Join with Health.com.kh on Telegram

និស្សិត​មួយ​ចំនួន​តែងតែ​ពិបាក​សម្រេចចិត្ត ក្នុង​ការ​ទិញ​កុំព្យូទ័រ​យក​មក​ប្រើប្រាស់​ដោយ​ត្អូញត្អែរ​ថា តើ​គួរ​ទិញ​កុំព្យូទ័រ​ប្រភេទ​ណា ឲ្យ​ត្រូវ​តាម​តម្រូវការ​ហើយ​មាន​តម្លៃ​សមរម្យ ? ដើម្បី​ជួយ​ឱ្យ​ប្រិ​យ​មិត្ត​អាច​សម្រេច​ចិត្តបាន​ត្រឹមត្រូវ​ក្នុង​ការ​ទិញ​កុំព្យូទ័រ​ទុក​ប្រើ​សម្រាប់​ការ​រៀនសូត្រ និង​ណែនាំ​ពី​ចំណុច​ខ្លះ​ដើម្បី​ជា​ទុន​។

តើ​ដើម្បី​ទិញ​បាន​កុំព្យូទ័រ Laptop ល្អ​មួយ​គ្រឿង ចាំបាច់​ត្រូវ​មាន​លុយ ៥០០ ដុល្លារ​សិន​មែន​ទេ? ដើម្បី​ជៀសវាង​ការ​ទិញ​កុំព្យូទ័រ ឡេ​ប​ថប ទាំង​ស្រពិចស្រពិល ហើយ​មាន​តម្លៃ​ថ្លៃ​ហួសប្រមាណ បើ​ធៀប​និង​តម្រូវការ​ប្រចាំ​ថ្ងៃ​របស់​ប្រិ​យ​មិត្ត លោក ម៉ៅ មក​រា ជា Web Developer នៅ​មជ្ឈមណ្ឌល​សហប្រតិបត្តិការ​កម្ពុជា​-​កូរ៉េ បាន​រៀបរាប់​ប្រាប់​ពី​របៀប​សម្រេចចិត្ត​មុន​និង​ទិញ​កុំព្យូទ័រ​។

១) ទំហំ​អេ​ក្រង់

ការ​ជ្រើសរើស​ទំហំ​អេ​ក្រង់​ពិតជា​សំខាន់​ណាស់ សម្រាប់​យើង​ពិចារណា​មុន​និង​ទិញ​កុំព្យូទ័រ ឡេ​ប​ថប ម៉ាក​ណាមួយ​យក​មក​ប្រើប្រាស់ ព្រោះ​វា​មិន​ត្រឹមតែ​ជួយ​សម្រួល​ដល់​ការ​ទុកដាក់​នោះ​ទេ ថែម​ទាំង​អាច​កាត់​បន្ថយ​ការ​ចំណាយ​បាន​មួយ​ផ្នែក​ធំ​ដែរ​។ ឧទាហរណ៍​: បើ​ទិញ​តូច​ពេក វា​អាច​និង​ពិបាក​ប្រើ ពិបាក​វាយ​អត្ថបទ ពិបាក​មើល ឈឺភ្នែក​ពេល​សម្លឹង​យូរ តែបើ​ទិញ​ធំ​ពេក វា​ពិបាក​យក​តាម​ខ្លួន មាន​ទម្ងន់​ធ្ងន់ យក​ល្អ​គួរ​រើស​យក​ទំហំ​អេ​ក្រង់​ចាប់ ពី ១១ អ៊ី​ញ​ឡើង​ទៅ​។

