តើកូនរបស់អ្នក គេងស្រមុកខ្លាំងមែនទេ? បើដូច្នោះមែន វាប្រហែលជាដល់ពេលដែលត្រូវនាំពួកគេទៅជួបអ្នកជំនាញ ដើម្បីជាប្រយោជន៍ដល់អ្នក និងពួកគេ។
ការសិក្សាថ្មីមួយពីអ្នកស្រាវជ្រាវបានរកឃើញថា កុមារដែលគេងស្រមុកជាប្រចាំអាចជួបប្រទះការបាត់បង់ Gray matter (សមាសភាគសំខាន់មួយ នៃប្រព័ន្ធប្រសាទកណ្តាល) នៅក្នុងខួរក្បាល និងបញ្ហាអាកប្បកិរិយាជាលទ្ធផល។
ការសិក្សាបានបង្ហាញថា កុមារជិត ១នាក់ ក្នុងចំណោម ៣ នាក់ គេងស្រមុកម្តងម្កាល ប៉ុន្តែភាគច្រើននៃករណីទាំងនេះមិនកើនឡើងដល់កម្រិតនៃបញ្ហាឡើយ។ ទោះយ៉ាងណា កុមារពី ១០ ទៅ ១២ ភាគរយមានបញ្ហាស្រមុកធ្ងន់ធ្ងរជាងនេះ។
ការពិនិត្យលើការស្កេន MRI លើកុមារជាង ១ ម៉ឺននាក់ ដែលមានអាយុពី ៩ ទៅ ១០ឆ្នាំ ក្នុងការស្រាវជ្រាវចុងក្រោយបានរាយការណ៍ថា អ្នកដែលស្រមុកពេលយប់ជាងបីដងក្នុងមួយសប្តាហ៍ មាន gray matter ស្តើងជាង នៅតាមតំបន់នៃផ្នែកខាងមុខនៃខួរក្បាលក៏ដូចជានៅតាមតំបន់នៃខួរក្បាល ដែលទទួលខុសត្រូវចំពោះការគ្រប់គ្រងការគិត និងហេតុផលខ្ពស់។
«Gray matter មានសារសំខាន់សម្រាប់ការអភិវឌ្ឍ ពីព្រោះវាពាក់ព័ន្ធនឹងមុខងារខួរក្បាលស្មុគស្មាញជាច្រើននៅផ្នែកខាងមុខដូចជា ការយកចិត្តទុកដាក់រៀបចំចន្លោះ និងពេលវេលា និងទិដ្ឋភាពផ្សេងទៀតនៃអ្វីដែលហៅថាមុខងារប្រតិបត្តិ»។ មុខងារប្រតិបត្តិ មានការរីកចម្រើនក្នុងវ័យកុមារភាព និងមានសារៈសំខាន់សម្រាប់គាំទ្រដល់ជំនាញសិក្សាសង្គម អារម្មណ៍ និងអាកប្បកិរិយា។
អ្នកស្រាវជ្រាវនិយាយថា ដូច្នេះវាអាចមានទំនាក់ទំនងគ្នារវាងការគេងស្រមុកនៅពេលយប់ និងការកើនឡើងនៃការផ្តោតអារម្មណ៍ ភាពអសមត្ថភាពក្នុងការរៀន និងអាកប្បកិរិយាមិនចេះអត់ធ្មត់៕