១.ប្រភពដើមកូវីដ-១៩
ជំនឿ៖ កូវីដ-១៩ ត្រូវបានបង្កើតឡើងនៅក្នុងមន្ទីរពិសោធន៍។
ការពិត៖ អ្នកវិទ្យាសាស្ត្រនៅតែសំឡឹងមើលប្រភពដើមនៃកូវីដ-១៩ ប៉ុន្តែពួកគេដឹងថាវាមិនទំនងដែលមាននរណាម្នាក់ធ្វើវានៅក្នុងបន្ទប់ពិសោធន៍ឡើយ។ ផ្អែកលើការសិក្សាអំពីមេរោគឆ្លងផ្សេងទៀត ពួកគេគិតថាវីរុសនេះ ប្រហែលជាបានចាប់ផ្តើមនៅក្នុងសត្វប្រចៀវ ហើយចំលងទៅមនុស្ស។
២.សុវត្ថិភាពវ៉ាក់សាំងកូវីដ-១៩
ជំនឿ៖ វ៉ាក់សាំងកូវីដ-១៩ មិនមានសុវត្ថិភាពទេ ពីព្រោះក្រុមហ៊ុនថ្នាំ បានបង្កើតវាយ៉ាងឆាប់រហ័ស។
ការពិត៖ ដោយសារយើងស្ថិតក្នុងការរីករាលដាលនៃជំងឺរាតត្បាតទូទាំងពិភពលោក ក្រុមហ៊ុនថ្នាំបានចំណាយពេលវេលា និងថវិកាយ៉ាងច្រើនក្នុងការធ្វើវ៉ាក់សាំងការពារកូវីដ-១៩ ។ ប៉ុន្តែ នេះមិនមែនមានន័យថាពួកគេគ្មានសុវត្ថិភាពទេ។ វ៉ាក់សាំងទាំងអស់ឆ្លងកាត់ការសិក្សាយ៉ាងតឹងរឹង ដើម្បីធានាថាវាមានសុវត្ថិភាពហើយនឹងមានប្រសិទ្ធិភាព។ រដ្ឋបាលចំណីអាហារ និងឱសថដែលធ្វើនិយ័តកម្មវ៉ាក់សាំង ក៏ត្រូវអនុម័តលើពួកគេដែរ។
៣.ជម្ងឺពាក់ព័ន្ធវ៉ាក់សាំងកូវីដ-១៩
ជំនឿ៖ វ៉ាក់សាំងទាំងនេះនឹងធ្វើអោយខ្ញុំឈឺកូវីដ-១៩ ។
ការពិត៖ គ្មានវ៉ាក់សាំងការពារកូវីដ-១៩ ដែលត្រូវបានអនុម័ត ដែលកំពុងអភិវឌ្ឍនាពេលបច្ចុប្បន្ននេះមានវីរុសដែលបណ្តាលឱ្យមានកូវីដ-១៩។ ចំណុចសំខាន់ៈវ៉ាក់សាំង កូវីដ-១៩ មិនអាចធ្វើអោយអ្នកឈឺដោយជំងឺនេះបានទេ។
៤.វ៉ាក់សាំងកូវីដ-១៩ និងការមានផ្ទៃពោះ
ជំនឿ៖ ខ្ញុំមិនអាចមានផ្ទៃពោះ ឬមានផ្ទៃពោះដែលគង់វង្សបានទេ ប្រសិនបើខ្ញុំប្រើវ៉ាក់សាំងការពារកូវីដ-១៩។
ការពិត៖ ជំនឿនេះបានកើតឡើងនៅលើប្រព័ន្ធផ្សព្វផ្សាយសង្គម។ វាបានអះអាងថាអង្គបដិប្រាណដែលផលិតចេញពីវ៉ាក់សាំងការពារកូវីដ-១៩ នឹងភ្ជាប់ទៅនឹងប្រូតេអ៊ីននៅក្នុងសុក (សរីរាង្គដែលផ្តល់អាហារទារក និងអុកស៊ីសែនដែលមិនទាន់កើត) និងបញ្ឈប់ការមានផ្ទៃពោះ។ ការសិក្សាវិទ្យាសាស្ត្រមិនគាំទ្រគំនិតនេះទេ ហើយមិនមានភស្ដុតាងណា ដែលភ្ជាប់ការការពារកូវីដ-១៩ ទៅនឹងភាពគ្មានកូនឡើយ។
៥.អាហារបំប៉ន
ជំនឿ៖ អាហារបំប៉នវីតាមីន និងជាតិរ៉ែ អាចព្យាបាលជំងឺ កូវីដ-១៩ ។
