ប្រសិនបើ​អ្នក​ផ្អាក​ធ្វើ​កីឡា​ដោយសារ​តែ​មាន​អាកា​រៈ​ឈឺ​ខ្នង នោះ​អ្នក​ពិតជា​មិន​ឯក​កោរ​នោះ​ទេ​។ មាន ៤​នាក់​ក្នុង​ចំនោម​មនុស្ស ៥​នាក់​ហើយ​ដែល​មាន​បញ្ហា​ឈឺ​ខ្នង ហើយ​វា​ក៏​ជាប់​ចំណាត់ថ្នាក់​ទី​ប្រាំ​ដែល​ក្នុង​ការ​ដែល​អោយ​ពួក​គេ​ទៅ​ជួប​គ្រូពេទ្យ​។

ការ​ឈឺ​ខ្នង​មាន​ទម្រ​ង​ខុស​ៗ​គ្នា​ជា​ច្រើន អាច​ពី​ឈឺ​ងុំ​ជាប់​រហូត ទៅ​ជា​ឈឺ​ដូច​មុត​ភ្លាម និង​បណ្តាល​មក​ពី​មូលហេតុ​ជា​ច្រើន​។ ពេល​ខ្លះ វា​កើតឡើង​ពី​ការ​គ្រេច បាក់បែក​ឆ្អេ​ង ឬ​មាន​គ្រោះថ្នាក់​ជាយថាហេតុ​ផ្សេង​ៗ​ទៀត​។ វា​អាច​បណ្តាល​មក​ពី​ជំងឺ ឬ​បញ្ហា​សុខភាព​មួយ​ចំនួន​ដូច​ជា ជំងឺ​រលាក​សន្លាក់ មាន​ដុំ​ក្នុង​សាច់ដុំ Spinal Stenosis (​ជា​ការ​រួម​តូច​នៃ​បំពង់​ខួរឆ្អឹងខ្នង​)​។ មនុស្ស​ជា​ច្រើន​វិវត្តន៍​ទៅ​រក​អាកា​រៈ​ឈឺចង្កេះ​ធម្មតា​ៗ ដោយសារ​តែ​ពួក​គេ​ធាត់​លើស​ទំងន់ ឬ​ជា​មនុស្ស​អង្គុយ​ច្រើន​។

ដំណឹង​ល្អ​សម្រាប់​អ្នក​ឈឺចង្កេះ​ដែល​អាច​ទទួល​បានការ​ធូរស្បើយ​ឡើង​វិញ​បាន​ក្នុង​រយៈ​តែ​ពីរ​បី​ថ្ងៃ ឬ​ពីរ​បី​ស​ប្តា​ហ៍ និង​មិន​ចាំបាច់​វះកាត់​។ ចំនែក​អ្វី​ផ្សេង​ៗ​ទៀត​ដូច​ជា​ប្រើ​វិធីសាស្ត្រ​ជួយ​ខ្លួនឯង​ងាយ​ៗ ដែល​វា​អាច​មាន​ឥទ្ធិ​ល​ដ៏​គួរ​អោយ​ភ្ញាក់ផ្អើល​ក្នុង​ការ​បង្ការ​ការ​ឈឺ​ខ្នង​។

១, ហាត់ប្រាណ​អោយ​បាន​ច្រើន
ប្រសិនបើ​ខ្នង​របស់​អ្នក​កំពុង​ឈឺ អ្នក​ប្រហែលជា​គិត​ថា​មធ្យោបាយ​ដ៏​ល្អ​បំផុត​ដើម្បី​បំបាត់​ការ​ឈឺចាប់ គឺ​ត្រូវ​ឈប់​ហាត់ប្រាណ និង​សម្រាក់​អោយ​បាន​ច្រើន​។ ការ​សម្រាក់​មួយ ទៅ​ពីរ​ថ្ងៃ​ប្រហែលជា​អាច​ជួយ​អ្នក​បាន ប៉ុន្តែ​ការ​ដែល​សម្រាក់​លើស​ពី​នេះ​ប្រហែលជា​ធ្វើ​អោយ​ការ​ឈឺចាប់​របស់​អ្នក​កាន់តែ​ខ្លាំង​។ បច្ចុប្បន្ន​នេះ​អ្នកឯកទេស​ជា​ច្រើន​ដឹង​ថា ការ​ធ្វើ​លំ​ហាត់ប្រាណ​គឺ​ជួយ​បំបាត់​ការ​រលាក និង​ការ​តឹង​របស់​សាច់ដុំ ដោយសារ​តែ​មាន​ឈាម និង​សារធាតុចិញ្ចឹម​ច្រើន​ចូល​ទៅ​ក្នុង​តំបន់​អស់ទាំង​នោះ​។ ពេល​អ្នក​ហាត់ប្រាណ ចូរ​ចាប់ផ្តើម​ហាត់ និង​បញ្ចប់​ជាមួយនឹង​ការ​បន្តឹង​សាច់ដុំ​។

