អាហារក៏ជះឥទ្ធិពលលើសុខភាពស្បែកគួរឱ្យកត់សម្គាល់ផងដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើផ្លែឈើអ្វីខ្លះជួយឱ្យស្បែកស្រស់ថ្លាស្អាតបែបធម្មជាតិ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផ្លែឈើទាងនោះ ៖
១. ប៊្លូបឺរី
មានផ្ទុកសម្បូរទៅដោយសារធាតុប្រឆាំងអុកស៊ីតកម្ម ជាតិសសៃ វីតាមីន A និងវីតាមីន C ដែលល្អណាស់សម្រាប់សុខភាពស្បែក។
២. ផ្លែប៉ោម
ផ្លែប៉ោមមានផ្ទុកកូឡាជែនខ្ពស់ដែលជម្រុញដល់ការបត់បែននៃស្បែក។
៣. ផ្លែឈើប្រភេទ Citrus
រួមមានផ្លែក្រូច ទំពាំងបាយជូរ ក្រូចឆ្មារជាដើមមានផ្ទុកសម្បូរទៅដោយវីតាមីន C។ វីតាមីននេះជាសារធាតុប្រឆាំងអុកស៊ីតកម្មខ្លាំងក្លាបំផុតមួយដែលមិនត្រឹមតែជួយពង្រឹងប្រព័ន្ធភាពស៊ាំរាងកាយប៉ុណ្ណោះទេ ប៉ុន្តែក៏ចាំបាច់សម្រាប់សុខភាពស្បែកផងដែរ។ សម្រាប់អ្នកដែលចង់ឱ្យស្បែកសស្រស់ស្អាតជាងមុនកុំភ្លេចរួមបញ្ចូលផ្លែឈើប្រភេទ Citrus ក្នុងរបបអាហារប្រចាំថ្ងៃ។
៤. ឪឡឹក
មានផ្ទុកជាតិទឹកខ្ពស់ដល់ទៅ ៩០ភាគរយ ដូច្នេះការទទួលទានផ្លែឈើនេះនឹងជួយផ្ដល់សំណើមឱ្យស្បែកពីខាងក្នុងមកក្រៅ។
៥. ចេក
ជាប្រភពដ៏ប្រសើរនៃជាតិប៉ូតាស្យូមដែលចាំបច់ក្នុងការរក្សាតុល្យភាពនៃសំណើមរបស់ស្បែក។ ស្បែកស្ងួតខ្លាំងអាចជាអាការៈទូទៅបំផុតមួយនៃកង្វះជាតិប៉ូតាស្យូមក្នុងរាងកាយ។
៦. ម្នាស់
មានផ្ទុកអង់ស៊ីមម្យ៉ាងហៅថា bromelain ដែលប្រឆាំងការរលាកក្នុងស្បែកនិងការហើម។
៧. ស្ត្របឺរី
ជាប្រភពដ៏ល្អនៃអាស៊ីត ellagic ដែលជួយការពារស្បែកប្រឆាំងនឹងកម្ដៅថ្ងៃនិងស្នាមជ្រីវជ្រួញ។
៨. ល្ហុង
មានផ្ទុកសម្បូរទៅដោយវីតាមីន A និងអង់ស៊ីម papain ដែលជួយបំបែកប្រូតេអ៊ីនអសកម្មនិងកម្ចាត់រាល់កោសិកាស្បែកងាប់ៗ។
៩. ទទឹម
ផ្លែឈើនេះមានផ្ទុកសមាសធាតុដែលប្រឆាំងដំណើរការនៃភាពចាស់តាមវ័យនៃស្បែក ហើយរំញោចការបង្កើតកោសិកាស្បែកសុខភាពល្អឡើងវិញ។
១០. ឈើរី
មានផ្ទុកសម្បូរទៅដោយសារធាតុប្រឆាំងអុកស៊ីតកម្មច្រើនជាងផ្លែឈើផ្សេងៗទៀតដែលជួយដល់ការកម្ចាត់រ៉ាឌីកាល់សេរីនិងពន្យឺតដំណើរការនៃភាពចាស់តាមវ័យ៕