ឈប់ខ្វល់ចិត្តទៅ! សក់ជ្រុះខ្លាំង? ត្រូវខំញ៊ាំអាហារទាំងនេះ

ក្រៅពីស្ត្រេស ការប្រើប្រាស់ឧបករណ៍ ក៏ដូចជាផលិតផលលេងម៉ូដសក់មួយចំនួន ព្រមទាំងទម្លាប់នៃការទទួលទានអាហារក៏ជះឥទ្ធិពលមិនល្អលើសុខភាពសក់ដែលនាំឱ្យស្ដើងជាងមុនផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណាកុំបារម្ភបញ្ហាសក់ស្ដើងមិនពិបាកនឹងដោះស្រាយឡើយ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអាហារមួយចំនួនដែលមានឥទ្ធិពលលើការលូតលាស់នៃសក់ ៖

១. មើមឆៃថាវក្រហម

បន្លែមើមនេះមានផ្ទុកសម្បូរទៅដោយជាតិកាល់ស្យូម ប៉ូតាស្យូម និងប្រូតេអ៊ីន រួមជាមួយវីតាមីន B និងវីតាមីន C ដែលចាំបាច់សម្រាប់ការលូតលាស់នៃសក់។

២.​ ត្រីសម្បូរខ្លាញ់

មួយក្នុងចំណោមមូលហេតុផ្សេងទៀតដែលបង្កបញ្ហាសក់ជ្រុះ គឺការរលាក! ទោះជាយ៉ាងណាការរលាកក្នុងរាងកាយអាចគ្រប់គ្រងបានដោយមានជំនួយពីអាស៊ីតខ្លាញ់អូមេហ្កា ៣។ ហើយប្រភពដ៏ប្រសើរបំផុតនៃអាស៊ីតខ្លាញ់នេះ គឺត្រីសម្បូរខ្លាញ់។ អាស៊ីតខ្លាញ់អូមេហ្កា ៣ មានអត្ថប្រយោជន៍ណាស់ចំពោះសុខភាពស្បែកក្បាលដែលចាំបាច់សម្រាប់ការលូតលាស់នៃសក់។ ម្យ៉ាងវិញទៀតត្រីសម្បូរខ្លាញ់ក៏ជាប្រភពដ៏ប្រសើរនៃវីតាមីន D និងអាស៊ីតអាមីណូដែលមានឥទ្ធិពលជួយឱ្យសក់លូតលាស់បានឆាប់រហ័សផងដែរ។

៣. គ្រាប់ធញ្ញជាតិនិងគ្រាប់ពូជ

ក៏មានផ្ទុកសម្បូរទៅដោយអាស៊ីតខ្លាញ់អូមេហ្កា ៣ ផងដែរ។ ទោះជាយ៉ាងណាមិនត្រូវទទួលទានលើសពីមួយក្ដាប់ពេញក្នុងមួយថ្ងៃឡើយ។

៤. អយស្ទ័រ

កង្វះជាតិស័ង្កសីអាចបណ្ដាលឱ្យសក់ជ្រុះខ្លាំង ឬលូតលាស់យឺត។ ហើយអយស្ទ័រជាប្រភពដ៏ប្រសើរនៃសារធាតុចិញ្ចឹមចាំបាច់សម្រាប់សុខភាពសក់។

៥. ស៊ុត

ការរួមបញ្ចូលស៊ុតក្នុងរបបអាហារប្រចាំថ្ងៃ គឺល្អណាស់សម្រាប់អ្នកកំពុងជួបប្រទះបញ្ហាសក់ជ្រុះ។ នេះក៏ព្រោះតែស៊ុតជាប្រភពដ៏ប្រសើរនៃបាយអូទីនវីតាមីន B មួយប្រភេទដែលមានប្រសិទ្ធភាពទប់ស្កាត់បញ្ហាសក់ជ្រុះ។ ស៊ុតក៏មានផ្ទុកសម្បូរទៅដោយប្រូតេអ៊ីនដែលចាំបាច់សម្រាប់ពង្រឹងឬសនៃសក់ផងដែរ។

៦. សាច់គ្មានខ្លាញ់

អ្នកក៏គួររួមបញ្ចូលសាច់គ្មានខ្លាញ់ក្នុងរបបអាហារផងដែរដើម្បីទប់ស្កាត់និងដោះស្រាយបញ្ហាសក់ជ្រុះ។ សាច់គ្មានខ្លាញ់មានផ្ទុកប្រូតេអ៊ីនគុណភាពខ្ពស់ដែលល្អសម្រាប់សុខភាពសក់។

៧. ការ៉ុត

ជាប្រភពដ៏ល្អបំផុតមួយនៃវីតាមីន A ដែលចាំបាច់សម្រាប់ការផលិតជាតិប្រេងធម្មជាតិនៃសក់ ដើម្បីរក្សាបាននូវស្បែកក្បាលមានសុខភាពល្អ។ ប្រសិនបើគ្មានជាតិប្រេងគ្រប់គ្រាន់ទេនោះស្បែកក្បាលនឹងប្រែជាស្ងួត ងាយជ្រុះ ហើយរមាស់។

៨. បន្លែបៃតង

ជាប្រភពដ៏ប្រសើរនៃជាតិដែកដែលចាំបាច់ណាស់សម្រាប់រក្សាសុខភាពសក់រឹងមាំ។ កង្វះជាតិដែកអាចបង្កជំងឺខ្វះគ្រាប់ឈាមក្រហមដែលជាកត្តាចម្បងបំផុតមួយនៃបញ្ហាជ្រុះសក់ ក៏ព្រោះឬសនៃសក់ទទួលបានសារធាតុចិញ្ចឹមតាមរយៈការផ្គត់ផ្គង់របស់ឈាម។

៩. ផ្លែបឺរ

ជាប្រភពដ៏ប្រសើរនៃវីតាមីន E ដែលជួយឱ្យឬសនៃសក់ធ្វើការកាន់តែមានប្រសិទ្ធិភាព និងបង្កើនចរន្តឈាមជម្រុញការលូតលាស់សក់។ វាក៏ជួយរក្សាកម្រិតតុល្យភាព PH និងជាតិប្រេងទប់ស្កាត់ភាពរាំងស្ទះដល់ការលូតលាស់នៃសក់ផងដែរ។

១០. ដំឡូងផ្អែម

ជាប្រភពដ៏ប្រសើរនៃសារធាតុ beta carotene និងសារធាតុប្រឆាំងអុកស៊ីតកម្មដែលមិនត្រឹមតែល្អសម្រាប់ភ្នែកប៉ុណ្ណោះទេ ប៉ុន្តែក៏ចាំបាច់សម្រាប់រក្សាសុខភាពសក់ទប់ស្កាត់បញ្ហាជ្រុះខ្លាំងផងដែរ។

១១. ត្របែក

​ជាប្រភពដ៏ល្អបំផុតមួយនៃវីតាមីន C ដែលជួយការពារសក់មិនឱ្យងាយជ្រុះ។

Vitamin C prevents your hair from becoming brittle and fragile and guavas contain more Vitamic C than oranges! Just like the fruit, the leaves too contain vitamin B and C, which help boost collagen activity required for hair growth.