២, ពិនិត្យ​ទម្ងន់​របស់​អ្នក
ការ​ឡើង​ទម្ងន់​ជា​ពិសេស​នៅ​ក្បាលពោះ អាច​ជាដើម​ហេតុ​ធ្វើ​អោយ​អ្នក​ឈឺ​ខ្នង​កាន់តែ​ខ្លាំង ដោយសារ​តែ​វា​ជា​មជ្ឈមណ្ឌល​នៃ​ទីប្រជុំ​ទម្ងន់ និង​ដាក់​ទំនាញ​ដ៏​ខ្លាំង​ទៅ​លើ​ចង្កេះ​របស់​អ្នក​។ ចូរ​ធ្វើ​យ៉ាងណា​អោយ​ក្បាលពោះ​របស់​អ្នកមាន​ទម្ងន់​តែ ៤,៥​គីឡូក្រាម​បាន​ហើយ ទើប​អាច​ជួយ​គ្រប់គ្រង​ការ​ឈឺ​ខ្នង​របស់​អ្នក​បាន​។

៣, ឈប់​ជក់បារី
ដោយសារ​តែ​ជាតិ​នីកូទីន​ធ្វើ​អោយ​បន្ថយ​លំហូរ​ឈាម​ក៏​ដូច​ជា​សារធាតុចិញ្ចឹម​ទៅ​ក្នុង​ទ្រនាប់​ឆ្អឹង​កង​ខ្នង ដូច្នេះ​អ្នក​ជក់បារី​ងាយ​នឹង​ធ្វើ​អោយ​ឈឺ​ខ្នង​ណាស់​។

៤, លក្ខណៈ​នៃ​ការ​ដេក
ប្រសិនបើ​អ្នក​ងាយ​នឹង​ឈឺ​ខ្នង​ពេក ចូរ​ទៅ​ពិគ្រោះ​ជាមួយ​គ្រូពេទ្យ​អំពី​មធ្យោបាយ​នៃ​ការ​ដេក​ណា​ដែល​ល្អ​បំផុត​សម្រាប់​អ្នក​។ ការ​ដេក​ជំ​ហៀ​ង និង​អោយ​ជ​ង្គ​ង​ពេល​ខ្លះ​ក៏​ជា​វិធី​ល្អ​ដែរ​។ តើ​អ្នក​ត្រៀមខ្លួន​នឹង​ដេក​ផ្ងា​មែន​ទេ? ចូរ​ដាក់​ខ្នោ​យ​មួយ​នៅ​ពីក្រោម​ជ​ង្គ​ង និង​មួយទៀត​នៅ​ពីក្រោម​ចង្កេះ​របស់​អ្នក​ទៅ​។ ការ​ដេក​ផ្កាប់​អាច​ជា​ការ​លំបាក​ដល់​ខ្នង​របស់​អ្នក​។ ប្រសិនបើ​អ្នក​មិន​អាច​ស្វែ​ករក​វិធី​ធ្វើ​អោយ​អ្នក​ដេក​បាន​ទេ ចូរ​ដាក់​ខ្នោ​យ​នៅ​ពីក្រោម​ត្រគៀក​របស់​អ្នក​ទៅ​។ មិន​ថា​អ្នក​ដេករ​បៀ​ដូច​ម្តេច​ទេ ការ​ដែល​ដេក​នៅ​លើ​គ្រែ​ដែល​មាន​ពូក​រឹង​ល្មម​ប្រហែលជា​វិធី​ដ៏​ល្អ​បំផុត​។

