ទោះបីជាមនុស្សជាច្រើនយល់ថាវិធីទាំងនេះមានប្រយោជន៍ក៏ដោយ ក៏មិនមានភស្តុតាងណាមួយបង្ហាញថា វាមានប្រសិទ្ធភាពសម្រាប់មនុស្សគ្រប់គ្នាដែរ។
ដូច្នេះ តើអ្នកអាចធ្វើអ្វីខ្លះ ដើម្បីបញ្ឈប់ ឫការពារ ការត្អើក? ខាងក្រោមនេះ ជាវិធីងាយៗខ្លះ ដែលអ្នកអាចសាកល្បងបាន៖
.ដកដង្ហើមចូលក្នុងថង់ក្រដាស (កុំដាក់វាលើក្បាលរបស់អ្នក)
.ទាញជង្គង់របស់អ្នកឡើងលើទ្រូងរបស់អ្នក ហើយផ្អៀងទៅមុខ
.ផឹកទឹកកក ឫ ទឹកត្រជាក់មួយជេបម្តងៗ
.លេបដុំស្ករតូចៗ
.ខាំក្រូចឆ្មា ឬ ក្រេបទឹកខ្មះ
.អត់ដង្ហើមរបស់អ្នកក្នុងរយៈពេលខ្លី ។
អ្វីដែលអ្នកមិនគួរធ្វើ៖
.កុំផឹកភេសជ្ជៈមានជាតិអាល់កុល ពពុះច្រើន ឬក្តៅ
.កុំទំពារស្ករកៅស៊ូ ឬ ជក់បារី – ទាំងនេះអាចបណ្តាលឱ្យខ្យល់ចូលក្នុងពោះអ្នក
.កុំបរិភោគអាហារហឹរ
.កុំបរិភោគអាហារលឿនពេក
.កុំបរិភោគ ឬផឹកអ្វីដែលត្រជាក់ខ្លាំង បន្ទាប់ពីអាហារក្តៅ ។
ហេតុអ្វីបានជាយើងត្អើក?
ជាញឹកញាប់មិនមានហេតុផលច្បាស់លាស់ ដែលធ្វើឱ្យអ្នកមានបញ្ហាត្អើកនោះទេ ប៉ុន្តែមនុស្សមួយចំនួនយល់ឃើញថា មានរឿងមួយចំនួនបង្កឱ្យត្អើកដូចជា៖
.ស្ត្រេស
.អារម្មណ៍ខ្លាំងដូចជារំភើប
.ការបរិភោគអាហារ និងផឹកភេសជ្ជៈមួយចំនួន។
ក្នុងករណីដ៏កម្រ ការត្អើក ដែលមានរយៈពេលយូរជាង ៤៨ម៉ោង អាចបណ្តាលមកពីស្ថានភាពសុខភាព ឬថ្នាំដែលអ្នកកំពុងប្រើ៕