បច្ចុប្បន្ននេះរាល់ទូរសព្ទស្ទើរតែគ្រប់ម៉ូដែលទៅហើយគឺបានចេញលក់ម្ដងពីរប្រភេទផ្សេងគ្នា ដោយមានជម្រើសទំហំតូច និងជម្រើសទំហំធំ។ រវាងទូរសព្ទទាំងពីរប្រភេទអ្នកប្រើប្រាស់អាចពិបាកធ្វើការសម្រេចថាគួរជ្រើសប្រភេទណាមួយ។
ខាងក្រោមជាហេតុផលមួយចំនួនដែលអ្នកគួរប្រើប្រាស់ទូរសព្ទទំហំធំ៖
១. ថាមពលថ្ម
ជាធម្មតាទូរសព្ទទំហំធំតែងមានថាមពលថ្មដែលអាចប្រើប្រាស់បានយូរជាង ទូរសព្ទទំហំតូច។ ជាក់ស្ដែង iPhone 6s Plus ប្រើប្រាស់បានយូរជាង iPhone 6s។
២. ងាយស្រួលក្នុងការប្រើប្រាស់
ទូរសព្ទធំដែលមានអេក្រង់ទំហំធំ ជួយឲ្យការប្រើប្រាស់ប្រចាំថ្ងៃកាន់តែមានភាពងាយស្រួល និងលឿនជាងមុនបើប្រៀបនឹងទូរសព្ទដែលមានអេក្រង់ទំហំតូចជាង។
៣. វាយអក្សរបានលឿន
អ្នកដែលចូលចិត្តលេងសារ ឬឆាតតាមបណ្ដាញសង្គមគួរជ្រើសរើសទូរសព្ទអេក្រង់ធំ ព្រោះអាចជួយឲ្យវាយអក្សរបានលឿន ដោយក្ដារចុចមិនមានភាពស្អេកស្កះដូចជានៅលើទូរសព្ទអេក្រង់ទំហំតូចនោះឡើយ។
៤. Hardware ល្អជាង
មិនខុសពីថាមពលថ្ម Hardware ទូរសព្ទទំហំធំក៏មានភាពប្រសើរជាងទូរសព្ទទំហំតូច ដោយមានចំណុចពិសេសមួយចំនួន។ ជាក់ស្ដែង iPhone 6s មិនមានមុខងាររក្សាលំនឹងពេលថតវីដេអូ (optical stabilization) ដូចជា iPhone 6s Plus ឡើយ។
៥. កម្រិត Resolution ធំ
ទូរសព្ទទំហំតូចនាពេលបច្ចុប្បន្ននេះភាគច្រើនមានកម្រិត Resolution ត្រឹមតែ HD(720×1080) ឬ Full HD(1280×1920) ប៉ុណ្ណោះ ដោយឡែកទូរសព្ទទំហំធំវិញអាចមានដល់ Quad HD (1440×2560)។ មិនតែប៉ុណ្ណោះក៏មានដង់ស៊ីតេរូបភាពធំជាងដែលអាចបង្ហាញរូបភាព បានច្បាស់ល្អ៕