រឿងមួយដែលមនុស្សជាច្រើនតែងធ្វើនៅរដូវរងារនោះគឺការអ៊ុតសម្លៀកបំពាក់នៅក្នុងផ្ទះ។ ទម្លាប់បែបនេះអាចបង្កជាការប្រឈមមុខធ្ងន់ធ្ងរដល់សុខភាពបាន ជាពិសេសអ្នកដែលមានប្រព័ន្ធភាពស៊ាំចុះខ្សោយ ឬជំងឺហឺតធ្ងន់ធ្ងរតែម្តង។
ការអ៊ុតសម្លៀកបំពាក់សម្បួតក្នុងផ្ទះអាចបង្កើនសំណើមក្នុងបរិយាកាសរហូតដល់ ៣០ភាគរយ ដូច្នេះវានឹងផ្តល់អំណោយផលយ៉ាងល្អមួយសម្រាប់ការលូតលាស់មេរោគផ្សិត ជាពិសេសពពួកមេរោគ Aspergillus Fumigatus ដែលងាយនឹងធ្វើឱ្យមនុស្សស្រូបចូលក្នុងច្រមុះណាស់។
មេរោគផ្សិតមួយនេះមិនផ្តល់គ្រោះថ្នាក់ដល់មនុស្សមានសុខភាពល្អទេ ប៉ុន្តែសម្រាប់អ្នកមានប្រព័ន្ធភាពស៊ាំចុះខ្សោយវិញគឺគ្រោះថ្នាក់បំផុត ដែលអាចឈានដល់រលាកទងសួតបាន។
យ៉ាងណាមិញ ខ្យល់មានសំណើមបែបនេះក៏ពោរពេញទៅដោយសារធាតុគីមីជាច្រើនដែលបន្សល់ពីផលិតផលសម្ងួតលើសម្លៀកបំពាក់ដែរ។
ដូច្នេះហើយ យកល្អអ្នកគួរតែយកសម្លៀកបំពាក់ហាលនៅខាងក្រៅផ្ទះវិញក្រោយពីបោករួច៕