បញ្ជាក់​៖​ប្រិ​យ​មិត្ត​ដែល​និយម​ប្រើ​សម្រាប់​យក​តាម​ខ្លួន​ដើម្បី​ស្វ័​យ​សិក្សា ឬ​មានការ​ណាត់ជួប​នៅ​ខាងក្រៅ គួរតែ​ពិចារណា​យក​ទំហំ​ត្រឹម ១១ ទៅ ១៣ អ៊ី​ញ​។ ចំពោះ​ប្រិ​យ​មិត្ត​ដែល​មាន​កុំព្យូទ័រ​តែ​មួយ សម្រាប់​ប្រើ​ទាំង​នៅផ្ទះ និង​យក​តាម​ខ្លួន គួរ​រើស​យក​ទំហំ​ត្រឹម ១៤ អ៊ី​ញ​ដែល​សាក​សម​បំផុត​។ ចំណែក​ប្រិ​យ​មិត្ត​ដែល​និយម​ប្រើ​នៅ​កន្លែងធ្វើការ​គួរតែ​ពិចារណា​យក​ទំហំ​ត្រឹម ១៥ ទៅ ១៦ អ៊ី​ញ​។ ទំហំ​អេ​ក្រង់​ដែល​ខុស​គ្នា​ត្រឹម ១ ទៅ ២​អ៊ី​ញ អាច​មាន​តម្លៃ​ខុស​គ្នា​និង​អត្ថប្រយោជន៍​ផ្សេង​គ្នា​។

២) ចំនួន Ports

កុំព្យូទ័រ​ដែល​មាន​តម្លៃ​ថ្លៃ​ក៏​មិន​ប្រាកដ​ថា​មាន​រន្ធ​សម្រាប់​ដោត USB រន្ធ​កាស រន្ធ​ជញ្ជាំង Slide បាន​គ្រប់​ចំនួន​នោះ​ដែរ ទាល់តែ​ទិញ​ថែម នេះ​ជា​ចំណុច​មួយ​ដែល​ប្រិ​យ​មិត្ត​ត្រូវ​ពិចារណា ។

ជា​ទូទៅ កុំព្យូទ័រ​ដែល​មាន​ទំហំ​អេ​ក្រង់ ១៥ ទៅ ១៦ អ៊ី​ញ មាន Port USB ចំនួន​បី​គឺ Port Video Output , Ports Headphone និង Microphone និង​Port Ethernet សម្រាប់​ភ្ជាប់​ខ្សែ LAN ប្រើប្រាស់ Network ឬ អ៊ីនធឺណិត​។ ប្រ​សិន​ប្រិ​យ​មិត្ត​ទិញ​កុំព្យូទ័រ​ដែល​មាន​ទំហំ​តូច​ពេក ឬ​ស្ដើង​ពេក អាច​និង​បាត់ Ports សំខាន់​ៗ មួយ​ចំនួន​។

៣) ប្រព័ន្ធ​ប្រតិបត្តិការ

ចំណុច​ដែល​សំខាន់​របស់​ដំណើរការ​កុំព្យូទ័រ​គឺ ប្រព័ន្ធ​ប្រតិបត្តិការ​។ បើ​រើស​យក​ប្រព័ន្ធ​ប្រតិបត្តិការ​ដែល​មិនសូវ​ពេញ​និយម ពេល​មាន​បញ្ហា​ណាមួយ​ពិបាក​រក​អ្នក​ដោះស្រាយ​ណាស់ ដូច​ជា ប្រព័ន្ធ​ប្រតិបត្តិការ Ubuntu, Linux ជាដើម​។

ចំណែក​ប្រព័ន្ធ​ប្រតិបត្តិការ Mac OSX របស់​ក្រុមហ៊ុន Apple មាន​កម្រិត​ភាព​ច្បាស់​ល្អ ការ​កាន់​ថ្ម​បាន​យូរ និង​គ្មាន​មេរោគ​ណា​អាច​ចូល​បាន ប្រសិនបើ​អ្នកធ្វើការ​ងារ​នៅ​ការិយាល័យ ដែល​មាន​ឯកសារ​ច្រើន​ត្រូវ​រក្សា​ទុក​ច្រើន ដែល​មិនសូវ​បារម្ភ​ពី​ការ​យាយី ពី​មេរោគ​រំខាន​កុំព្យូទ័រ (​ក្រៅពី​មេរោគ​នៅ​មាន Spam និង Malware ទៀត​ដែល​អាច​ឆ្លង​បាន​) ជា​ពិសេស​អ្នក​ដែល​ជា​អ្នក​រចនា ដែល​តម្រូវការ​ផ្នែក VGA ខ្ពស់ និង​មិន​ងាយ​គាំង​។ រីឯ​ប្រព័ន្ធ​ប្រតិបត្តិការ Window របស់​ក្រុមហ៊ុន Microsoft មានការ​ពេញ​និយម​សម្រាប់​សិស្ស និស្សិត អ្នក​បង្កើត​កម្មវិធី​កុំព្យូទ័រ ឬ អ្នក​បង្កើត​ប្រព័ន្ធ​គ្រប់គ្រង​ហាង​នានា ដោយ​មានកម្ម​វិធី​សំបូរ​បែប និង​តម្លៃ​ក៏​សមរម្យ​ជាង​ប្រតិបត្តិការ Mac OSX ដែរ​។

