​​មាន​អ្នកខ្លះ​មិន​ហ៊ាន​ទិញ​ម៉ាស៊ីនត្រជាក់​ដើម្បី​ប្រើ​ទេ ព្រោះ​គេ​ខ្លាច​អស់​ភ្លើង​ច្រើន រី​ឯ​អ្នកខ្លះ​វិញ​ទិញ​ហើយ​បែរជា​មិន​ហ៊ាន​ប្រើ​ដែរ ដោយសារ​តែ​វា​ស៊ី​ភ្លើង​ខ្លាំងពេក ដូចនេះ​ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​របៀប​ក្នុងការ​សន្សំសំចៃ​ភ្លើង​។ តើ​មាន​វិធី​អ្វីខ្លះ​?

លាង​ឲ្យបាន​ទៀងទាត់​
នៅពេល​ដែល​អ្នក​ប្រើ​យូរ ហើយ​មិន​លាង​សំណាញ់​ដែល​មាន​ក្នុង​នោះ​នឹង​កក​ដី​ជា​ច្រើន​ជាប់​នៅ​ក្នុង​នោះ ជា​ហេតុ​ដែល​ធ្វើឲ្យ​វា​មិន​ត្រជាក់ ហើយ​ថែមទាំង​ស៊ី​ភ្លើង​ច្រើន​ទៀត​ផង ដូចនេះ​អ្នក​គួរតែ​២​អាទិត្យ​លាង​ម្តង​។​

បើក​ម៉ាស៊ីនត្រជាក់ ត្រូវ​បិទ​បង្អួច​
នៅពេល​ដែល​អ្នក​ចាប់ផ្តើម​បើក​ម៉ាស៊ីនត្រជាក់ អ្នក​ត្រូវ​តែ​បិទ​បង្អួត និង​ទ្វារ​ក្នុង​បន្ទប់​អ្នក បើ​ពុំ​ដូច្នោះ​ទេ បន្ទប់​អ្នក​នឹងមិន​ត្រជាក់​ឡើយ ដូចនេះ​ម៉ាស៊ីនត្រជាក់​ត្រូវ​ការប្រើ​ភ្លើង​ខ្លាំង​ដើម្បី​ធ្វើឲ្យ​បន្ទប់អ្នក​ត្រជាក់ វា​នឹង​ស៊ី​ភ្លើង​កាន់តែ​ច្រើន​ថែមទៀត​។​

សីតុណ្ហភាព​ត្រូវ​បើក​ខ្ពស់​
សីតុណ្ហភាព​នៃ​ម៉ាស៊ីនត្រជាក់​របស់​អ្នក​មិន​ត្រូវ​បើក​ពី​១៥​ទៅ​២១​អង្សា​សេ​ឡើយ ព្រោះ​សីតុណ្ហភាព​កាន់តែ​ទាប នោះ​វា​នឹង​ស៊ី​ភ្លើង​កាន់តែច្រើន ដូចនេះ​អ្នក​មិន​ត្រូវ​តម្រូវ​សីតុណ្ហភាព​ឲ្យទាប​ពេក​ទេ ទើប​អ្នក​អាច​សន្សំសំចៃ​ភ្លើង​បាន​។​

បិទ​វាំង​នង​
អ្នក​មិន​ត្រូវ​បើក​ម៉ាស៊ីនត្រជាក់​ក្នុង​បន្ទប់​ដែល​មាន​ពន្លឺព្រះអាទិត្យ​ចាំង​ចូល​នោះទេ ព្រោះ​វា​ជា​សត្រូវ​របស់​ម៉ាស៊ីនត្រជាក់ ដែល​អាច​ធ្វើឲ្យ​ម៉ាស៊ីនត្រជាក់​របស់​អ្នកប្រើ​ភ្លើង​កាន់តែ​ច្រើន​ដើម្បី​ធ្វើឲ្យ​បន្ទប់អ្នក​ត្រជាក់​។​

បិទ​មុន​ចេញ​ក្រៅ​
នៅពេល​ដែល​អ្នក​ចង់​ចេញពី​បន្ទប់ អ្នក​ត្រូវ​តែ​បិទ​ម៉ាស៊ីនត្រជាក់​នោះ​ជាមុនសិន ទើប​អ្នក​មិនចាំបាច់​ចំណាយ​ថវិការ​ច្រើន​លើ​ថ្លៃ​ភ្លើង​។​

បើក​កង្ហា​ជាមួយ​ម៉ាស៊ីនត្រជាក់​
មាន​អ្នកខ្លះ​នៅពេល​ដែល​បើក​ម៉ាស៊ីនត្រជាក់ គេ​មិន​ហ៊ាន​បើក​កង្ហា​នោះទេ ព្រោះ​ខ្លាច​អស់​ប្រាក់​ច្រើន នេះ​ជា​គំនិត​ដែល​ខុស​មួយ ដូចនេះ​អ្នក​គួរតែ​បើក​ម៉ាស៊ីនត្រជាក់ និង​កង្ហា​នៅពេល​តែមួយ ទើប​វា​អាច​ធ្វើឲ្យ​បន្ទប់អ្នក​ឆាប់​ត្រជាក់ ហើយ​មិន​ស៊ី​ភ្លើង​ច្រើន​៕