មូលហេតុចំបងនៃការកើតមុនពេលអ្នកមានផ្ទៃពោះគឺការកើនឡើងកម្រិតអរម៉ូនក្នុងត្រីមាសទី ១ ។ កម្រិតខ្ពស់ជម្រុញការផលិតប្រេងធម្មជាតិស្បែករបស់អ្នក។ វាពិបាកក្នុងការទស្សន៍ទាយថា តើអ្នកណានឹងកើតមុននៅពេលមានផ្ទៃពោះ។
អ្នកមានហានិភ័យខ្ពស់បើអ្នកមានប្រវត្តិកើតមុន ឬមានអាការៈរលាកមុនពេលចាប់ផ្តើមវដ្តរដូវ។ ប្រសិនបើអ្នកមិនកើតមុននៅត្រីមាសទី ១ ទេ អ្នកនឹងមិនមានបញ្ហាមុនទេនៅអំឡុងត្រីមាសទី ២ ឬទី ៣ ។
កើតមុនពេលមានផ្ទៃពោះ គឺជាស្ថានភាពធម្មជាតិ។ ជាធម្មតាវានឹងបាត់ទៅវិញនៅពេលកម្រិតអរម៉ូនរបស់អ្នកត្រឡប់មកធម្មតាវិញ។ អ្វីដែលមានសុវត្ថិភាពបំផុត គឺត្រូវចៀសវាងការប្រើថ្នាំព្យាបាលមុន ឬការព្យាបាលដោយប្រើជាតិគីមីហួសកំរិត។ ប៉ុន្តែមុនពេលចាប់ផ្តើមការព្យាបាលមុននៅពេលអ្នកមានផ្ទៃពោះ ឬគ្រោងនឹងមានផ្ទៃពោះសូមពិគ្រោះជាមួយគ្រូពេទ្យ អំពីអ្វីដែលល្អបំផុត និងមានសុវត្ថិភាពបំផុតសម្រាប់អ្នក៕