៥, យកចិត្តទុកដាក់​លើ​ឥរិយា​បទ​របស់​អ្នក​លើ​របស់​ប្រើប្រាស់
កៅអី​ដ៏​ល្អ​បំផុត​សម្រាប់​បង្ការ​ការ​ឈឺ​ខ្នង​ត្រូវ​តែ​មាន​បង្អែក​ត្រង់ ឬ​ទ្រ​ខ្នង​បាន​។ ចូរ​ដាក់​ជ​ង្គ​ង​របស់​អ្នក​ខ្ពស់​ជាង​សន្លាក់​ត្រគៀក​បន្តិច​នៅ​ពេល​អង្គុយ​។ ប្រសិនបើ​អ្នក​ត្រូវ​ឈរ​រយៈពេល​យូរ ចូរ​ងើយ​ក្បាល​របស់​អ្នក​ឡើង និង​ផតពោះ​។ ប្រសិនបើ​អាច​ធ្វើ​បាន ចូរ​ឈរ​តែ​ជើង​ម្ខាង និង​ផ្លាស់​ទៅ​ម្ខាង​ទៀត​រាល ៥ ទៅ ១៥​នាទី​ម្តង​។

៦, ត្រូវ​ប្រុង​ប្រយ័ត្ន​ពេល​លើក​របស់
មិន​ត្រូវ​អោយ​ខ្លាំង​ពេល​លើ​របស់​ធ្ងន់​ៗ​ទេ​។ ចូរ​បន្ទុន​ជ​ង្គ​ង​ចុះ ហើយ​អង្គុយ​ចោងហោង ផតពោះ និង​អោប​របស់​ដែល​ត្រូវ​លើក​អោយ​ជាប់​ខ្លួន​ចាំ​លើក​ឡើង​។ មិន​ត្រូវ​បង្វិលខ្លួន​ពេល​កំពុង​លើក​របស់​ទេ​។ ប្រសិនបើ​អាច​ធ្វើ​បាន ចូរ​ប្តូរ​ពី​ការ​លើក​មក​រុញ​វិញ​ល្អ​ជាង​។ ការ​រុញ​របស់​គឺ​ផ្តល់​ភាព​ងាយស្រួល​ដល់​ខ្នង​របស់​អ្នក​។

៧, ចៀសវាង​ការ​ពាក់​ស្បែកជើង​កែង​ខ្ពស់​ពេក
ស្បែកជើង​កែង​អាច​ធ្វើ​អោយ​មជ្ឈមណ្ឌល​ទំនាញផែនដី​ផ្លាស់​ប្តូរ និង​ដាក់​ទំនាញ​ដ៏​ខ្លាំង​ទៅ​លើ​ចង្កេះ​របស់​អ្នក​។ ការ​ចូរ​ពាក់​ស្បែកជើង​កែង​ណា​ដែល​មាន​កម្ពស់​តែ ២,៥​សង់ទីម៉ែត្រ​កន្លះ​បាន​ហើយ​។ ប្រសិនបើ​អ្នក​ស្បែកជើង​ណា​ដែល​ខ្ពស់​ជាង​នេះ ចូរ​យក​ស្បែកជើង​ទាប​ៗ និង​ស្បែកជើង​ពាក់​នៅផ្ទះ​តាម​ខ្លួន ប្រសិនបើ​ការ​ពាក់​ស្បែកជើង​កែង​ខ្ពស់​ពេក​ធ្វើ​អោយ​អ្នក​មិន​មាន​ផា​សុខភាព​។

៨, ចៀសវាង​ការ​ស្លៀក​សម្លៀក​បំពាក់​រឹប
សម្លៀក​បំពាក់​តឹង​ពេក​អាច​រំខាន​ដល់​ការ​ប៉ុ​ត​ខ្លួន អង្គុយ ឬ​ដើរ ដែល​សុទ្ធតែ​ជា​កត្តា​ធ្វើ​អោយ​ការ​ឈឺ​ខ្នង​កាន់តែ​ខ្លាំង ព្រោះ​អ្នក​មិន​អាច​ប៉ុ​ត​ខ្លួន​បាន​ល្អ ហើយ​ឆ្អឹងខ្នង​ក៏​មិន​ស្មើរ​គ្នា​ដេរ​។

៩, ប្រើ​កាបូបដៃ​ស្នើ​ង​ៗ
ការ​អង្គុយ​លើ​កាបូប​លុយ​ដែល​មាន​របស់របរ​ច្រើន​ពេក​ប្រហែលជា​ធ្វើ​អោយ​អ្នក​ពុំ​មាន​ផា​សុខភាព និង​ឈឺ​ខ្នង​បាន​។ ប្រសិនបើ​អ្នក​ត្រូវការ​អង្គុយ​រយៈពេល​យូរ​ដូច​បើកបរ ចូរ​ដក​កាបូបដៃ​នោះ​ចេញពី​ហោប៉ៅ​របស់​អ្នក​ទៅ​៕