១.ខ្ទឹមសអាចជួយកាត់បន្ថយសម្ពាធឈាម
ខ្ទឹមសរំញោចការសំយោគនីត្រាតអុកស៊ីដដែលធ្វើអោយសសៃឈាមរីក និងជួយទប់ស្កាត់សកម្មភាព ACE (angiotensin-converting enzyme)។ នេះអាចជួយដល់លំហូរ និងសម្ពាធឈាមដែលមានសុខភាពល្អ។
២.ខ្ទឹមសអាចជួយបំបាត់ការរលាក
អ្នកវិទ្យាសាស្ត្រជឿជាក់ថា ការរលាករ៉ាំរ៉ៃ គឺជាកត្តាជំរុញឱ្យមានជំងឺរ៉ាំរ៉ៃរួមមានជំងឺបេះដូង ទឹកនោមផ្អែម មហារីក និងជំងឺរលាកសន្លាក់។ ផ្ទុយទៅវិញខ្ទឹមសជួយទប់ស្កាត់សកម្មភាពរបស់ប្រូតេអ៊ីនរលាក។
៣.ខ្ទឹមសអាចជួយបញ្ចុះកូឡេស្តេរ៉ុល
សក្តានុពលមួយផ្សេងទៀតនៃខ្ទឹមសសម្រាប់បេះដូងគឺ ធ្វើអោយប្រសើរឡើងនូវកម្រិតកូឡេស្តេរ៉ុល។ ដោយរបៀបណា? ខ្ទឹមស អាចជួយកាត់បន្ថយការផលិតកូលេស្តេរ៉ុលដោយថ្លើម ។
៤.ខ្ទឹមសអាចគាំទ្រមុខងារភាពស៊ាំ
ដោយមានការចាប់អារម្មណ៍រួមសម្រាប់ការរៀនអំពីការថែរក្សាប្រព័ន្ធភាពស៊ាំរបស់យើងក្នុងកំឡុងពេលជំងឺរាតត្បាតកូវីដ១៩ នេះជាហេតុផលមួយក្នុងការបន្ថែមខ្ទឹមស ទៅក្នុងអាហារពេលល្ងាចរបស់អ្នក។ ខណៈពេលដែលមិនមានភ័ស្តុតាងគ្រប់គ្រាន់ក្នុងការលើកឡើងថាខ្ទឹមសនឹងការពារ ឬព្យាបាលជំងឺផ្តាសាយទូទៅ វាអាចដើរតួក្នុងយន្តការការពាររាងកាយរបស់អ្នកតាមមធ្យោបាយមួយចំនួន។
៥.ខ្ទឹមសអាចកាត់បន្ថយការកកឈាម
ខ្ទឹមសមួយបន្ថែមទៀតសម្រាប់សុខភាពបេះដូងរបស់អ្នក៖សមាសធាតុនៅក្នុងខ្ទឹមស (និងខ្ទឹមបារាំង) ត្រូវបានបង្ហាញថាកាត់បន្ថយ “ភាពស្អិតល្មួត” នៃផ្លាកែតរបស់យើង និងមានលក្ខណៈប្រឆាំងនឹងការកក។
៦.ខ្ទឹមផ្តល់នូវសារធាតុប្រឆាំងអុកស៊ីតកម្ម
សារធាតុចិញ្ចឹម និងសមាសធាតុរុក្ខជាតិរបស់ខ្ទឹមសផ្តល់ឱ្យវានូវ “សារធាតុប្រឆាំងអុកស៊ីតកម្មដ៏ខ្លាំង” ។ មិនត្រឹមតែសារធាតុប្រឆាំងអុកស៊ីតកម្មផ្តល់អត្ថប្រយោជន៍ដល់សរសៃឈាម និងបន្ថយការរលាកប៉ុណ្ណោះទេ តែវាអាចជួយបំផ្លាញរ៉ាឌីកាល់សេរី ដែលអាចនាំឱ្យមានជំងឺដូចជាមហារីកផងដែរ៕