ថ្នាំគ្រាប់នេះមានសុវត្ថិភាពសម្រាប់ស្ត្រីភាគច្រើនប្រើ។ ទោះយ៉ាងណាក៏ដោយការស្រាវជ្រាវ បានផ្សារភ្ជាប់ការប្រើប្រាស់របស់វាជាមួយហានិភ័យជាក់លាក់។ ដូច្នេះ មុនពេលប្រើថ្នាំពន្យារកំណើត វាចាំបាច់ត្រូវពិភាក្សាពីកត្តាហានិភ័យបុគ្គល ជាមួយអ្នកផ្តល់សេវាថែទាំសុខភាព។
ការប្រើថ្នាំពន្យារកំណើត អាចបង្កើនហានិភ័យនៃការកកឈាម និងជំងឺលើសឈាមរបស់មនុស្ស។ នេះ អាចបណ្តាលឱ្យគាំងបេះដូង ឬដាច់សរសៃឈាមខួរក្បាល។ ប្រសិនបើកំណកឈាមចូលក្នុងសួត វាអាចបណ្តាលឱ្យខូចខាតធ្ងន់ធ្ងរ ឬស្លាប់។ ផលប៉ះពាល់ទាំងនេះ គឺធ្ងន់ធ្ងរប៉ុន្តែកម្រណាស់។
ការស្រាវជ្រាវខ្លះ បានបង្ហាញថាការពន្យាកំណើត បង្កើនហានិភ័យនៃទម្រង់មួយចំនួន នៃជំងឺមហារីក និងបន្ថយហានិភ័យផ្សេងទៀត។
ថ្នាំគ្រាប់អាចនឹងមិនមានសុវត្ថិភាពសម្រាប់អ្នកដែល៖
.មានជំងឺលើសឈាមដែលមិនបានព្យាបាល
.ជក់បារី ហើយមានអាយុលើសពី ៣៥ ឆ្នាំ
.មានប្រវត្តិជំងឺបេះដូង
.មានជំងឺឈឺក្បាលបែបប្រកាំង
.មានប្រវត្តិមហារីកសុដន់ ឬមហារីកស្បូន ។
គួរទៅជួបគ្រូពេទ្យ ប្រសិនបើរោគសញ្ញាដូចខាងក្រោមកើតឡើង ព្រោះរោគសញ្ញាទាំងនេះអាចបង្ហាញពីការព្រួយបារម្ភសុខភាពធ្ងន់ធ្ងរ៖
.ឈឺពោះធ្ងន់ធ្ងរ
.ឈឺទ្រូង ដង្ហើមខ្លី ឬទាំងពីរ
.ឈឺក្បាលធ្ងន់ធ្ងរ
.បញ្ហាភ្នែកដូចជាមើលឃើញព្រិលៗ ឬមើលមិនឃើញតែម្តង
.ហើម ឬឈឺជើង និងភ្លៅ៕