សូមអ្នកកុំមានការព្រួយបារម្ភទៅនឹង ស្នាមប្រឡាក់លើពូកដែលពិបាកសម្អាតនោះតទៅទៀត ថ្ងៃនេះយើងសូមណែនាំអ្នក នូវវិធីដ៏មានប្រសិទ្ធភាពមួយក្នុងការកំចាត់វា និងអាចបំបាត់នូវក្លិនមិនល្អថែមទៀតផង។ វាគឺមានភាពងាយស្រួល និងចំណាយលុយតិច ដោយអ្នកចាំបាច់ត្រូវការ នូវគ្រឿងផ្សំក្នុងការបង្កើតល្បាយទឹកសម្អាតនេះ តែប៉ុន្មានមុខប៉ុណ្ណោះ។
អ្វីដែលអ្នកត្រូវការគឺ៖
- ទឹក Hydrogen កំហាប់ ៣%ចំនួន ២៥០មីលីលីត្រ (អ្នកអាចរកទិញវាបាននៅតាមឱសថស្ថាន)
- ម្ស៉ៅសាប៊ូ ឬទឹកសម្រាប់បោកសម្អាត
- ម្ស៉ៅ Baking soda ចំនួន ៣ស្លាបព្រាបាយ
សម្គាល់៖ ល្បាយនេះនឹងកាន់តែមានប្រសិទ្ធភាព ប្រសិនបើអ្នកឆាប់ប្រើវា។
លាយទឹក hydrogen ជាមួយនឹង baking soda បន្ទាប់ពីម្ស៉ៅនេះរលាយហើយ បន្ថែមទឹកសាប៊ូ ១ ទៅ២តំណក់ ហើយកូរវាឲ្យសព្វម្តងទៀត។ ចាក់ទឹកល្បាយនេះចូលទៅ ក្នុងដបសម្រាប់ដាក់ទឹកបាញ់សម្អាតទទេរមួយ។
វិធីក្នុងការប្រើវា៖
មុនពេលបាញ់ទឹកល្បាយនេះ អ្នកត្រូវធ្វើការក្រឡុកវាឲ្យសព្វ រួចបាញ់នៅត្រង់ចំណុចដែលកខ្វក់ឬប្រឡាក់។ ទុកវាចោលបន្តិច ដើម្បីឲ្យវាធ្វើការកាត់សម្អាតដោយខ្លួនវា។ បន្ទាប់មកអ្នកអាចប្រើខ្យល់កង្ហាដើម្បីសម្ងួតវា ឬរង់ចាំដល់វាស្ងួតដោយខ្លួនឯង។ នៅពេលដែលចំណុចប្រឡាក់នោះស្ងួតហើយ អ្នកអាចប្រើច្រាស់មកដុសសម្អាត នូវម្ស៉ៅ Baking sodaដែលជាប់សល់នៅទីនោះជាការស្រេច ៕