រដ្ឋបាលចំណីអាហារ និងឱសថ (FDA) បានអនុញ្ញាតឱ្យកុមារ និងក្មេងជំទង់ដែលមានអាយុចន្លោះពី ១២ ទៅ ១៥ ឆ្នាំ ចាក់វ៉ាក់សាំង Pfizer-BioNTech។ ដែលជាសញ្ញាមួយបង្ហាញថា នាំឱ្យយើងខិតជិតទៅរកភាពធម្មតា និងបញ្ចប់ការរាតត្បាត។
នៅក្នុងសេចក្ដីថ្លែងការណ៍មួយ ស្នងការរងនៃអង្គការ FDA បាននិយាយថា ឪពុកម្តាយ និងអាណាព្យាបាល អាចធានាបានថាទីភ្នាក់ងារនេះ បានធ្វើការត្រួតពិនិត្យយ៉ាងហ្មត់ចត់ នូវរាល់ទិន្នន័យ ដែលមានទាំងអស់ដូចដែលយើងមានជាមួយនឹងការអនុញ្ញាតប្រើប្រាស់វ៉ាក់សាំងកូវីដ១៩។
នៅដើមខែមេសា Pfizer និង BioNTech បានស្នើសុំការធ្វើវិសោធនកម្ម នៃការអនុញ្ញាតប្រើប្រាស់បន្ទាន់ (EUA) ដែលមានស្រាប់ ដើម្បីពង្រីកការប្រើប្រាស់វ៉ាក់សាំងដល់ក្រុមយុវជនវ័យក្មេងនេះ។
ក្រុមហ៊ុន បានរាយការណ៍នៅចុងខែមីនាថា ការសាកល្បងព្យាបាលដំណាក់កាលទី៣ ដែលមានអាយុពី ១២ ដល់ ១៥ ឆ្នាំចំនួន ២.២៦០ នាក់ បានបង្ហាញថាវ៉ាក់សាំងនេះមានប្រសិទ្ធភាព ១០០ ភាគរយចំពោះក្រុមអាយុនេះ។
មនុស្សវ័យជំទង់ដែលបានទទួលវ៉ាក់សាំង បានបង្កើតការឆ្លើយតបអង្គបដិប្រាណខ្លាំង ស្រដៀងនឹងអ្វីដែលត្រូវបានគេឃើញនៅក្នុងការសាកល្បងមុនក្នុងចំណោមមនុស្ស ១៦ ទៅ ២៥ ។
សូមបញ្ជាក់ថា ការសិក្សាផ្នែកកុមាររបស់ Pfizer កំពុងចុះឈ្មោះកុមារអាយុ ៦ ខែទៅ ១១ ឆ្នាំ។ Moderna មានការសាកល្បងមនុស្សវ័យជំទង់ដែលកំពុងដំណើរការហើយកំពុងជ្រើសរើសកុមារអាយុពី ៦ ខែទៅ ១១ ឆ្នាំសម្រាប់ការសិក្សាផ្សេងទៀត៕