មនុស្សគ្រប់គ្នាសុទ្ធតែមានប្រជ្រុលលើដងខ្លួន។ ប្រជ្រុយខ្លះតូច ខ្លះធំ ប៉ុន្តែទីតាំងដែលប្រជ្រុយទាំងនោះកើតមានសុទ្ធតែមានអត្ថន័យពិសេសៗរបស់វាទាំងអស់។ មានប្រជ្រុយច្រើនណាស់ដែលមានទំនាក់ទំនងនឹងទ្រព្យសម្បត្តិរបស់មនុស្ស ហើយខ្លះទៀតទាក់ទងនឹងភ័ព្វសំណាងគ្រួសារ និងខ្លះទៀតទាក់ទងនឹងសុខភាព។ យើងទាំងអស់គ្នាសុទ្ធតែចង់បានសំណាងល្អ សុខភាពល្អ និងមានទ្រព្យសម្បត្តិហូរហៀរ ដូច្នេះតើអ្នកចង់ដឹងថាតើទីតាំងនៃកន្លែងកើតប្រជ្រុយមានអត្ថន័យដូចម្តេចខ្លះដែរទេ?
ប្រជ្រុយនៅសៀតផ្កា
ប្រជ្រុយនៅលើសៀតផ្កាមានទំនាក់ទំនងនឹងឱកាសនៃការធ្វើដំណើរ ដូច្នេះបើសិនជាអ្នកមានប្រជ្រុយបែបនេះមែន មានន័យថា អ្នកនឹងមានឱកាសបានធ្វើដំណើរទៅកន្លែងណាមួយជាមិនខាន។ វាប្រហែលជាឱកាសការងារ ឬធ្វើដំណើរកម្សាន្ត។
ប្រជ្រុយនៅចន្លោះចិញ្ចើម
នេះគឺជាប្រជ្រុយដំណាងឲ្យមុខរបរ ដែលវាទាក់ទងនឹងការរីកចម្រើនខាងមុខរបរ និងភាពផ្កុំថ្កើននៃអាជីវកម្មរបស់ខ្លួន។ វាអាចបញ្ជាក់បានថា អ្នកនឹងមានការឡើងឋានៈ ឡើងប្រាក់ខែ ឬអ្វីមួយខ្ពង់ខ្ពស់មិនខាន។
ប្រជ្រុយនៅចន្លោះភ្នែក និងចិញ្ចើម
តំបន់មួយនេះមានទំនាក់ទំនងនឹងផ្ទះរបស់អ្នក ដូច្នេះបើសិនជាអ្នកមានប្រជ្រុយនៅកន្លែងនេះ មានន័យថា អ្នកជាមនុស្សដែលចេះដឹងរឿងសព្វគ្រប់។ អ្នកគឺជាមនុស្សដែលចូលចិត្តធ្វើល្អជាមួយអ្នកដទៃ និងអាចក្លាយជាអ្នកដឹកនាំទៀតផង។
ប្រជ្រុយនៅលើបបូរមាត់ខាងលើ
បើសិនជាអ្នកមានប្រជ្រុយនៅលើបបូរមាត់ខាងលើ មានន័យថា អ្នកបារម្ភបំផុតគឺចំណីអាហារ និងការស្លៀកពាក់។ អ្នកមានជំនាញខាងទំនាក់ទំនងយ៉ាងល្អ និងជាទីពេញនិយមសម្រាប់មិត្តភក្តិ។
ប្រជ្រុយនៅថ្ពាល់
បើសិនជាប្រជ្រុយកើតឡើងថ្ពាល់ មានន័យថា អ្នកនឹងបានកាន់ដំណែងការងារមួយដ៏មានឥទ្ធិពលខ្លាំងក្លា ហើយទ្រព្យសម្បត្តិក៏ហូរហៀរដែរ។
ប្រជ្រុយនៅលើបាតដៃ
បើសិនជាប្រជ្រុយកើតលើបាតដៃ វាតែងតែមានន័យថា អ្នកនឹងមិនដែលមានលុយតិចចាយឡើយ អ្នកជាមនុស្សឆ្លាត មានមហិច្ឆតា និងអាចក្លាយទៅជាអ្នកដឹកនាំយ៉ាងងាយ។ បើសិនជាវាកើតឡើងខ្នងបាតដៃវិញ មានន័យថា អ្នកមានសមត្ថភាពខាងហិរញ្ញវត្ថុ និងគ្រប់គ្រងយ៉ាងខ្លាំង ហើយអ្នកក៏មានលុយចាយច្រើនដែរ។
ប្រជ្រុយនៅប្រអប់ជើង
បើសិនជាអ្នកមានប្រជ្រុយនៅបាតជើង មានន័យថា អ្នកជាមនុស្សធ្វើដំណើរច្រើន រីករាយនឹងម្ហូបអាហារខុសៗគ្នាជាដើម។ អ្នកក៏ជាមនុស្សដ៏ពេញនិយមនៅកន្លែងធ្វើការ និងអាចក្លាយទៅជាអ្នកដឹកនាំដ៏ល្អទៀត។
ដូច្នេះអ្នកបានយល់ដឹងខ្លះៗហើយអំពីអត្ថន័យរបស់ប្រជ្រុយដែលមាននៅលើរាងកាយ។ វានឹងក្លាយទៅជារឿងសប្បាយផង និងភ្ញាក់ផ្អើលផង។ ដូច្នេះចូរប្រាកដថាអ្នកមិនមានការយល់ច្រឡំអំពីវាទៀតទេ៕