Join with Health.com.kh on Telegram

​ទម្លាប់​នៃ​ការរស់នៅ របស់​អ្នក​បាន​ផ្សារភ្ជាប់​យ៉ាងខ្លាំង​ទៅ​សុខភាព​។ ទម្លាប់​ខ្លះ​បាន​អូសទាញ​សុខភាព​អ្នក​អោយ​ធ្លាក់ចុះ ហើយ​ទម្លាប់​ខ្លះទៀត​បាន​ជម្រុញ​សុខភាព​អ្នក​យ៉ាង​ល្អប្រសើរ​។ តើ​ទម្លាប់​អ្វីខ្លះ​ជួយ​ឲ្យ​អ្នកមាន​សុខភាព​ល្អ​?

.​អាហារ​ពេលព្រឹក​
​អាហារ​ពេលព្រឹក មានដំណើរ​ការ​មេ​តា​ប៉ូលិស និង​ចៀសវាង​ញ៉ាំ​អាហារ​ច្រើន​នៅពេល​បន្ទាប់​។ ការសិក្សា​មួយចំនួន​បានក​ឃើញថា​មនុស្សពេញវ័យ​ដែល​បាន​ញ៉ាំ​អាហារ​ពេលព្រឹក​អាចបំពេញ​ការងារ​បាន​ល្អ​ជាង​អ្នក​មិន​ញ៉ាំ​។ ដោយឡែក​ក្មេង​ដែល​ញ៉ាំ​អាហារ​ពេលព្រឹក ប្រឡង​បាន​លទ្ធផល​ល្អ​ជាង​ក្មេង​មិនបាន​ញ៉ាំ​។​

.​ផែនការ​អាហារ​
​ការគិត​ទុក​មុន​ថា​ត្រូវ​ញ៉ាំ​អ្វី អាចជួយ​យើង​ដឹងថា​អាហារ​ណា​គួរ​ញ៉ាំ និង​មិនគួរ​ញ៉ាំ​។ ការ​មាន​ផែនការ​អាហារ ជួយ​ឲ្យ​យើង​អាច​គ្រប់គ្រង​របប​អាហារ​បាន​ត្រឹមត្រូវ ហើយ​សុខភាព​ក៏​ល្អ​ទៅតាម​នោះដែរ​។​

.​ផឹកទឹក​គ្រប់គ្រាន់​
​ការផឹក​ទឹកបាន​ច្រើន មិន​ត្រឹមតែ​ជួយ​រក្សា​រាងកាយ​មិន​ឲ្យ​ខ្វះ​ជាតិ​ទឹក​នោះទេ តែ​ថែមទាំង​អាចជួយ​ឲ្យ​យើង​ស្រក​គីឡូ​ដែរ​។ ការបំពេញ​ជាតិ​ទឹក​ដល់​រាងកាយ មិនមែន​តែ​ការផឹក​ទឹកតែ​មួយ​មុខ​នោះទេ តែ​យើង​អាច​ញ៉ាំ​ផ្លែឈើ​ដូចជា​ផ្លែក្រូច ឪឡឹក ឬ​ត្រសក់​បន្ថែម មិនមែន​ភេសជ្ជៈ​កំប៉ុង​ឫ​ប៉ូវ​កម្លាំង​នោះទេ​។​

.​ហាត់ប្រាណ​
​ការហាត់​ប្រាណ​ដូចជា រត់ រាំ ឬ ជិះ​កង់ សុទ្ធ​តែមាន​ប្រយោជន៍ ដល់​សុខភាព​រាងកាយ និង​ផ្លូវចិត្ត​។ បើ​អ្នក​មិនមាន​ពេល​គ្រប់គ្រាន់​ដើម្បី រត់ ឬ​ជិះ​កង់ ចូរ​ដើរ​ប្រហែល​៣០​នាទី​ក្នុង​មួយថ្ងៃ ក៏មាន​ប្រយោជន៍​ចំពោះ​សុខភាព​ដូចគ្នា​។​

.​ហាម​ជក់បារី​
​បើសិនជា​យើង​ជា​អ្នក​ជក់បារី គួរ​បញ្ឈប់​ឥឡូវនេះ​។ ការឈប់​ជក់បារី នឹង​ជួយ​ឲ្យ​សុខភាព​យើង​បានល្អ​ឡើងវិញ ព្រោះថា​រាងកាយ​យើង​នឹង​ជួសជុល​ការ​ខូច​បាន​បាន​លឿន​។

.​គេង​បាន​គ្រប់គ្រាន់​
​ការ​គេង​បាន​ស្កប់ស្កល់ និង​គ្រប់គ្រាន់​ជួយ​ឲ្យ​យើង​មាន​អារម្មណ៍​ស្រស់ស្រាយ ការចងចាំ​ល្អ មានការ​ផ្ដោតអារម្មណ៍​បានល្អ និង​អាចជួយ​ឲ្យ​យើង​រៀន​អ្វី​ថ្មី​បាន​លឿន ព្រមទាំង​បន្ថយ​ហានិភ័យ​កើត​ជំងឺ​បេះដូង​ទៅ​ថ្ងៃមុខ​ផងដែរ​។ ក្នុង​មួយ​យប់ យើង​គួរ​គេង​ឲ្យ​បាន​ចន្លោះ​ពី​៧ ទៅ​៩​ម៉ោង​៕​