នៅពេលដែលអ្នកផ្តាសាយម្តងៗ គំនិតទី១គឺទៅទិញថ្នាំដើម្បីផឹក ប៉ុន្តែតើអ្នកដឹងទេថានៅពេលដែលអ្នកប្រើថ្នាំផ្តាសាយច្រើន វាអាចប៉ះពាល់ដល់សុខភាពអ្នកយ៉ាងងាយ ដូចនេះខាងក្រោមនេះយើងខ្ញុំនឹងប្រាប់អ្នកពីរូបមន្តខ្លីមួយដែលអាចជួយធ្វើឲ្យជំងឺផ្តាសាយអ្នកមានអាការៈធូរ ថែមទាំងអាចជួយបំបាត់សំបោរ និងក្អកអ្នកទៀតផង។ តើមានរបៀបធ្វើដូចម្តេចទៅ?
អ្នកអាចយកក្រូចដែលមានសំបកពណ៌លឿងមកចិតជាដុំៗ បន្ទាប់មកយកទឹកចាក់ចូលទៅក្នុងក្រូចនោះឲ្យលេច រួចយកវាទៅចំហុយ ក្រោយពេលដែលឆ្អិនដាក់ស្ករក្រាមចូលជាការស្រេច។ វិធីម្យ៉ាងទៀតគឺអ្នកអាចយកក្រូចពណ៌លឿងនេះចិតជាដុំៗ បន្ទាប់មកយកផ្លែប៉ោមមកចិតជាដុំៗដូចគ្នា រួចយកទឹកចាក់វាឲ្យលេចក្រូច និងផ្លែប៉ោមនោះ ហើយយកវាទៅចំហុយជាការស្រេច ដោយអ្នកអាចផឹកមួយថ្ងៃចំនួនពី២ទៅ៣កែវក្នុងមួយថ្ងៃ ផឹកចំនួន៣ថ្ងៃ អ្នកនឹងអាចឃើញលទ្ធផលជាមិនខាន។
បញ្ជាក់ ៖ នៅមុនពេលដែលអ្នកយកវាទៅចំហុយទាំងសំបក អ្នកត្រូវតែលាង និងដុសសំបកទាំងនោះឲ្យស្អាត ព្រោះវាមានគីមីច្រើនណាស់នៅលើសំបកផ្លែឈើបច្ចុប្បន្ន ហើយក្រោយពេលដែលអ្នកចំហុយបានមួយដង អ្នកអាចយកវាទៅចំហុយម្តងទៀតបាន បើវាអស់រសជាតិ អ្នកអាចបន្ថែមក្រូច ឬផ្លែប៉ោមមួយផ្លែទៀតចូលបាន វានឹងមានរសជាតិឡើងវិញហើយ៕