នៅក្នុងការរស់នៅប្រចាំថ្ងៃ មានរបៀបជាច្រើនដែលអ្នកអាចយកមកសម្អាតរបស់របសប្រើប្រាស់របស់អ្នក ប៉ុន្តែគ្រាន់តែអ្នកមើលមិនឃើញប៉ុណ្ណោះ ដូចនេះប្រសិនជាខ្នើយគេងយូរមានលក្ខណៈលឿង តើមានវិធីអ្វីក្នុងការសម្អាតវាឱ្យសនោះ?
វិធីទី១
នៅពេលដែលស្រោមខ្នើយអ្នកមានលក្ខណៈលឿង អ្នកត្រូវតែយកវាទៅហាលថ្ងៃចំនួនពី១ទៅ២ម៉ោងជាមុនសិន បន្ទាប់មកអ្នកអាចយកវាទៅត្រាំបាន ដោយអាចប្រើទឹកក្តៅ ហើយលាយជាមួយសាប៊ូ រួចយកវាទៅត្រាំក្នុងនោះចំនួនពីមួយម៉ោងឡើង បន្ទាប់ពីត្រាំរួច អ្នកអាចយកសាប៊ូបោកវាបាន នោះវានឹងអាចជម្រះស្នាមលឿងទាំងនោះជាមិនខានឡើយ។
វិធីទី២
ប្រសិនជាស្រោមខ្នើយអ្នកមានលក្ខណៈធន់នឹងក្តៅបាន អ្នកអាចយកវាទៅដាំជាមួយទឹកក្តៅ ដោយលាយជាមួយសាប៊ូចូល ដាំមួយរយៈពេល ទើបយកវាចេញេពីឆ្នាំង រួចយកច្រាសមកដុសសម្អាតវាបាន តែបើវានៅតែមិនស្អាត អ្នកអាចយកវាទៅដាំម្តងទៀតបាន រហូតដល់វាអាចសម្អាតស្នាមលឿងទាំងនោះបាន៕