ខ្ញុំអាយុ ២២ ឆ្នាំ ភេទប្រុស។ ខ្ញុំកំពុងតែមានគម្រោងរួមភេទ ជាលើកដំបូងជាមួយមិត្តស្រីខ្ញុំ។ ខណៈពេលដែលខ្ញុំ មានភាពភ្ញាក់ផ្អើលចំពោះរឿងនេះ ខ្ញុំពិតជាបារម្ភណាស់ថា ស្បែកគ្របក្បាលលិង្គរបស់ខ្ញុំនឹងធ្វើឲ្យខ្ញុំមានការឈឺចាប់ខ្លាំងក្នុងពេលរួមភេទ។ តើខ្ញុំខ្លាចអញ្ជឹងត្រឹមត្រូវដែរទេ?
ស្បែកគ្របក្បាលលិង្គ មិនមែនមានលក្ខណៈដូចសន្ទះព្រហ្មចារីយ៍របស់ស្ត្រី ដែលនឹងអាចរហែកក្នុងពេលរួមភេទជាលើកដំបូងឡើយ។ វាគឺជារឿងធម្មតាទេ ដែលមនុស្សប្រុសមានស្បែកគ្របក្បាលលិង្គ ហើយមិនអាចព្រលាត់ចេញមកក្រៅបាន នៅពេលពួកគេឈានដល់ពេញវ័យ។ នៅអាយុ ១៨ ឆ្នាំ បុរសស្ទើរតែ ៩៩ ភាគរយហើយ អាចព្រលាត់ស្បែកគ្រប់ក្បាលលិង្គពួកគេ ចេញមកក្រៅបាន។ មានបុរសតែមួយភាគរយប៉ុណ្ណោះ ដែលមិនអាចព្រលាត់ចេញ ហើយនោះហៅថាជាជំងឺ Phimosis ដែលស្បែកគ្រប់ក្បាលលិង្គ មានប្រហោងតឹងខ្លាំង និងមិនអាចព្រលាត់ចេញបានតែម្តង។ ហេតុដូច្នេះហើយវាអាចនឹងបង្កការឈឺចាប់ ក្នុងពេលរួមភេទ ហើយក៏រំខានដល់ការសប្បាយរីករាយផ្សេង និងពិបាកឈានដល់ចំណុចកំពូល ក្នុងពេលរួមភេទទៀត។
បញ្ហាមួយផ្សេងទៀតហៅថា Paraphimosis មានន័យថា ស្បែកគ្របក្បាលលិង្គនោះ អាចព្រលាត់ចេញតែ បែរជាធ្វើឲ្យរឹបដល់កលិង្គទៅវិញ ហើយក៏មិនអាចទាញវាចេញវិញបានដែរ។ ជាអកុសល្យ វាដូចជាគ្មានអ្វីដែលអ្នក អាចធ្វើបានច្រើនឡើយ ដើម្បីបំបាត់ការឈឺចាប់ក្នុងពេលរួមភេទ។ ការវះកាត់ដើម្បីបន្ធូរស្បែកគ្របក្បាលលិង្គវិញ អាចនឹងជួយដោះស្រាយបានបាន។
គន្លឹះសំខាន់ៗ
យ៉ាងណាមិញ ពេលខ្លះ ការរួមភេទអាចធ្វើឲ្យឈឺចាប់ជាលើកដំបូង ទោះបីជាអ្នកមិនមានបញ្ហា Phimosis ឬ Paraphimosis ក៏ដោយ។ អ្វីដែលជាគន្លឹះសំខាន់ ដែលអ្នកត្រូវចងចាំនោះគឺថា គ្មាននរណាម្នាក់ល្អគ្រប់ដប់ ក្នុងពេលអនុវត្តជាលើកដំបូងឡើយ។ ការរួមភេទក៏ដូចគ្នាដែរ ដូច្នេះ ត្រូវការពេលអនុវត្តច្រើនដូចគ្នា ទើបមានបទពិសោធន៍។ ដូច្នេះ មិនត្រូវបារម្ភអំពីវាច្រើនឡើយ ហើយត្រូវរីករាយនឹងពេលវេលាជាលើកដំបូងរបស់អ្នកចុះ។
ស្បែកគ្របក្បាលលិង្គអ្នក នឹងមិនបង្កជាការឈឺចាប់អ្វីឡើយ ក្នុងពេលដែលអ្នករួមភេទ ជាលើកដំបូង លុះត្រាតែអ្នកមានជំងឺ Phimosis និង Paraphimosis៕