Join with Health.com.kh on Telegram

​ការសិក្សា​ជាច្រើន​បាន​ផ្សារភ្ជាប់​ការ​ញ៉ាំ​ផ្លែ​ប៉ោម​ទៅនឹង​ការថយចុះ​ហានិភ័យ​នៃ​ជំងឺ​ទឹកនោមផ្អែម​ប្រភេទ​ទី ២​។​

​នៅក្នុង​ការស្រាវជ្រាវ​ដ៏​ធំ​មួយ​ការ​ញ៉ាំ​ផ្លែ​ប៉ោម​ក្នុង​មួយថ្ងៃ ត្រូវបាន​ផ្សារភ្ជាប់​ទៅនឹង​ការថយចុះ​ហានិភ័យ​នៃ​ជំងឺ​ទឹកនោមផ្អែម​ប្រភេទ​ទី ២ ចំនួន ២៨ ភាគរយ បើ​ធៀប​នឹង​ការមិន​បរិភោគ​ផ្លែ​ប៉ោម​។ សូម្បីតែ​ការ​ញ៉ាំ​ផ្លែ​ប៉ោម​តែ​ពីរ​បី​ផ្លែ​ក្នុង​មួយ​សប្តាហ៍ ក៏មាន​ឥទ្ធិពល​ការពារ​ប្រហាក់ប្រហែល​។​

​វា​អាចទៅរួច​ដែលថា​ប៉ូ​លី​ហ្វេ​ណុល​នៅក្នុង​ផ្លែ​ប៉ោម​ជួយ​ការពារ​ការបំផ្លាញ​ជាលិកា​ចំពោះ​កោសិកា​បេ​តា​នៅក្នុង​លំពែង​របស់​អ្នក​។ កោសិកា​បេ​តា​ផលិត​អាំង​ស៊ុយ​លីន​នៅក្នុង​ខ្លួន​អ្នក ហើយ​ជារឿយៗ​ត្រូវបាន​បំផ្លាញ ចំពោះ​អ្នក​ដែលមាន​ជំងឺ​ទឹកនោមផ្អែម​ប្រភេទ​ទី ២ ។

​មិនតែប៉ុណ្ណោះ ការសិក្សា​អំពី​បំពង់​សាកល្បង​បានបង្ហាញ​ពី​ការផ្សារភ្ជាប់​គ្នា​រវាង​សមាសធាតុ​រុក្ខជាតិ​នៅក្នុង​ផ្លែ​ប៉ោម និង​ការថយចុះ​ហានិភ័យ​នៃ​ជំងឺមហារីក​ផងដែរ​។​

​លើសពីនេះ​ទៀត ការសិក្សា​មួយ​លើ​ស្ត្រី​បាន​រាយការណ៍​ថា ការបរិភោគ​ផ្លែ​ប៉ោម​មាន​ទំនាក់ទំនង​ទៅនឹង​អត្រា​នៃ​ការស្លាប់​ទាប​ដោយសារ​ជំងឺមហារីក​។

​អ្នកវិទ្យាសាស្ត្រ​ជឿជាក់ថា ឥទ្ធិពល​ប្រឆាំង​អុកស៊ីតកម្ម និង​ប្រឆាំងនឹង​ការ​រលាក​របស់​ពួកគេ​អាច​ទទួលខុសត្រូវ​ចំពោះ​ឥទ្ធិពល​ការពារ​ជំងឺមហារីក ដែលមាន​សក្តានុពលរ​បស់​ពួកគេ​។