Join with Health.com.kh on Telegram

​នៅពេល​ដែល​អ្នកទិញ​ស្បែកជើង​ក្រណាត់​ដែល​មាន​ពណ៌​ស​ពាក់ ក្រោយពេល​ដែល​អ្នក​ទុក​យូរ វា​នឹង​ប្រែជា​លឿង នោះ​វា​នឹង​ពិបាក​ជម្រះ​ខ្លាំងណាស់ ដូចនេះ​ខាងក្រោម​នេះ​យើងខ្ញុំ​នឹង​ប្រាប់​អ្នក​ពី​វិធី​ក្នុង​ការសម្អាត​វាឲ្យ​ត្រឡប់​មក​សភា​ពដើម​វិញ​។ តើ​មាន​របៀប​សម្អាត​ដូចម្តេច​ខ្លះ​ទៅ​?

មិន​ខ្វល់​ថា​អ្នក​ប្រើ​វិធី​អ្វី​ក្នុង​ការបោក​ស្បែកជើង​នោះទេ ក្រោយពេល​ដែល​អ្នក​លាង​សម្អាត​រួច អ្នក​ត្រូវ​តែ​យក​ថ្នាំដុសធ្មេញ​មក​លាប​ពីលើ​ស្បែកជើង​នោះ បន្ទាប់​មក​អ្នក​ត្រូវតែ​យក​ក្រដាស​ជូត​មាត់​មក​រុំ​ស្បែកជើង​នោះ​ឲ្យ​ជិត ដោយ​ត្រូវតែ​យកដៃ​សង្កត់ ដើម្បី​ឲ្យ​ក្រដា​សជូ​តមាត់​នោះ​ជាប់​ជាមួយ​ថ្នាំដុសធ្មេញ បន្ទាប់មក​ទៀត​អ្នក​ត្រូវតែ​យក​វា​ទៅ​ហាលថ្ងៃ​ចំនួន​ពី​២​ទៅ​៣​ម៉ោង​ដើម្បី​ឲ្យ​វា​ស្ងួត ក្រោយពេល​ដែល​វា​ស្ងួត អ្នក​អាច​ហែកក្រដាស​ជូ​តមាត់​ថ្នមៗ​ចេញ នោះ​អ្នកនឹង​សង្កេតឃើញ​ថា​ក្រដាស​ជូត​មាត់​នោះ​នឹង​ប្រែជា​លឿង រីឯ​ស្បែកជើង​អ្នកនឹង​ប្រែ​ជាស​ស្អាត​ដូច​ទើប​នឹង​ទិញ​ថ្មី​អញ្ចឹង​៕