ឧស្សាហ៍ញ៊ាំ​ ប៉ុន្តែតិចអត់ដឹង “ត្រប់វែង” ល្អអ្វីខ្លះចំពោះសុខភាព

ត្រប់វែង គឺជាបន្លែមួយ​ប្រភេទដែលមានផ្ទុកសម្បូរទៅដោយសារធាតុចិញ្ចឹមសំខាន់ៗសម្រាប់សុខភាពដែលមនុស្សភាគច្រើនមិនបានចាប់អារម្មណ៍ដឹង។ (អានហើយរំជួលចិត្ត ៖ សម្តីចុងក្រោយរបស់ក្មេងស្រីម្នាក់ដែលស្លាប់ដោយគ្រោះថ្នាក់ចរាចរណ៍ធ្វើអោយពិភពលោកស្រក់ទឹកភ្នែក) ថាតើផ្លែត្រប់វែងអាចផ្ដល់ផលល្អអ្វីខ្លះទៅចំពោះសុខភាព? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍គួរឲ្យភ្ញាក់ផ្អើលនៃការទទួលទានត្រប់វែង ចំពោះសុខភាព ៖

១. ជួយឱ្យស្រកទម្ងន់

ត្រប់វែងជាអាហារដ៏ប្រសើរបំផុតមួយនៅពេលអ្នកកំពុងព្យាយាមស្រកទម្ងន់។ មិនត្រឹមតែមានរសជាតិឆ្ងាញ់ប៉ុណ្ណោះទេ ប៉ុន្តែក៏ងាយចម្អិនជាម្ហូបផ្សេងៗផងដែរ។ ត្រប់វែងមានផ្ទុកកាឡូរីទាប ប៉ុន្តែក៏ជាប្រភពដ៏ប្រសើរនៃជាតិសសៃនិងអាស៊ីត cholorogenic ដែលល្អណាស់សម្រាប់ប្រឆាំងជំងឺធាត់ជ្រុល។

២. ល្អសម្រាប់ពង្រឹងសុខភាពឆ្អឹង

ត្រប់វែងមានផ្ទុកសម្បូរទៅដោយជាតិរ៉ែចាំបាច់ដូចជាជាតិដែកនិងកាល់ស្យូមដែលជួយពង្រឹងសុខភាពឆ្អឹង។ សារធាតុចិញ្ចឹមនេះក៏រាងកាយត្រូវការចាំបាច់សម្រាប់រក្សាភាពរឹងមាំនិងសុខភាពល្អផងដែរ។

៣. ជួយលើកកម្ពស់អារម្មណ៍ល្អប្រសើរ

នេះក៏ព្រោះតែត្រប់វែងមានផ្ទុក chlorogenic acid ដែលល្អណាស់សម្រាប់លើកកម្ពស់អារម្មណ៍ល្អប្រសើរនិងកាត់បន្ថយកម្រិតនៃភាពស្ត្រេស។

៤. កាត់បន្ថយកម្រិតកូឡេស្តេរ៉ូលមិនល្អ

ត្រប់វែង គឺមានផ្ទុកសម្បូរទៅដោយអាស៊ីត Chlorogenic ដែលមានឥទ្ធិពលយ៉ាងខ្លាំងក្លាជួយកាត់បន្ថយកម្រិតនៃកូឡេស្តេរ៉ូលមិនល្អ។ អាស៊ីត Chlorogenic ក៏ដើរតួជាសារធាតុប្រឆាំងវីរុស សារធាតុប្រឆាំងជំងឺមហារីក និងសារធាតុប្រឆាំងមេរោគអតិសុខុមប្រាណផងដែរ។

៥. គ្រប់គ្រងជំងឺទឹកនោមផ្អែម

ត្រប់វែងជាជម្រើសនៃអាហារដ៏ល្អបំផុតមួយសម្រាប់អ្នកជំងឺទឹកនោមផ្អែម ក៏ព្រោះបន្លែនេះមានផ្ទុកជាតិកាបូអ៊ីដ្រាតទាប ប៉ុន្តែជាតិសសៃខ្ពស់។

៦. បង្កើនសុខភាពខួរក្បាល

សំបកនៃផ្លែត្រប់វែង គឺមានផ្ទុកសារធាតុ nasunin និង anthocyanin ដែលសុទ្ធតែជាសារធាតុប្រឆាំងអុកស៊ីតកម្មដ៏មានឥទ្ធិពលជួយការពារភ្នាសកោសិកាជាតិខ្លាញ់នៅក្នុងកោសិកាខួរក្បាលមិនឲ្យទទួលរងការបំផ្លាញណាមួយនៃរ៉ាឌីកាល់សេរី។ លើសពីនេះទៅទៀត  សារធាតុ anthocyanin ក៏មានប្រសិទ្ធិភាពជួយសម្រួលលំហូរឈាមទៅកាន់ខួរក្បាល និងទប់ស្កាត់ការរលាកសសៃប្រសាទផងដែរ។ ជាលទ្ធផលវាជួយក្នុងការទប់ស្កាត់បញ្ហាផ្លូវចិត្តដែលទាក់ទងនឹងអាយុ ហើយបង្កើនការចងចាំ។

៧. ទប់ស្កាត់ជំងឺមហារីក 

ផ្លែត្រប់វែង មានផ្ទុកនូវសារធាតុ polyphenols ដែលប្រឆាំងនឹងជំងឺមហារីក។ ចំណែកសារធាតុanthocyanins និងអាស៊ីត Chlorogenic នៅក្នុងត្រប់វែងដើរតួនាទីជាសារធាតុប្រឆាំងការរលាក និងសារធាតុប្រឆាំងអុកស៊ីតកម្ម។ វាការពារកោសិការាងកាយពីការបំផ្លាញដែលបង្កឡើងដោយរ៉ាឌីកាល់សេរី ហើយជាលទ្ធផល គឺជួយទប់ស្កាត់ការលូតលាស់នៃដុំសាច់ និងការលុកលុយនៃកោសិកាមហារីក។

៨. កាត់បន្ថយហានិភ័យនៃជំងឺបេះដូង

ត្រប់វែងមានផ្ទុកនូវជាតិប៉ូតាស្យូម ជាតិសសៃ វីតាមីន B6 វីតាមីន C សារធាតុ phytonutrients សារធាតុ flavonoids និងសារធាតុ anthocyanins ដែលសុទ្ធសឹងតែជាសារធាតុចាំបាច់ដើម្បីរក្សាបាននូវសុខភាពបេះដូងល្អប្រសើរ កាត់បន្ថយហានិភ័យនៃជំងឺបេះដូង ក៏ដូចជាជំងឺសសៃឈាមបេះដូងផងដែរ។

៩. មានផ្ទុកសម្បូរទៅដោយសារធាតុប្រឆាំងអុកស៊ីតកម្ម

ក្រៅពីវីតាមីននិងជាតិរ៉ែសំខាន់ៗ ត្រប់វែងក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្មផងដែរ។ សារធាតុប្រឆាំងអុកស៊ីតកម្មអាចជួយការពាររាងកាយពីការបំផ្លាញដែលបង្កឡើងដោយរ៉ាឌីកាល់សេរីទប់ស្កាត់ ព្រមទាំងកាត់បន្ថយហានិភ័យនៃជំងឺជាច្រើន។ បន្ថែមពីនេះត្រប់វែងមានផ្ទុកសម្បូរទៅដោយសារធាតុ anthocyanins ដ៏មានឥទ្ធិពលថែមទៀតផង៕