Join with Health.com.kh on Telegram

​អ្នក​អាច​នឹង​ធ្លាប់​លឺ​ពាក្យ​ថា​កូ​ឡេ​ស្តេ​រ៉ុល​។ យ៉ាងណាមិញ អ្នក​ប្រហែលជា​មិនដឹង​សោះ ឫ​ដឹង​មិន​ច្បាស់លាស់​អំពី​វា​។ ខាងក្រោម​នេះ ជាការ​ពិត​ចំនួន​៥ ដេ​ល​អ្នក​គួរ​ដឹង​អំពី​កូ​ឡេ​ស្តេ​រ៉ុល​៖

១.​កូ​លេ​ស្តេ​រ៉ុល​គឺ ជា​សារធាតុ​ដែលមាន​ជាតិ​ខ្លាញ់​។ វា​មកពី​ប្រភពពីរ គឺ​រាងកាយ និង​អាហារ​ដែល​អ្នក​ញ៉ាំ​។ នៅពេល​ដែលមាន​កូ​លេ​ស្តេ​រ៉ុល​ច្រើនពេក​នៅក្នុង​ឈាម វា​បង្កើតឡើង​នៅក្នុង​សរសៃឈាម​ហើយ​លំ​ហូរឈាម​ទៅកាន់​បេះដូង​ត្រូវបាន​ថយចុះ ឬ​ស្ទះ​។ នោះ​ហើយ​ជា​មូលហេតុ ដែល​កូ​លេ​ស្តេ​រ៉ុល​ខ្ពស់ គឺជា​កត្តា​ដ៏​សំខាន់​សម្រាប់​ជំងឺ​បេះដូង​។​

២.​កូ​លេ​ស្តេ​រ៉ុល​ខ្ពស់​គឺជា​រឿង​គួរឱ្យភ្ញាក់ផ្អើល​។ នៅ​អាយុ ២០ ឆ្នាំ កំរិត​កូ​លេ​ស្តេ​រ៉ុល​របស់​អ្នក​ចាប់ផ្តើម​កើនឡើង​។ ប្រសិនបើ​អ្នកមាន​អាយុ ២០ ឆ្នាំ​ឡើង​, ត្រូវ​ត្រួតពិនិត្យ​កំរិត​កូ​លេ​ស្តេ​រ៉ុល​របស់​អ្នក​រៀងរាល់ ៥ ឆ្នាំ​ម្តង​។​

៣.​កូ​លេ​ស្តេ​រ៉ុល​មាន​មូលហេតុ​ជាច្រើន​។ ហ្សែ​ន​របស់​អ្នក ប្រសិនបើ​សមាជិកគ្រួសារ​របស់​អ្នកមាន​កូ​លេ​ស្តេ​រ៉ុល​ខ្ពស់ អ្នក​ក៏​អាច​ប្រឈម​ដូច្នេះ​ដែរ​។ របប​អាហារ​របស់​អ្នក អាចជា​មូលហេតុ​មួយទៀត​នៃ​កូ​លេ​ស្តេ​រ៉ុល​ខ្ពស់​។ ការបរិភោគ​ខ្លាញ់​បំប្លែង និង​ខ្លាញ់​ឆ្អែត គឺជា​ពិរុទ្ធជន​ទូទៅ​។ ទោះយ៉ាងណា​កូ​លេ​ស្តេ​រ៉ូ​ល នៃ​របប​អាហារ​លែង​ត្រូវបាន​គេ​គិតថា ជា​អ្នកដើរតួ​សំខាន់​ក្នុង​សុខភាព​បេះដូង​ទៀតហើយ​។ ការ​លើស​ទម្ងន់ អាច​បណ្តាលឱ្យ​កម្រិត​កូ​លេ​ស្តេ​រ៉ុល​កើនឡើង ហើយ​ការជក់បារី​ក៏​ដូច្នោះ​ដែរ​។​

៤.​ជំងឺ​មួយចំនួន ដូចជា​ជំងឺ​ទឹកនោមផ្អែម ឬ​ជំងឺ​ក្រ​ពេញទី​រ៉ូ​អ៊ី​ត អាច​បណ្តាលឱ្យមាន​កូ​លេ​ស្តេ​រ៉ុល​ខ្ពស់​។ ដូច្នេះ កុំ​រំលង​ការត្រួតពិនិត្យ​រាងកាយ​ប្រចាំឆ្នាំ​របស់​អ្នក​។​

៥.​ដំណឹង​ល្អ – មាន​វិធី​ដើម្បី​ជួយ​កម្រិត​កូ​លេ​ស្តេ​រ៉ុល​របស់​អ្នក​។ ការធ្វើ​លំ​ហាត់ប្រាណ អាចជួយ​រក្សា​កម្រិត​កូ​ឡេ​ស្តេ​រ៉ុល​របស់​អ្នក​ឱ្យមាន​សុខភាព​ល្អ​។ កង្វះ​សកម្មភាព​រាងកាយ​អាច​បង្កើន​កូ​លេ​ស្តេ​រ៉ុល​អាក្រក់​។ ការដើរ​យូរ​ជួយ​ដុត​ខ្លាញ់​ក្បាលពោះ ដែល​ជាប់ទាក់ទង​នឹង​ជំងឺ​បេះដូង​៕​