ការស្រាវជ្រាវមួយរបស់ វិទ្យាស្ថានវិទ្យាសាស្ដ្រMax Planck នៅប្រទេសអាល្លឺម៉ង់បានបង្ហាញថា គម្លាតអំពីអាយុរវាងប្ដី និងប្រពន្ធ ដើរតួនាទីសំខាន់បំផុតចំពោះការនៅមាន ជីវិតយូរទៅថ្ងៃមុខ ។ ជាក់ស្ដែងពួកអ្នក វិទ្យាសាស្ដ្រសុទ្ធតែយល់ស្របថា អាពាហ៍ពិពាហ៍ជួយកែប្រែឱ្យប្រសើរ ឡើងនូវអាយុរបស់មនុស្ស តែវាអនុវត្ដ តែចំពោះករណីកំណត់មួយចំនួន, មិនតែប៉ុណ្ណោះគឺចំពោះតែបុរសជាសំខាន់។
អ្នកជំនាញការស្រាវជ្រាវ លោក ស្វេន ដ្រេហ្វាល (Sven Drefahl) បានឱ្យ ដឹងថា លោករួមជាមួយសហសេវិកបាន ផ្អែកទៅលើឯកសារជំងឺរបស់គូស្វាមីភរិយាជាង ២លានគូ នៅដាណឺម៉ាក ហើយគេប្រមូលផ្ដុំទៅក្នុងអាយុបាត់ បង់ជីវិតរបស់អ្នកដែលបានស្លាប់, កម្រិតល្អៀងអាយុរវាងប្រពន្ធ និងប្ដី ។ លទ្ធផលប្រមូលបានបង្កការភ្ញាក់ផ្អើល បំផុត ។
ចំពោះបុរស, ប្រសិនគេរៀបការ ជាមួយស្ដ្រីក្មេងជាងខ្លួនពី៧ទៅ១១ឆ្នាំ នោះអត្រាបាត់បង់ជីវិតថយចុះពី៩ ភាគរយ ដល់១១ភាគរយ ប្រៀបនឹងអ្នក ដទៃ ។ ក្រុមស្រាវជ្រាវ ចាត់ទុកថា បុរសយកភរិយាក្មេងជាងនឹងមានឱកាស កើនអាយុ ដោយសារទទួលបានការ ថែទាំរបស់ប្រពន្ធពេលចាស់ទៅ ។ ក្នុងពេលនោះស្ដ្រីបែរជាពុំបាន “ផលប្រយោជន៍” ចម្លែក ដូចនេះ ពេលដែល លទ្ធផលបង្ហាញថា ស្ដ្រីរៀបការជាមួយ ស្វាមីក្មេងជាងពី៧ទៅ៩ឆ្នាំ មាន ហានិភ័យស្លាប់ដោយចៃដន្យខ្ពស់ជាង ២០ភាគរយ ប្រៀបនឹងអ្នករៀបការជាមួយបុរស អាយុស្របាលគ្នា ។ ចំពោះ ស្ដ្រីរៀបការជាមួយបុរសអាយុតិចជាងខ្លួន១៥ឆ្នាំឡើងទៅ, នោះអត្រាគ្រោះថ្នាក់កើនឡើងជាង៣០ភាគរយ ៕