ជិតដល់ចូលឆ្នាំចិនហើយ ដូចនេះមនុស្សគ្រប់រូបតែងតែនាំគ្នាបោសសម្អាតផ្ទះ និងប្តូររបស់ចាស់ចេញអស់ ហើយទិញរបស់ថ្មីមកដាក់វិញ ប៉ុន្តែមុននឹងអ្នកដាក់របស់ទាំងនោះក្នុងផ្ទះ អ្នកត្រូវតែប្រយ័ត្នពីកន្លែងដែលដាក់ ព្រោះបើដាក់ខុស វាអាចបំផ្លាញសំណាងរបស់អ្នកបាន។
មិនត្រូវដាក់ធុងសំរាមនៅក្បែរទូសៀវភៅ
អ្នកមិនត្រូវដាក់ធុងសំរាមនៅខាងឆ្វេងនៃទូដាក់សៀវភៅ និងតុធ្វើការរបស់អ្នកឡើយ ព្រោះខាងឆ្វេងដៃនៃទូ និងតុនោះគឺជាកន្លែងដែលទេវតាទ្រព្យនៅ ដូចនេះបើអ្នកមិនប្រយ័ត្ន ហើយដាក់ធុងសំរាមនៅកន្លែងនោះ ទេវតាទ្រព្យនឹងរត់ នោះអ្នកនឹងមិនមានទ្រព្យចូលឡើយ។
មិនត្រូវដាក់ដើមដំបងយក្សនៅក្រោយកៅអីអង្គុយ
នៅពីក្រោយតុធ្វើការ ឬតុសិក្សា គឺជាកន្លែងដែលនាំសំណាងដល់អ្នក ប៉ុន្តែបើអ្នកដាក់ដើមដំបងយក្សដែលជារុក្ខជាតិដែលមានបន្លាច្រើន នោះវានឹងអាចបំផ្លាញសំណាងអ្នកបានយ៉ាងងាយបំផុត។
មិនត្រូវព្យួរកញ្ចក់នៅក្រោយសាឡុង
នៅពីក្រោយសាឡុងក្នុងបន្ទប់ទទួលភ្ញៀវ អ្នកមិនត្រូវព្យួរកញ្ចក់ដែលធំឡើយ ព្រោះវាអាចធ្វើឱ្យមុខរបរអ្នកមិនអាចទទួលបានជោគជ័យឡើយ។
មិនត្រូវដាក់អណ្តើកនៅបន្ទប់ទទួលភ្ញៀវ
មានអ្នកខ្លះស្រលាញ់អណ្តើក ហើយចិញ្ចឹមអណ្តើកនៅក្នុងបន្ទប់ទទួលភ្ញៀវ នេះជាទង្វើដែលអាចបំផ្លាញមុខរបរអ្នកដោយមិនដឹងខ្លួន ព្រោះអណ្តើកតំណាងឱ្យមនុស្សដែលចាំតែរារាំងសំណាងរបស់អ្នក ដូចនេះមុខរបរអ្នកនឹងមិនអាចដើរទៅមុខបានឡើយ។
មិនត្រូវហាលខោអាវនៅខាងឆ្វេងនៃទ្វារ
នៅខាងឆ្វេងនៃទ្វាររបស់អ្នកគឺជាកន្លែងដែលទេវតាទ្រព្យនៅ ដូចនេះអ្នកមិនត្រូវហារខោអាវនៅកន្លែងនោះឡើយ ព្រោះវាអាចធ្វើឱ្យទេវតាទាំងនោះរត់អស់បាន ហើយមិនជួយអ្នកឡើយ៕