក្នុងលំហូរឈាមដែលនាំឱ្យប្រព័ន្ធភាពស៊ាំចុះខ្សោយ៕