មានមនុស្សជាច្រើនចូលចិត្តផឹកភេសជ្ជៈណាស់ មានអ្នកខ្លះក្រោយពេលបាយ គេតែងតែផឹកតែដែលកាត់ខ្លាញ់ ដើម្បីធ្វើឲ្យស្គម អ្នកខ្លះវិញបរិភោគបន្លែ និងផ្លែឈើតិច ប៉ុន្តែផឹកភេសជ្ជៈដែលផលិតពីបន្លែ និងផ្លែឈើដើម្បីប៉ូវវិញ។ តើអ្នកដឹងទេថាទង្វើទាំងនេះសុទ្ធតែជាទង្វើដែលខុសនោះ?
ផឹកតែអាចកាត់ខ្លាញ់បានឬ?
នៅពេលដែលអ្នកផឹកតែក្រោយពេលដែលអ្នកបរិភោគបាយរួច វាមិនអាចធ្វើឲ្យអាស៊ីតខ្លាញ់ដែលមានស្រាប់ក្នុងរាងកាយអ្នករលាយទេ ដូចនេះបើអ្នកចង់ស្គម អ្នកគួរតែតម្រូវរបបអាហារអ្នកវិញទើបអ្នកអាចទទួលបានរាងស្អាត។
ផឹកទឹកផ្លែឈើ អាចប៉ូវមែនឬ?
តាមពិតការផឹកទឹកផ្លែឈើប្រអប់ និងកំប៉ុងមិនអាចប៉ូវអ្នកបានឡើយ ព្រោះនៅពេលដែលគេផលិត វាបាត់បង់សារធាតុចិញ្ចឹមដែលមានក្នុងនោះអស់ទៅហើយ ម្យ៉ាងទៀតគេបានបន្ថែមសារធាតុជាច្រើនដែលអាចប៉ះពាល់ដល់សុខភាពអ្នកក្រោយពេលដែលផឹកច្រើន ដូចនេះអ្នកគួរតែពិសារផ្លែឈើស្រស់ទើបអាចទទួលបានសារធាតុចិញ្ចឹមបានគ្រប់គ្រាន់។
ភេសជ្ជៈអាចធ្វើឲ្យអ្នកមានខួរក្បាលស្រស់ស្រាយ?
បុគ្គលិកក្រុមហ៊ុនភាគច្រើនតែងតែប្រើភេសជ្ជៈផ្សេងៗមកទប់ខ្លួនឯងឲ្យធ្វើការបានពេញមួយថ្ងៃ ប៉ុន្តែតើអ្នកដឹងទេថានៅក្នុងភេសជ្ជៈទាំងនោះមានជាតិកាហ្វេអ៊ីនជាច្រើនដែលអាចធ្វើឲ្យសុខភាពអ្នកកាន់តែទ្រុឌទ្រោមទៅៗក្រោយពេលដែលអ្នកទទួលទានច្រើន វានឹងអាចបំផ្លាញកោសិកាក្នុងរាងកាយអ្នកម្តងបន្តិចពីមួយថ្ងៃទៅមួយថ្ងៃ ដូចនេះអ្នកគួរតែកាត់បន្ថយក្នុងការផឹកទើបល្អ៕