Join with Health.com.kh on Telegram

​ទឹកឃ្មុំ​គឺជា​របស់​ដែល​ល្អ​ណាស់​សម្រាប់​សុខភាព និង​សម្រស់​នារី ប៉ុន្តែ​ដល់​តែ​អ្នក​ពិសារ​វា​ក្នុង​រយៈពេល​ដែល​ត្រូវ ទើប​អ្នក​អាច​ទទួលបាន​លទ្ធផល​ដែល​អ្នក​ពេញចិត្ត​។ ដូចនេះ​តើ​ពេល​ណា​ទើប​អ្នក​គួរតែ​ផឹកទឹក​ឃ្មុំ​នោះ​?

ពេល​ទើបនឹង​ក្រោក​ពី​គេង​
​អ្នក​អាច​ផឹក​ពេល​ទើប​នឹង​ក្រោក​ពី​គេង​បាន ព្រោះ​នៅ​ពេល​ព្រឹក​គឺជា​ពេល​ដែល​រាងកាយ​អ្នក​ត្រូវតែ​បញ្ចេញ​ជាតិពុល​មក​ក្រៅ ដូចនេះ​ក្រោយពេល​ដែល​អ្នក​ផឹក​រួច វា​នឹង​ជួយ​បញ្ចេញ​ជាតិពុល​ចេញមកក្រៅ​ឲ្យអស់ ថែម​ទាំង​អាច​ជួយ​អ្នក​មិនឲ្យ​មាន​ជំងឺទល់លា​មកទៀតផ​ង ប៉ុន្តែ​បើ​អ្នក​ពិសារ​នៅពេល​ពោះ​ទទេរ អ្នក​មិន​ត្រូវ​ដាក់​ទឹកឃ្មុំ​ច្រើន​ឡើយ​។​

ថ្ងៃត្រង់​
​នៅ​ពេល​ថ្ងៃ​ម៉ោង​ប្រហែល​ពី​៣​ទៅ​៤​គឺជា​ពេលវេលា​ដែល​អ្នក​នឿយហត់​បំផុត​ក្នុង​រយៈពេល​មួយថ្ងៃ ហើយក៏​ជា​ពេល​ដែល​អ្នក​ឃ្លាន​ផងដែរ ដូចនេះ​អ្នក​អាច​ផឹក​ទឹកឃ្មុំ​បាន នោះ​វា​នឹង​ជួយ​បំបាត់​អារម្មណ៍​នឿយហត់​របស់​អ្នក ថែម​ទាំង​អាច​ធ្វើឲ្យ​អ្នក​មាន​កម្លាំង​ក្នុង​ការធ្វើ​ការងារ​បន្ត​ទៀតផង​។​

​មុន​ពេល​គេង​
​បើ​អ្នក​ផឹក​ទឹកឃ្មុំ​នៅ​មុនពេល​គេង នោះ​វា​នឹង​ជួយ​រំងាប់​អារម្មណ៍​របស់​អ្នក ធ្វើឲ្យ​អ្នក​មាន​ចិត្តស្ងប់ មិន​ជ្រួលច្របល់ ដូចនេះ​វា​នឹង​ធ្វើ​ឲ្យ​អ្នកគេង​លក់​ស្រួល មិនមាន​ជំងឺ​គេង​មិន​លក់​ឡើយ​។​

​ពេល​ដទៃ​
​អ្នក​ក៏​អាច​ពិសារ​នៅ​មុន​ពេល​បាយ​ចំនួន​កន្លះ​ម៉ោង នោះ​វា​នឹង​ជួយ​ធ្វើឲ្យ​ក្រពះ​អ្នក​មិន​បញ្ចេញ​អាស៊ីត​ច្រើន ហើយ​អ្នក​ក៏​អាច​ពិសារ​ក្រោយ​ពេលបាយ​ចំនួន​២​ទៅ​៣​ម៉ោង វា​នឹង​ជួយ​ក្រពះ​ឲ្យ​រំលាយ​អាហារ ដោយ​មិន​ផ្ទុក​នៅក្នុង​ក្រពះ​អ្នក​ឡើយ​៕