ការពិត៖ វីតាមីន D និង C និងស័ង្កសីរ៉ែ ពិតជាអាចជួយបង្កើនប្រព័ន្ធភាពស៊ាំរបស់អ្នក និងការពារប្រឆាំងនឹងមេរោគ។ នេះជាការពិតសម្រាប់មនុស្សដែលខ្វះអាហារបំប៉នទាំងនេះ។ ប៉ុន្តែ មិនមានភ័ស្តុតាងណាមួយដែលបញ្ជាក់ថាពួកគេអាចធ្វើឱ្យសះស្បើយ រឺព្យាបាលកូវីដ-១៩ ទេ ប្រសិនបើអ្នកមានជំងឺនេះរួចហើយ។
៦.ផឹកទឹកក្តៅ
ជំនឿ៖ ការផឹកទឹកក្តៅលាងមេរោគវីរុសកូវីដ-១៩ ចេញពីបំពង់ករបស់ខ្ញុំ។
ការពិត៖ ខណៈពេលដែលទឹកមានសារៈសំខាន់សម្រាប់សុខភាពទូទៅ អ្នកវិទ្យាសាស្ត្រមិនគាំទ្រគំនិតដែលថាការផឹកទឹកក្តៅការពារអ្នកពីកូវីដ-១៩ ឡើយ។ រឿងតែមួយគត់ ដែលវាអាចធ្វើបាន គឺធ្វើឱ្យបំពង់ករបស់អ្នកធូរស្បើយ និងបំបាត់ការក្អក ប្រសិនបើអ្នកឈឺរួចហើយ។ ជំនួសឱ្យការផឹកទឹកក្តៅ សូមលាងដៃរបស់អ្នកជាមួយវា។
៧.ងូតទឹកក្តៅ
ជំនឿ៖ ការងូតទឹកក្តៅអាចបញ្ឈប់កូវីដ-១៩។
ការពិត៖ គំនិតនៅពីក្រោយជំនឿនេះ គឺអាចសម្លាប់មេរោគឆ្លងជាបណ្តោះអាសន្នបានខ្ពស់។ ប៉ុន្តែការងូតទឹកដែលក្តៅពេក អាចធ្វើអោយស្បែកអ្នករលាក។ វិធីល្អបំផុត ដើម្បីលុបចោលកូវីដ-១៩ គឺត្រូវលាងដៃរបស់អ្នកជាមួយសាប៊ូ និងទឹកក្តៅ។ ការលាងសម្អាតកម្ចាត់មេរោគនៅលើដៃរបស់អ្នក ដែលអ្នកអាចផ្ទេរទៅភ្នែក ច្រមុះ និងមាត់របស់អ្នក។
៨.ការលាងជម្រះដោយសូលុយស្យុងអំបិល
ជំនឿ៖ ការលាងច្រមុះរបស់ខ្ញុំជាមួយនឹងទឹកអំបិល អាចបញ្ឈប់កូវីដ-១៩ ។
ការពិត៖ មិនមានភ័ស្តុតាងណាមួយ ដែលបញ្ជាក់ថា ការលាងច្រមុះជាមួយនឹងទឹកអំបិល ការពារអ្នកពីការឆ្លងកូវីដ-១៩ទេ។ ជំនឿនេះ អាចមកពីដំបូន្មានក្នុងការប្រើអំបិលក្នុងច្រមុះដើម្បីព្យាបាលជំងឺផ្តាសាយធម្មតា ប៉ុន្តែវាមិនអាចបញ្ឈប់ការឆ្លងបានទេ។
៩.ការផ្លាស់ប្តូរកូវីដ-១៩
ជំនឿ៖ វ៉ាក់សាំងកូវីដ-១៩ មិនមានប្រសិទ្ធភាពលើវីរុសប្រភេទថ្មីទេ។
ការពិត៖ វាជារឿងធម្មតាទេ ដែលវីរុសផ្លាស់ប្តូរតាមពេលវេលា។ អ្នកវិទ្យាសាស្ត្រ បានរកឃើញប្រភេទខ្សែជាច្រើននៃកូវីដ-១៩ នៅជុំវិញពិភពលោក រួមទាំងនៅសហរដ្ឋអាមេរិក អាហ្វ្រិកខាងត្បូង និងប្រេស៊ីល។ ពួកគេហាក់ដូចជារាលដាលកាន់តែងាយស្រួល ប៉ុន្តែឥឡូវនេះ មិនមានភស្តុតាងណាមួយដែលបង្ហាញថាពួកគេធ្វើឱ្យអ្នកឈឺ ឬបណ្តាលឱ្យមានអ្នកស្លាប់ច្រើននោះទេ។ អ្នកវិទ្យាសាស្ត្រនៅតែកំពុងសិក្សាប្រសិនបើវ៉ាក់សាំងការពារកូវីដ-១៩ មានប្រសិទ្ធភាពប្រឆាំងនឹងការផ្លាស់ប្តូរទាំងនេះ។
