Join with Health.com.kh on Telegram

ទោះបីជាស្គាល់និងឧស្សាហ៍ទទួលទានញឹកញាប់ប៉ុណ្ណាក៏ដោយ ក៏ភាគច្រើននៃពួកយើងប្រហែលជាមិនធ្លាប់ដឹងទេថាតែបៃតងអាចប្រើលាងជម្រះសក់ឱ្យប្រែជាស្រស់ស្អាតទន់រលោងនិងលូតលាស់បានលឿន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  ត្រូវយកតែបៃតងមកធ្វើបែបណាខ្លះទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះប្រើប្រាស់តែបៃតងរក្សាសក់ ៖

១. រូបមន្តតែបៃតងសុទ្ធ

អ្វីដែលអ្នកត្រូវធ្វើ គឺគ្រាន់តែឆុងតែបៃតងមួយចំនួន រួចទុកចោលឱ្យចុះត្រជាក់សិន ឬនៅក្ដៅឧណ្ហៗ។ បន្ទាប់មកសឹមចាក់លើសក់និងស្បែកក្បាល ហើយកុំភ្លេចម៉ាស្សាថ្នមៗដើម្បីប្រាកដថាតែអាចជ្រាបដល់ស្បែកក្បាល។ រងចាំសម្រាប់ពេលពី ២ ទៅ ៣នាទីសិន សឹមលាងជម្រះចេញជាមួយទឹកធម្មតា។

២. រូបមន្តតែបៃតងនិងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែឆុងតែបៃតងពី ២ ទៅ ៣កញ្ចប់តូចក្នុងទឹកក្ដៅ ២ពែង និងបន្ថែមទឹកឃ្មុំ ១ស្លាបព្រាកាហ្វេ រួចកូរឱ្យសព្វ។ នៅពេលទឹកតែចុះត្រជាក់ ចូរយកទៅចាក់ទុកក្នុងដបសិន។ បន្ទាប់មកចាប់ផ្ដើមកក់សម្អាតសក់ជាមួយសាប៊ូដូចពេលធម្មតា និងកុំភ្លេចប្រើប្រាស់ក្រែមបន្ទន់។ ជាបន្តត្រូវយកទឹកតែដែលបានទុកនោះមកចាក់លើសក់ ហើយធ្វើការឈ្លីម៉ាស្សាថ្នមៗឱ្យជ្រាបដល់ស្បែកក្បាលផង។ រងចាំសម្រាប់រយៈពេលពី ៥​ ទៅ ១៥នាទី សឹមលាងសម្អាតចេញជាមួយទឹកត្រជាក់។

៣. តែបៃតងនិងទឹកខ្មេះផ្លែប៉ោម

ជាដំបូងត្រូវឆុងតែបៃតង ២កញ្ចប់តូចជាមួយទឹកក្ដៅ ១ពែង នៅពេលតែចុះត្រជាក់ សូមប​ន្ថែមទឹកធម្មតា ២ពែង និងទឹកខ្មេះផ្លែប់ោម ១ភាគ៤ នៃពែងចូល។ លាយល្បាយឱ្យសព្វចូលគ្នាសិន រួចសឹមចាក់ចូលក្នុងដបមួយដែលមានក្បាលបាញ់ បន្ទាប់មកធ្វើការក្រឡុក។ អ្នកអាចចាក់ទឹកល្បាយលើសក់តែម្ដង ឬគ្រាន់តែបាញវាលើសក់ ហើយប្រើប្រាស់ក្រាស់សិតតាមក្រោយក៏បាន។ រងចាំសម្រាប់រយៈពេលពី ២ ទៅ ៣ នាទី សឹមលាងសម្អាតចេញដោយកក់សក់ជាមួយសាប៊ូនិងប្រើក្រែមបន្ទន់ដូចពេលធម្មតា៕