ទោះបីជាភាគច្រើននៃពួកយើងស្គាល់និងឧស្សាហ៍ទទួលទានខ្ញី ប៉ុន្តែប្រហែលជាមិនធ្លាប់ដឹងបន្លែមើមនេះល្អយ៉ាងណាចំពោះសុខភាពសក់។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ត្រូវយកមកធ្វើបែបណាខ្លះទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះប្រើប្រាស់ខ្ញីពន្លឿនការលូតលាស់សក់ និងកម្ចាត់អង្គែ ៖
១. ខ្ញីនិងជែលប្រទាលកន្ទុយក្រពើស្រស់
រូបមន្តនេះល្អណាស់សម្រាប់ពន្លឿនការលូតលាស់សក់។ អ្វីដែលអ្នកត្រូវធ្វើ គឺគ្រាន់តែលាយទឹកខ្ញីស្រស់ ២ស្លាបព្រាបាយជាមួយប្រេងដូង ១ស្លាបព្រាបាយ និងជែលប្រទាលកន្ទុយក្រពើស្រស់ ៣ស្លាបព្រាបាយ។ កូរលាយល្បាយឱ្យសព្វចូលគ្នាជាមុនសិន សឹមលាបលើសក់ ក៏ដូចជាស្បែកក្បាល។ រងចាំសម្រាប់រយៈពេលពី ២០ ទៅ ៣០នាទី សឹមកក់សក់ដើម្បីសម្អាតចេញតាមក្រោយ (ដើម្បីទទួលបានលទ្ធផលកាន់តែប្រសើរ ចូរជ្រើសរើសសាប៊ូកក់សក់ប្រភេទ herbal)។ អ្នកចាំបាច់គួរអនុវត្តឱ្យបាន ២ដងក្នុងមួយសប្តាហ៍។
២. ក្រូចឆ្មារនិងខ្ញី
រូបមន្តនេះសាកសមសម្រាប់ដោះស្រាយបញ្ហាអង្គែ។ អ្វីដែលអ្នកត្រូវធ្វើ គឺគ្រាន់តែលាយយ៉ាអួរសុទ្ធ ៣ស្លាបព្រាយបាយជាមួយទឹកខ្ញីស្រស់ ២ស្លាបព្រាបាយ និងទឹកក្រូចឆ្មារស្រស់ ១ស្លាបព្រាបាយ។ កូរលាយឱ្យសព្វ សឹមចាប់ផ្ដើមលាបម៉ាស្សាល្បាយលើសក់និងស្បែកក្បាល។ រងចាំសម្រាប់រយៈពេលពី ២០ ទៅ ៣០នាទី សឹមលាងសម្អាតចេញដោយប្រើប្រាស់សាប៊ូកក់សក់ប្រភេទ Herbal ឬផ្សំពីរុក្ខជាតិឱសថ។ ព្យាយាមអនុវត្តឱ្យបាន ២ដងក្នុងមួយសប្តាហ៍៕