Join with Health.com.kh on Telegram

​ស្បែកជើងឃ្លប់​គឺជា​ស្បែកជើង​ដែល​ពិបាក​ស្ងួត​បំផុត​នៅពេល​ដែល​ត្រូវ​ទឹក ព្រោះ​វា​មាន​ក្រណាត់​ក្រាស់ ជាពិសេស​នៅ​រដូវរងារ​បែបនេះ បើ​ត្រូវ​ទឹក​គឺ​មិនបាច់​ពាក់​តែម្តង ដូចនេះ​តើ​មាន​វិធី​អ្វី​សម្រាប់​ធ្វើឲ្យ​វា​ឆាប់​ស្ងួត​នោះ​?

​ក្រដាស​កាសែត​
នៅពេល​ដែល​ស្បែកជើង​អ្នក​សើម អ្នក​អាច​យក​ក្រដាស​កាសែត​ណា​ដែល​មាន​លក្ខណៈ​ចាស់​ញាត់​ចូលទៅ​ក្នុង​ស្បែកជើង​នោះ រួច​យក​ក្រដាស​កាសែត​មួយ​ទៀត​ទ្រាប់​ពីក្រោម​ស្បែកជើង​ដើម្បី​ឲ្យ​វា​ឆាប់​ប៊ឺត​ទឹកអស់ពី​ស្បែកជើង​នោះ ហើយ​នៅពេល​ដែល​ក្រដាស​សើម​ហើយ អ្នក​អាច​ប្តូរ​មួយ​សន្លឹក​ទៀត​បាន នោះ​ស្បែកជើង​អ្នកនឹង​ងាយ​ស្ងួត​ជាមិនខាន​។​

ដាក់​នៅ​កន្លែង​ខ្ពស់​
នៅពេល​ដែល​វា​សើម អ្នក​អាច​យក​វា​ទៅ​ដាក់​ហាល​នៅ​កន្លែង​ដែល​មាន​ខ្យល់ បន្ទាប់មក​យក​ឈើ​៣​ឬ​៤​ទៅ​កល់​ពី​ក្រោម​ស្បែកជើង​នោះ ដើម្បី​ឲ្យ​ខ្យល់​ចេញចូល នោះ​ស្បែកជើង​អ្នក​ក៏​ងាយ​ស្ងួត​ដូចគ្នា​ដែរ​។​

ម៉ាស៊ីន​ផ្លុំ​សក់​
អ្នក​អាច​យក​ម៉ាស៊ីន​ផ្លុំ​សក់មក​ផ្លុំ​ឲ្យ​ស្ងួតក៏​បាន​ដែរ ដោយ​ត្រូវតែ​ប្រើ​ខ្យល់​ត្រជាក់ មិន​ត្រូវ​ប្រើ​ខ្យល់​ក្តៅ​ឡើយ ព្រោះ​វា​អាច​ធ្វើឲ្យ​ស្បែកជើង​អ្នក​ខូច​គុណភាព​បាន ក្រោយពេល​ដែល​អ្នក​ផ្លុំ​វា​រួច អ្នក​អាច​យក​ទៅ​ហាលថ្ងៃ​បន្ថែមទៀត នោះ​វា​នឹង​ឆាប់​ស្ងួត​ខ្លាំងណាស់​៕