៤) សមត្ថភាព កុំព្យូទ័រ

ចំណុច​នេះ​សំដៅ​ដល់ ប្រសិទ្ធភាព​នៃ​ដំណើរការ​ផ្នែក​ខាងក្នុង​របស់​កុំព្យូទ័រ​ដូច​ជា RAM(Random Access Memory) CPU(Central Processing Unit) HDD(Hard Disk Drive) Network Card, VGA(Video Graphics Array)​ជាដើម ដែល​មាន​ភ្ជាប់​ជាមួយ​កុំព្យូទ័រ ហើយ​បើ​វា​ជា​ជំនាន់​ចុង​ក្រោយ​ទៀត នោះ​តម្លៃ​របស់​កុំព្យូទ័រ​កាន់តែ​ថ្លៃ​ថែម​ទៀត ជម្រើស​ដែល​ល្អ​គឺ យក​ត្រឹម​អ្វី​ដែល​ជា​តម្រូវការ​របស់​យើង​។
ឧទាហរណ៍​: យើង​ចង់បាន​កុំព្យូទ័រ​ដែល​អាច​ដាក់​កម្មវិធី​បាន​ច្រើន ហើយ​មិន​ដើរ​យឺត ចឹ​ង​យើង​យក CPU ជំនាន់​ចុង​ក្រោយ​ដូច​ជា Core i7 និង​HDD ត្រឹម​500GB​ឬ 1TB​ជាដើម​។

លោក​បាន​បន្ថែម​ថា ប្រសិនបើ​មិន​ចង់​ស្ដាយក្រោយ យើង​គួរ​ចំណាយពេល​ស្វែង​យល់​ពី​បច្ចេកវិទ្យា ឬ សមាសភាព​របស់​កុំព្យូទ័រ តាម​ហាង​លក់​កុំព្យូទ័រ​នានា នៅ​លើ​អន​ឡាញ ឬ​ហ្វេ​ក​បុក និង​ប្រៀបធៀប​តម្រូវការ​ដែល​យើង​ចង់បាន​ជាមួយ​សមត្ថភាព​កុំព្យូទ័រ ព្រោះ​យ៉ាង​ហោច​ណាស់​កុំព្យូទ័រ​មួយ​គ្រឿង ក៏​អាច​ប្រើ​បាន​រហូត​ដល់ ៣ ទៅ​៤​ឆ្នាំ​ដែរ មិនមែន​ទិញ​កុំព្យូទ័រ​ដែល​ស្ទើរ​តម្រូវការ មាន​តម្លៃ​ថោក និង​ប្រើ​បាន​ត្រឹម​រយះ​ពេល​ខ្លី​នោះ​ទេ​។ ដូចនេះ យើង​និង​មិន​មាន​អារម្មណ៍​ស្ដាយក្រោយ​ពេល​ទិញ​កុំព្យូទ័រ​ទៀត​នោះ​ទេ ព្រោះ​យើង​បាន​ពិចារណា​ល្អិតល្អន់​ហើយ​។

ក្រៅពី​ចំណុច​ខាងលើ​នេះ ប្រិ​យ​មិត្ត​មានគំនិត​ឬ​មតិយោបល់​យ៉ាងណា​ដែរ?