មុនក្លៀក? មិនពិបាកកម្ចាត់ឡើយ កុំរំលងអត្ថបទនេះ

បញ្ហាមុនក្លៀកមិនពិបាកព្យាបាលកម្ចាត់ដូចការគិតឡើយ! (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ត្រូវធ្វើបែបណាទៅ? កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីរូបមន្តធម្មជាតិដោះស្រាយបញ្ហាមុនក្លៀក ៖

១. ម្សៅ Baking soda

អ្វីដែលអ្នកត្រូវធ្វើ គឺគ្រាន់តែបន្ថែមទឹកពី ២ ទៅ ៣ដំណក់ទៅក្នុងម្សៅ Baking soda បន្តិច រួចលាបលើមុន។ រងចាំសម្រាប់រយៈពេលប៉ុន្មាននាទីសិន មុនពេលលាងសម្អាតចេញជាមួយទឹកត្រជាក់។

២. ទឹកក្រូចឆ្មារស្រស់

អ្វីដែលអ្នកត្រូវធ្វើ គឺគ្រាន់តែលាបទឹកក្រូចឆ្មារស្រស់លើមុន និងរងចាំសម្រាប់រយៈពេលពី ២ ទៅ ៣នាទីសិន សឹមលាងសម្អាតចេញ។ អ្នកអាចលាយទឹកក្រូចឆ្មារស្រស់ជាមួយទឹកធម្មតាជាមុនសិនក៏បាន ប្រសិនបើមានស្បែកឆាប់ប្រតិកម្ម។

៣. ទឹកឃ្មុំ

អ្វីដែលអ្នកត្រូវធ្វើ គឺគ្រាន់តែលាបទឹកឃ្មុំលើមុនទាំងនោះជាការស្រេច។ រងចាំសម្រាប់រយៈពេលពី ២ ទៅ ៣នាទី សឹមលាងសម្អាតចេញជាមួយទឹកធម្មតា។

៤. ខ្ទឹមស

បើមិនប្រកាន់ក្លិនវាទេ អ្វីដែលអ្នកត្រូវធ្វើ គឺគ្រាន់តែចិញ្ច្រាំខ្ទឹមសមួយកំពឹសឱ្យម៉ដ្ឋ បន្ទាប់មកលាបទឹកខ្ទឹមសលើមុនជាការស្រេច។ រងចាំសម្រាប់រយៈពេលប៉ុន្មានវិនាទីសិន សឹមលាងសម្អាតចេញជាមួយទឹកធម្មតា។

៥. ជែលប្រទាលកន្ទុយក្រពើស្រស់

អ្វីដែលអ្នកត្រូវធ្វើ គឺគ្រាន់តែលាបជែលប្រទាលកន្ទុយក្រពើស្រស់លើមុន និងរងចាំសម្រាប់រយៈពេលប៉ុន្មាននាទីសិន សឹមលាងសម្អាតចេញជាមួយទឹកត្រជាក់។

៦. ទឹកកក

ដុំទឹកកកជួយបន្ថយការឡើងក្រហមនិងការរលាក ព្រមទាំងការឈឺចាប់នៃមុនផងដែរ។ ទោះជាយ៉ាងណាអ្នកចាំបាច់ត្រូវរុំដុំទឹកកកក្នុងក្រណាត់ស្អាតជាមុនសិន សឹមស្អំលើមុន៕