១.ទឹកការ៉ុត
ការ៉ុត មិនត្រឹមតែជាប្រភពនៃវីតាមីន A ដែលជំនួយដល់ភ្នែករបស់យើងប៉ុណ្ណោះទេ វាក៏អាចកម្ចាត់រាល់បញ្ហាមុន ស្នាមជាំ និងការបំផ្លាញពីកម្ដៅថ្ងៃថែមទៀតផង។ លើសពីនេះ វាក៏ជួយធ្វើឲ្យស្បែកភ្លឺសស្អាត។ ជាមួយនឹងសារធាតុប្រឆាំងនឹងអុកស៊ីតកម្មនៅក្នុងការ៉ុត វារួមចំណែកជួយពន្យារភាពចាស់នៃស្បែកផងដែរ។ ញ៉ាំទឹកការ៉ុតចំនួនមួយកែវនៅពេលព្រឹក ដើម្បីទទួលបានស្បែកទន់ម៉ត់រលោង។
២.ទឹកប៉េងប៉ោះ
ជាមួយនឹងសារធាតុប្រឆាំងនឹងអុកស៊ីតកម្ម ទឹកប៉េងប៉ោះមានសមត្ថភាពពិសេសក្នុងការធ្វើឲ្យស្បែកក្មេងជាងវ័យ និងមានសុខភាពល្អ។ វីតាមីនC, A និងLycopene នៅក្នុងទឹកប៉េងប៉ោះ អាចជួយការពារអុកស៊ីតកម្ម ដែលអាចកាត់បន្ថយស្នាម និងបញ្ហាមុនបានយ៉ាងមានប្រសិទ្ធភាព។ វាក៏អាចកាត់បន្ថយរន្ធញើសរីកធំ ព្រមទាំងធ្វើឲ្យស្បែកភ្លឺរលោង។ ចូរកិនប៉េងប៉ោះជាមួយនឹងអំបិលបន្តិច រួមជាមួយនឹងទឹកឃ្មុំ ដើម្បីកម្ចាត់ជាតិអាស៊ីដនៅក្នុងប៉េងប៉ោះ និងញ៉ាំមួយកែវ នៅក្នុងពេលព្រឹកទើបជាការប្រសើរ។
៣.ទឹកក្រូចស្រស់
ទឹកក្រូចស្រស់អាចការពារស្បែកកុំឲ្យស្ងួត ឬរបក។ អាស៊ីដក្នុងផ្លែក្រូច អាចជួយបង្កើតភាពយឺត និងខូឡាជែននៃស្បែក ព្រមទាំងធ្វើឲ្យស្បែកតឹងណែន និងក្មេងជាងវ័យ។ ចូរញ៉ាំភេសជ្ជៈប្រភេទនេះពីរដងក្នុងមួយថ្ងៃ នៅពេលព្រឹកព្រលឹម ឬមុនពេលញ៉ាំអាហារ។
៤.ទឹកប្រទាលកន្ទុយក្រពើ
ទឹកប្រទាលកន្ទុយក្រពើជួយរក្សាភាពភ្លឺរលោងនៃស្បែកពីធម្មជាតិ ជាមួយនឹងជាតិរ៉ែ និងសារធាតុចិញ្ចឹមជាច្រើនមុខទៀត។ បន្ថែមពីនេះ អ័រម៉ូន Gibberellins និង Auxi នៅក្នុងប្រទាលកន្ទុយក្រពើក៏អាចជួយជួសជុលស្បែកបានយ៉ាងស័ក្ដិសិទ្ធិ។ ចូរញ៉ាំវាមួយកែវក្នុងមួយថ្ងៃ នៅពេលព្រឹកមុនពេលញ៉ាំអាហារ។
៥.ទឹកទទឹម
ទឹកទទឹមសម្បូរទៅដោយវីតាមីន C និង K ដែលអាចជួយបង្កើតកោសិកាស្បែកឡើងវិញ និងកាត់បន្ថយការវិវត្តទៅរកភាពចាស់។ វាក៏ជួយធ្វើឲ្យស្បែកទន់ភ្លឺរលោង ជាមួយនឹងសារធាតុបន្សុទ្ធឈាម។ រីឯអាស៊ីដខ្លាញ់អូមេហ្គា៣ និង Punicic អាចជួយផ្ដល់សំណើមនៅក្នុងស្បែក និងរក្សាជាតិទឹកបានយ៉ាងល្អប្រសើរ។ គប្បីញ៉ាំទឹកទទឹមឲ្យបានពីរកែវនៅក្នុងមួយថ្ងៃ និងនៅពេលព្រឹកព្រលឹម។