ភ្នំពេញ៖ ជារៀងរាល់ឆ្នាំ ជនជាតិចិន បានធ្វើពិធីសែនផ្នូរដូនតា ដែលជាប្រពៃណីទំនៀមទម្លាប់របស់ខ្លួន។ ពិធីសែនផ្នូរ ឬខ្មែរយើងតែងតែហៅថា ពិធីសែនក្បាលទឹកនោះ គឺជនជាតិចិន បានប្រតិបត្តិតាំងពីសតវត្សទី៥ មុនគ្រឹស្តសករាជ។ គេឃើញមានជនជាតិចិនអនុវត្តន៍ពិធីសែនផ្នូរ នៅក្នុងសម័យរបស់ទស្សនវិទូជនជាតិចិនលោកខុងជឺ។
លោក ខុងជឺ គឺជាទស្សនវិទូចិនដ៏ល្បីល្បាយ មួយរូបនៅក្នុងប្រវត្តិសាស្ត្រចិន។ លោកគឺជាអាចារ្យពេលជនជាតិចិនរៀបអាពាហ៍ពិពាហ៍ និងពិធីផ្សេងៗ។ ដោយសារ ការខិតខំស្រាវជ្រាវ លោក ខុងជឺ មានចំណេះដឹងជាច្រើនដូចជា៖ វិជ្ជាពេទ្យ វិជ្ជាទស្សន៍ទាយ និងជាអ្នកបង្ហាត់ ឲ្យប្រជាជនចិន ចេះសែនព្រេនដូនតាតាមលក្ខណៈថ្មី។ លោកមិនត្រឹមតែ ជាគ្រូបង្ហាត់ក្បួនខ្នាតផ្សេងៗប៉ុណ្ណោះទេ តែលោកព្រមទាំងបានដឹកនាំប្រជាជនឲ្យអនុវត្តន៍នូវទំនៀមទម្លាប់សុទ្ឋិផ្នែក វប្បធម៌សង្គមធម៌ និងសាសនាទៀតផង។ លើសពីនេះ លោកបានកែប្រែទំនៀមទម្លាប់ចិនឲ្យមានការរីកចម្រើនឡើងវិញ។ គេសង្កេតឃើញមានប្រជាជនចិន ប្រើក្រដាស់ និងជក់ទឹកខ្មៅសម្រាប់សរសេរ ព្រមទាំងបង្កើតទំនៀមទម្លាប់សែនផ្នូរដូនតារាល់ឆ្នាំ តាំងពីសម័យខុងជឺមកម្ល៉េះ៕