១០.ការលាប់កូវីដ-១៩
ជំនឿ៖ ខ្ញុំមានកូវីដ-១៩ ដូច្នេះខ្ញុំមានភាពស៊ាំហើយ។
ការពិត៖ អ្នកវិទ្យាសាស្ត្របានសិក្សាអំពីមេរោគស្រដៀងគ្នា ហើយនិយាយថា វាអាចទៅរួចក្នុងការឆ្លងកូវីដ-១៩ ច្រើនជាងមួយដង។ ពួកគេនៅតែរៀនបន្ថែមទៀតអំពីថា តើអ្នកទំនងជាឆ្លងជំងឺនេះម្តងទៀតញឹកញាប់ប៉ុណ្ណា ហើយតើអ្នកណាមានឱកាសខ្ពស់ក្នុងការឆ្លងជំងឺនេះម្តងទៀត។ ទោះបីជាអ្នកធ្លាប់មានកូវីដ-១៩ ក៏ដោយ អ្នកនៅតែត្រូវពាក់ម៉ាសនៅទីសាធារណៈជៀសឆ្ងាយពីហ្វូងមនុស្ស និងលាងដៃ។
១១.វ៉ាក់សាំងកូវីដ-១៩ និងអាឡែរហ្ស៊ី
ជំនឿ៖ ខ្ញុំមានអាឡែរហ្ស៊ី ដូច្នេះខ្ញុំមិនអាចទទួលបានវ៉ាក់សាំងការពារកូវីដ-១៩ ទេ។
ការពិត៖ ក្នុងករណីដ៏កម្រមនុស្សមួយចំនួនមានប្រតិកម្មអាឡែហ្ស៊ីធ្ងន់ធ្ងរ (ហៅថាប្រតិកម្ម anaphylaxis) ចំពោះវ៉ាក់សាំង កូវីដ-១៩ ។ ប្រសិនបើអ្នកមានប្រតិកម្មទៅនឹងគ្រឿងផ្សំណាមួយនៅក្នុងវ៉ាក់សាំង mRNA កូវីដ-១៩ សូមកុំទទួលការចាក់វ៉ាក់សាំង។ ប៉ុន្តែ ប្រសិនបើអ្នកមានអាឡែរហ្ស៊ីជាមួយសត្វ ចំណីអាហារ លំអង ឬប្រភេទអាឡែរហ្ស៊ី ផ្សេងទៀតអ្នកអាចចាក់វ៉ាក់សាំងបាន។
១២.ការប្រមូលផ្តុំទ្រង់ទ្រាយតូច
ជំនឿ៖ ការប្រមូលផ្តុំតូចៗមិនរីករាលដាលកូវីដ-១៩ ។
ការពិត៖ ការប្រមូលផ្តុំក្រុមធំ ដែលមានទំនាក់ទំនងជិតស្និទ្ធ កំពុងជំរុញឱ្យមានការរីករាលដាល ប៉ុន្តែការប្រមូលផ្តុំគ្នាតូចៗនៅតែជាប្រភព។ អ្នកបង្កើនឱកាសរបស់អ្នកក្នុងការឆ្លងកូវីដ-១៩ នៅពេលអ្នកប្រមូលផ្តុំជាមួយមនុស្សដែល:
.នៅខាងក្រៅគ្រួសាររបស់អ្នក
.មិនរក្សាគម្លាតសង្គម ឬពាក់ម៉ាស់
ចងចាំថាមនុស្សខ្លះ ដែលមានវីរុសមិនបង្ហាញរោគសញ្ញាទេ ប៉ុន្តែនៅតែអាចចម្លងវាទៅអ្នកដទៃ។
១៣.ការធ្វើតេស្តអវិជ្ជមានកូវីដ-១៩
ជំនឿ៖ ការធ្វើតេស្តិ៍អវិជ្ជមាននៃកូវីដ-១៩ មានន័យថាខ្ញុំមិនបានឆ្លងទេ។
ការពិត៖ ប្រសិនបើអ្នកធ្វើតេស្តអវិជ្ជមាន វាគ្រាន់តែមានន័យថាអ្នកទំនងជាមិនមានកូវីដ-១៩ នៅពេលដែលគំរូរបស់អ្នកត្រូវបានប្រមូល។ វានៅតែអាចធ្វើតេស្តវិជ្ជមាននៅពេលក្រោយ និងឈឺ។ ក្រុមអ្នកស្រាវជ្រាវ ក៏បានរកឃើញថាការធ្វើតេស្តខ្លះ បង្ហាញលទ្ធផលអវិជ្ជមានមិនពិត។ ទោះបីជាអ្នកធ្វើតេស្តិ៍អវិជ្ជមាន អ្នកនៅតែត្រូវការពារខ្លួនអ្នកពីវីរុស៕