ខាងក្រោមនេះ health.com.khនឹងបង្ហាញអ្នកពីប្រភេទនៃបុរសដែលនារីគួរតែយកធ្វើជាសង្សារ ឬគូអនាគត។ តើមានអ្វីខ្លះទៅ?

  1. បុរសដែលអាចកំដរអ្នក ហើយស្រឡាញ់ថ្នាក់ថ្នមអ្នក ដោយមិនដែលទុកអ្នកចោលពេលដែលអ្នកមិនសប្បាយចិត្ត​។ ជាពិសេស គេនឹងអាចជួយអ្នកគ្រប់យ៉ាងពេលដែលអ្នកត្រូវការ។
  2. នៅពេលដែលមនុស្សប្រុសម្នាក់ព្រមផ្ញើសារមកអ្នកមុន ព្រមទូរស័ព្ទមកអ្នកមុន ដោយមិនចាំតែអ្នកទៅរកគេមុន នោះអ្នកគួរតែសាកល្បងដើរជាមួយគេ ព្រោះក្នុងស្នេហា មានតែបុរសដែលលះបង់ច្រើនជាងមនុស្សស្រី។ បើនារីលះបង់ច្រើនជាង នោះនឹងអាចធ្វើឲ្យបុរសមើលមិនចូលភ្នែកឡើយ។
  3. ប្រសិនជាអ្នកនៅជាមួយនឹងបុរសម្នាក់ ហើយមានអារម្មណ៍ថាមានសុភមង្គល អ្នកអាចបន្តនៅជាមួយគេបាន។ ប៉ុន្តែបើអ្នកនៅជាមួយគេ ហើយបែរជាមានអារម្មណ៍ថា ឯកកោរ អ្នកមិនស័ក្តិសមនៅជាមួយគេឡើយ។
  4. នៅពេលដែលគេលះបង់ដោយប្រើកាយវិកា ដោយមិនប្រើតែមាត់ នោះអ្នកអាចរស់នៅជាមួយគេ។ ប៉ុន្តែបើគេបានតែមាត់ ហើយអ្នកមើលមិនឃើញលទ្ធផល អ្នកមិនគួរនៅជាមួយគេឡើយ។
  5. បុរសម្នាក់ដែលហ៊ានឲ្យអ្នកដឹងពីអាថ៌កំបាំងរបស់គេ អ្នកអាចយកគេធ្វើជាសង្សារបាន។ ប៉ុន្តែបើគេមានរឿងលាក់នឹងអ្នកច្រើន អ្នកមិនគួរនៅជាមួយគេឡើយ។
  6. បុរសដែលមិនមានលុយច្រើន ប៉ុន្តែបែរដាច់ចិត្តឲ្យអ្នកចាយលុយគេ នោះគេជាមនុស្សប្រុសដែលស្រឡាញ់អ្នកខ្លាំង។ ដូចនេះ អ្នកអាចដើរជាមួយគេបាន។ មនុស្សប្រុសដែលមានចរិតទាំងនេះ អ្នកគួរតែធ្វើជាសង្សារគេបាន ហើយចាំសង្កេតបន្តដើម្បីយកធ្វើជាស្វាមី៕