ថ្វីបើម៉ៃក្រូវ៉េវភាគច្រើនគឺជារបស់ដ៏សំខាន់ដែលផ្ទះបាយមិនអាចខ្វះបានក៏ដោយ ក៏មានមនុស្សជាច្រើនមិនជ្រើសរើសយកវាមកប្រើដែរ។ ចំពោះមូលហេតុដ៏សំខាន់នោះគឺថា វាអាចបំផ្លាញជីវជាតិដែលមានក្នុងចំណីអាហារបាន។
ប៉ុន្តែបើសិនជាអ្នកគិតឱ្យស្រួលទៅថា តើស្ពៃស្ពីណាចអាចនឹងបាត់បង់ជីវជាតិកាន់តែច្រើនជាមួយនឹងការចម្អិនពីរបីនាទីក្នុងម៉ៃក្រូវ៉េវ ឬចម្អិនធម្មតាដែរទេ? ចំពោះរឿងនេះ យើងត្រូវតែទទួលស្គាល់ការពិតត្រង់ថា ជីវជាតិក្នុងចំណីអាហារនឹងត្រូវបាត់បង់យ៉ាងពិតប្រាកដនៅពេលវាប៉ះពាល់នឹងកម្តៅដែលក្តៅខ្លាំង។
អ្នកវិទ្យាសាស្ត្រដែលសិក្សាទៅលើអាហារូបត្ថម្ភ Katherine Adam Hants បានប្រកាសថា “រាល់អាហារទាំងឡាយ ក៏ដូចជាគ្រឿងផ្សំមួយចំនួនដែលត្រូវយកទៅចម្អិននោះ នឹងមានជីវជាតិមួយចំនួនត្រូវបាត់បង់ ប៉ុន្តែយើងគួរតែដឹងថា វិធីសាស្ត្រដ៏ល្អបំផុតដើម្បីរក្សាជីវជាតិទាំងនោះកុំឱ្យបាត់បង់គឺចម្អិនអាហារឱ្យបានលឿន ប៉ះពាល់នឹងសីតុណ្ហភាពកុំឱ្យក្តៅពេកឱ្យបានច្រើនតាមតែអាចធ្វើទៅបាន។ ព្រមទាំងចម្អិនជាមួយនឹងទឹកតិចបំផុត”។
វីតាមីន B និង C គឺងាយនឹងរងខូចខាតក្នុងទឹក និងក្តៅណាស់ ប៉ុន្តែការស្រាវជ្រាវបង្ហាញថា បន្លែអាចរក្សាវីតាមីនរបស់ខ្លួនបានល្អបើសិនជាវាត្រូវបានចម្អិនក្នុងម៉ៃក្រូវ៉េវ ជាងកាងការស្ងោរធម្មតា។
អ្នកវិទ្យាសាស្ត្រនិយាយថា យើងគួរតែដឹងថា ចានដែលយើងកំពុងតែប្រើប្រាស់សម្រាប់ដាក់ក្នុងម៉ៃក្រូវ៉េវនោះដែរ។ ចូរប្រាកដថា អ្នកតែងតែប្រើឆ្នាំង និងចានដែលធ្វើមកពីវត្ថុធាតុដើមដែលអាចប្រើក្នុងម៉ៃក្រូវ៉េវបានផង។ បើសិនជាមិនអញ្ជឹងទេ វាអាចនឹងប៉ះពាល់ដល់សុខភាពធ្ងន់ធ្ងរបាន។