Join with Health.com.kh on Telegram

​មនុស្ស​ចាស់​តែងតែ​និយាយថា ៖ ពេល​មក​រដូវ​មិនអាច​ងូតទឹក និង​កក់សក់​បានទេ តាម​ពិត​មិនមែន​បែបនេះ​ទេ អ្នក​អាច​ងូត​បាន ប៉ុន្តែ​គ្រាន់តែ​ប្រយ័ត្ន​នូវ​ចំនុច​មួយចំនួន​ប៉ុណ្ណោះ ជាពិសេស​គឺ​ទ្វារមាស អ្នក​ត្រូវ​តែ​ប្រយ័ត្ន​ពី​ការសម្អាត​ជាងគេ​។ តើ​មាន​ចំនុច​អ្វី​ខ្លះ​ទៅ​?

មិន​ត្រូវ​ប្រើ​សាប៊ូ​លាង​
នៅពេល​ដែល​អ្នក​មក​រដូវ នោះ​ទ្វារមាស​អ្នក​នឹង​មាន​ក្លិន​មិនល្អ ដូចនេះ​អ្នក​មិន​ត្រូវ​យក​សាប៊ូ​មក​សម្អាត​ដើម្បី​បំបាត់​ក្លិន​នោះទេ ព្រោះ​វា​អាច​ធ្វើឱ្យ​អ្នក​ឆ្លង​មេរោគ​បាន ហើយក៏​មិន​ត្រូវ​យក​ទឹក​ដែល​មាន​សីតុណ្ហភាព​ខ្ពស់​មក​សម្អាត​ដូចគ្នា ប្រសិន​ជា​អ្នក​ចង់​ប្រើ អ្នក​អាច​យក​សាប៊ូ​ដែល​ជំនាញ​ក្នុង​ការសម្អាត​វា​មក​សម្អាត​ទើប​ល្អ​។​

សី​តុ​ណ្ហ​ភាណ​នៃ​ទឹក​មិន​ត្រូវ​ក្តៅ​ពេក និង​ត្រជាក់​ពេក​
នៅពេល​ដែល​អ្នក​មក​រដូវ មិន​ត្រូវ​ប្រើ​ទឹក​ដែល​ត្រជាក់​ពេក​មក​ងូត ឬ​លាង​សម្អាត​ផ្នែក​ខាងក្រោម​ឡើយ ព្រោះ​វា​អាច​ធ្វើឱ្យ​អ្នក​ឈឺ​ពោះ ហើយ​ថែមទាំង​អាច​ប៉ះពាល់​ដល់​សម្ថ​ភាព​នៃ​ការបង្កើត​កូន​របស់​អ្នក​នៅ​ថ្ងៃក្រោយ​ទៀតផង ដូចនេះ​សីតុណ្ហភាព​នៃ​ទឹក​គួរតែ​ចាប់ពី​៣៦​ដល់​៤២​អង្សា​សេ​ទើប​ល្អ​។​

ប្រើ​ទឹក​ផ្កាឈូក​ដើម្បី​ងូត​
នៅពេល​ដែល​អ្នក​មក​រដូវ អ្នក​អាច​ប្រើ​ទឹក​ផ្កាឈូក​ដើម្បី​ងូត ប្រសិន​ជា​គ្មានទេ ទឹក​ដែល​សម្អាត​ជើង មុខ និង​ទ្វារមាស​ត្រូវតែ​ខុស​គ្នា​ទាំងអស់ ហើយ​មិន​ត្រូវ​អង្គុយ​ងូត ឬ​ត្រាំ​ក្នុង​អាង​នោះទេ អ្នក​ត្រូវ​តែ​ងូត​ដោយ​ឈរ ហើយ​ប្រើ​ទឹក​ផ្កាឈូក​ដើម្បី​បាញ់​ទើប​ល្អ វា​នឹង​មិន​ងាយ​មាន​ជំងឺឆ្លង​នោះឡើយ​។​

សម្អាត​ព្រឹក និង​យប់​
នៅពេល​ដែល​អ្នក​សម្អាត អ្នក​ត្រូវ​សម្អាត​មួយថ្ងៃ​២​ដង​បាន​ហើយ​គឺ​ព្រឹក និង​យប់ ហើយ​ត្រូវតែ​លាង​កន្លែង​ជុំវិញ​ទ្វារមាស​ជាមុនសិន ទើប​លាង​ទ្វារមាស​ក្រោយ នោះ​ទើប​មិន​អាច​នាំ​យក​មេរោគ​ចូលទៅ​ក្នុង​នោះ ជា​ហេតុ​ដែល​អាច​ធ្វើឱ្យ​អ្នក​អាច​មាន​ជំងឺឆ្លង​។​

មិន​ត្រូវ​ងូត​យូរ​
អ្នក​ត្រូវ​តែ​ងូតទឹក​មុន​ចូល​គេង​ចំនួន​២​ម៉ោង ហើយ​រយៈពេល​នៃ​ការ​ងូត​មិនត្រូវ​លើសពី​២០​នាទី​ឡើយ ព្រោះ​បើ​ងូត​យូរ​ពេក​វា​អាច​ធ្វើឱ្យ​ខួរក្បាល​អ្នក​ខ្វះ​អុកស៊ីសែន នោះ​ខួរក្បាល​នឹង​មិន​អាច​ទទួលបាន​ឈាម​គ្រប់គ្រាន់ ជា​ហេតុ​ដែល​អាច​ធ្វើឱ្យ​អ្នក​មាន​គ្រោះថ្នាក់​បាន​៕