មើល​ទម្រង់​កំប៉េះគូទ អាច​ដឹង​ពី​និស្ស័យ​របស់​មនុស្ស​ម្នាក់​ៗ ។

១. កំប៉េះគូទ​មូល
បើ​តាម​ចាស់​បុរាណ អ្នក​ដែល​មាន​កំប៉េះ​គូ​តរាង​មូល​ច្រើន​តែ​ជា​មនុស្ស​ដែល​មាន​អារម្មណ៍ល្អ មើល​ពិភពលោក​ក្នុង​ផ្លូវ​ល្អ ចូល​ចិត្ត​លេងសើច​សប្បាយ មិន​ងាយ​ចាស់ និង តែង​មាន​អាយុ​យឺនយូរ ។
២. កំប៉េះគូទ​ត្រីកោណ (​គូទ​ដូង​)
អ្នក​ដែល​មាន​កំប៉េះ​គូ​តរាង​ត្រីកោណ ច្រើន​ជា​មនុស្ស​ចិត្ត​ស្រាល គិត​ច្រើន ឆាប់​ប៉ះទង្គិច​អារម្មណ៍ ដូច្នេះ​បើ​នរណា​សេពគប់​ជាមួយ​ត្រូវ​មានចិត្ត​ធ្ងន់​បន្តិច ទើប​អាច​រក្សា​មិត្តភាព​បាន​យូរ​។
៣. កំប៉េះគូទ​រាង​កា​រ៉េ
ស្ត្រី ឬ បុរស​ដែល​មាន​កំប៉េះគូទ​រាង​កា​រ៉េ ទោះជា​ស្មើគ្នា ឬ មិន​ស្មើគ្នា​ក៏​ដោយ ច្រើន​ជា​មនុស្ស​មានចិត្ត​ត្រជាក់ មិនសូវ​កើត​មានរឿង​ជាមួយ​អ្នក​ដទៃ​ឡើយ​។
៤. កំប៉េះគូទ​ស្រួច
អ្នក​ដែល​មាន​កំប៉េះគូទ​រាង​ស្រួច ជា​មនុស្ស​ងាយ​តប់ប្រមល់ ង​ង៉ក់​ច្រើន មិនសូវ​មាន​ហេតុផល និង ងាយ​កើត​ជម្លោះ​ជាមួយ​អ្នក​ដទៃ​ខ្លាំង​ណាស់ ។
៥. កំប៉េះគូទ​ង
អ្នក​ដែល​មាន​កំប៉េះគូទ​ង​លយ​ទៅ​ក្រោយ ជា​មនុស្ស​មាន​មន្ត​ស្នេហ៍ ពិសេស​បើ​ស្ត្រី​តែង​ធ្វើ​ឲ្យ​ប្រុស​ៗ​ចូល​ចិត្ត​តាម​មើល​រូបរាង ។ ចំពោះ​និស្ស័យ​របស់​មនុស្ស​នេះ​វិញ ច្រើន​តែ​ជា​មនុស្ស ស្រឡាញ់​ភាព​ស្រស់​ស្អាត និង ស្រឡាញ់​ភាព​ក្រអូប​ផង​ដែរ​។
៦. កំប៉េះគូទ​រាង​ដូច​សួត
អ្នក​ដែល​មាន​កំប៉េះគូទ​ទម្រង់​នេះ បើជា​បុរស​គឺជា​កំពូល​ទាហាន​ដ៏​ក្លាហាន និង បើជា​ស្ត្រី​ក៏​ជា​ទាហាន​ដែល​ខ្លាំងក្លា មិនសូវ​ខ្លាច​នរណា​ដែរ ។ ចំពោះ​និស្ស័យ​របស់​មនុស្ស​នេះ​វិញ តែង​មាន​ភាព​អត់ធ្មត់ ។
៧. កំប៉េះគូទ​មាន​ចង្វែក​ឃ្លាត​ពី​គ្នា
អ្នក​ដែល​មាន​ចង្វែកគូទ​ឃ្លាត​ពី​គ្នា ច្រើន​ជា​មនុស្ស​អភ័ព្វ ប្រសិនបើ​មាន​សេចក្តី​ស្នេហា​តែងតែ​ងាយ​ស្រឡាញ់ ហើយ​ក៏ ងាយ​នឿយណាយ​ទៅ​វិញ​ដែរ ។
៨. កំប៉េះគូទ​សំប៉ែត
អ្នក​ដែល​មាន​កំប៉េះគូទ​សំប៉ែត​ស្ទើរ​រាប​ដល់​ត្រគាក​នោះ ជា មនុស្ស​មាន​ល្បិច​កល ចូល​ចិត្ត​លេងល្បែង​ស៊ីសង និង ចូល​ចិត្ត​ផ្សងព្រេង ។ មនុស្ស​នេះ​គេ​អាច​សេពគប់​បាន ប៉ុន្តែ​ត្រូវ​ចេះ​អត់ធ្មត់ និង ចេះ​អធ្យាស្រ័យ​ឲ្យ​គ្នា ។
៩. កំប៉េះគូទ​រីកសាយ
ស្ត្រី ឬ បុរស​ដែល​មាន​កំប៉េះគូទ​រីកសាយ ច្រើន​ជា​មនុស្ស​ចេះ​អធ្យាស្រ័យ និង មានចិត្ត​អាណិត​អ្នក​ដទៃ ៕