អ្នកទើបតែបានចាក់វ៉ាក់សាំងការពារកូវីដ១៩ ដូសដំបូង ដូសទី ២ ឬដូសតែមួយប៉ុណ្ណោះ ហើយអ្នកមានអារម្មណ៍ចង់រក្សារាងកាយអ្នកអោយសកម្ម ដោយការហាត់ប្រាណខ្លះៗ។ ប៉ុន្តែ តើអ្នកគួរតែធ្វើវាដែរឫទេ?
ចំលើយយ៉ាងខ្លី៖ ប្រាកដណាស់ ក្នុងករណីភាគច្រើនវាមិនអីទេក្នុងការហាត់ប្រាណ បន្ទាប់ពីការចាក់វ៉ាក់សាំង ដរាបណាអ្នកមានអារម្មណ៍ល្អ។ ប៉ុន្តែ ផលប៉ះពាល់នៃថ្នាំវ៉ាក់សាំងទូទៅមួយចំនួនអាចជះឥទ្ធិពលដល់ផែនការធ្វើលំហាត់ប្រាណរបស់អ្នក ដូច្នេះយកល្អគួរតែដឹងអំពីវិធីទាំងនោះ និងវិធីដែលអ្នកអាចរៀបចំផែនការសកម្មភាពរាងកាយជុំវិញវ៉ាក់សាំងរបស់អ្នក ឱ្យមានអារម្មណ៍ល្អ តាមដែលអាចធ្វើទៅបាន។ នេះជាអ្វីដែលអ្នកត្រូវដឹងអំពីការធ្វើលំហាត់ប្រាណ បន្ទាប់ពីចាក់វ៉ាក់សាំងការពារកូវីដ-១៩ ។
វាមិនមានគ្រោះថ្នាក់អ្វីទេ ក្នុងការធ្វើលំហាត់ប្រាណ បន្ទាប់ពីចាក់វ៉ាកសាំង។ ទោះបីជាអ្នកមានផលរំខានមិនស្រួលដូចជាឈឺសាច់ដុំ ឬគ្រុនក្តៅ។ ហានិភ័យតែមួយគត់នៃការធ្វើលំហាត់ប្រាណ បន្ទាប់ពីការចាក់វ៉ាក់សាំងកូវីដ១៩ គឺថាផលប៉ះពាល់មួយចំនួនអាចនឹងកាត់បន្ថយគុណភាព នៃការហាត់ប្រាណរបស់អ្នក និងធ្វើឱ្យវាមិនសូវរីករាយ។ ហើយវាមិនមានភស្តុតាងណាបង្ហាញថា ការហាត់ប្រាណ មុន ឫ ក្រោយពេលចាក់វ៉ាក់សាំង នឹងប៉ះពាល់ប្រសិទ្ធភាពនៃវ៉ាក់សាំងនោះទេ៕