ស្ត្រីកំពុងចែករំលែករឿងផ្ទាល់ខ្លួនអំពីរឿងនេះ នៅលើបណ្តាញសង្គម ដូច្នេះយើងបានសួរអ្នកជំនាញថា តើការផ្លាស់ប្តូររដូវអាចជាផលប៉ះពាល់នៃការចាក់វ៉ាក់សាំងឫទេ។
វ៉ាក់សាំង COVID-19 អាចមានផលប៉ះពាល់ច្រើន ដូចជាគ្រុនក្តៅ ញាក់ និងឈឺសាច់ដុំ។ ដូច្នេះវាជារឿងធម្មជាតិ ដែលឆ្ងល់ថា តើវាអាចជះឥទ្ធិពលជាបណ្តោះអាសន្នដល់សុខភាពរបស់អ្នកដូចជាវដ្តរដូវរបស់អ្នកដែរឬទេ។
ទីមួយមិនមានហេតុផល ដែលមិនត្រូវចាក់វ៉ាក់សាំងនៅពេលអ្នកមានរដូវ។ ទាំង CDC និងមហាវិទ្យាល័យគ្រូពេទ្យជំនាញខាងរោគស្ត្រី មិនបានចុះបញ្ជី រដូវរបស់អ្នកថាជាហេតុផល ដើម្បីចាក់វ៉ាក់សាំងនោះទេ។
ប៉ុន្តែបើនិយាយពីវិធីដែលវ៉ាក់សាំងនេះមានឥទ្ធិពលលើការមករដូវជាទូទៅស្ត្រីខ្លះបានប្រើបណ្តាញសង្គមដើម្បីនិយាយអំពីរបៀបដែលពួកគេជួបប្រទះនឹងរដូវដែលច្រើនជាងធម្មតា ការឈឺចាប់ និងវដ្តរដូវមិនធម្មតា បន្ទាប់ពីបានចាក់វ៉ាក់សាំងរួច។
ដូច្នេះតើការផ្លាស់ប្តូររដូវ មានផលប៉ះពាល់អ្វីពីវ៉ាក់សាំងដែរឬទេ? នេះជាអ្វីដែលអ្នកត្រូវដឹង។
អ្នកជំនាញនិយាយថាវាពិតជាពិបាកដឹងណាស់។ សម្រាប់ស្ត្រីទាំងនោះ ដែលបានរាយការណ៍ពីការឈឺចាប់ជាងធម្មតាវាអាចជាការឈឺក្រោយពេលចាក់វ៉ាក់សាំង។
លំហូរច្រើនជាងនេះ គឺពិបាកពន្យល់បន្តិច។ ការសិក្សាតូចមួយលើស្ត្រី ២៣៣ នាក់ ដែលមានអាយុបង្កើតកូនដោយការធ្វើរោគវិនិច្ឆ័យ COVID-១៩ បានរាយការណ៍ពីការប្រែប្រួលនៃការមករដូវ។ ក្នុងចំនោមអ្នកជំងឺ ១៧៧ នាក់ ដែលមានកំណត់ត្រាអំពីរដូវរបស់ពួកគេ ២៥% មាន “ការផ្លាស់ប្តូរបរិមាណនៃការមករដូវ” , ២០% មានវដ្តឆាប់ជាងធម្មតា, ហើយ ១៩% មានវដ្តរដូវដែលយូរជាងធម្មតា។ ខណៈពេលដែលវ៉ាក់សាំង COVID-19 អាចមានឥទ្ធិពលស្រដៀងគ្នានេះ គេមិនទាន់ដឹងនៅឡើយទេនៅពេលនេះ។
វាក៏មានលទ្ធភាព ដែលស្ត្រេសអាចដើរតួផងដែរ។ ភាពតានតឹងអាចជាការរំខាន និងមិនមានហេតុផលសម្រាប់ការផ្លាស់ប្តូរទាក់ទងនឹងរដូវ ប៉ុន្តែវាពិតជាអាចទៅរួច។ គាត់និយាយថាវដ្តរដូវអាចត្រូវបានផ្លាស់ប្តូរ ឬជះឥទ្ធិពលដោយកត្តាជាច្រើនរួមមានស្ត្រេស គេងមិនលក់ ហាត់ប្រាណ និងថ្នាំមួយចំនួន។ ដូច្នេះ វាមិនមែនជារឿងចម្លែកទេចំពោះស្ត្រីមួយចំនួនបន្ទាប់ពីបានទទួលការចាក់វ៉ាក់សាំង ហើយមានការផ្លាស់ប្តូររដូវរបស់ពួកគេដូចជា ការឡើងមុន ឬការធ្លាក់ឈាមរដូវច្រើន ឬការរមួលក្រពើច្រើនជាងធម្មតា។
គំនិតដែលថា វ៉ាក់សាំងអាចមានឥទ្ធិពលលើវដ្តរដូវរបស់ស្ត្រីគឺជាការពិបាកមួយដែលពន្យល់ពីទស្សនៈជីវសាស្ត្រ។ ទោះបីជាយ៉ាងណាក៏ដោយមិនមានយន្តការជីវសាស្ត្រដែលអាចបង្កឱ្យមានការរំខានដល់វដ្តរដូវ បន្ទាប់ពីទទួលវ៉ាក់សាំងការពារកូវីដ១៩។ ការហូរឈាមតាមទ្វារមាសមិនធម្មតា “មិនមានផលប៉ះពាល់អ្វីនៅក្នុងការធ្វើតេស្តិ៍ ណាមួយពីក្រុមហ៊ុនផលិតវ៉ាក់សាំងនោះទេ” ។
ទោះបីជាមានរឿងរ៉ាវផ្ទាល់ខ្លួនពីស្ត្រីតាមអ៊ិនធរណេតក៏ដោយ ក៏អ្នកជំនាញសុខភាពស្ត្រីអះអាងថា មិនមានទិន្នន័យគ្រប់គ្រាន់ ដើម្បីបង្ហាញថាវ៉ាក់សាំងនេះ អាចប៉ះពាល់ដល់វដ្តរដូវ។
តើមានអ្វីកើតឡើងប្រសិនបើរដូវរបស់ខ្ញុំផ្លាស់ប្តូរបន្ទាប់ពីចាក់វ៉ាក់សាំង?
ទីមួយ កុំភ័យស្លន់ស្លោ។ ខណៈពេលដែលវាអាចគ្រាន់តែជារឿងមួយ ដែលអាចកើតឡើងបន្ទាប់ពីចាក់វ៉ាក់សាំង វាក៏អាចជាសញ្ញានៃអ្វីផ្សេងទៀត ដែលកើតឡើងដោយចៃដន្យ បន្ទាប់ពីអ្នកបានចាក់វ៉ាក់សាំងរួច៕