Join with Health.com.kh on Telegram

​នាឡិកា​គឺជា​របស់​ដែល​មនុស្ស​គ្រប់គ្នា​មិន​អាច​ខាន​បាន ទោះបីជា​មាន​ទូរស័ព្ទ​ក៏ដោយ ក៏​មនុស្ស​មួយចំនួន​តែងតែ​ផ្ជួរ​នាឡិកា​ក្នុង​បន្ទប់ទទួ​ល​ភ្ញៀវ និង​បន្ទប់​គេង​ដែរ ប៉ុន្តែ​ការ​ផ្ជួរ​នេះ​ក៏​ត្រូវតែ​ផ្ជួ​រ​ឱ្យ​ត្រូវ​កន្លែង​ដែរ ទើប​វា​មិន​ប៉ះពាល់​ដល់​សំណាង​របស់​អ្នក​។ ដូចនេះ​តើ​គួរតែ​ផ្ជួរ​នៅ​កន្លែង​ណាទៅ​?

មិន​ត្រូវ​ផ្ជួរ​នៅទល់​មុខគ្រែ​
អ្នក​មិន​ត្រូវ​យក​នាឡិកាផ្ជួរ​នៅទល់​មុខគ្រែ​របស់អ្នក​ឡើយ ព្រោះ​វា​អាច​ប៉ះពាល់​ដល់​ដំណេក​អ្នក​បាន ដោយសារ​តែ​វា​ងាយស្រួល​មើល ដូចនេះ​អ្នក​អាច​តែងតែ​បើកភ្នែក​មើល​នាឡិកា​នោះ ព្រោះ​ខ្លាច​គេង​ហួស​ម៉ោង ជា​ហេតុ​ដែល​អាច​ធ្វើឱ្យ​អ្នក​គេង​លក់​មិន​ស្រួល​ឡើយ ជាងនេះទៅទៀត វា​អាច​ប៉ះពាល់​ដល់​សំណាង​អ្នក​យ៉ាង​ងាយ​។​

មិន​ត្រូវ​ផ្ជួរ​ទល់​មុខទ្វារ​
នៅពេល​ដែល​ចង់​ដាក់​នាឡិកា​ក្នុង​បន្ទប់ អ្នក​មិន​ត្រូវ​ផ្ជួរ​ទល់មុខ​នឹង​ទ្វាររប​ស់​អ្នក​ឡើយ ព្រោះ​វា​អាច​ប៉ះពាល់​ដល់​អ្នក​បាន ដោយ​អាច​ធ្វើឱ្យ​អ្នក​មាន​សំណាង​មិនល្អ​។​

មិន​ត្រូវ​ឱ្យលឺ​សម្លេង​
នាឡិកា​នៅ​ក្នុង​បន្ទប់​របស់​អ្នក​មិន​ត្រូវ​ឱ្យលឺ​សម្លេង​នោះទេ ព្រោះ​វា​អាច​ធ្វើឱ្យ​អ្នក​មាន​ជំងឺ​គេង​មិន​លក់​ដោយសារ​តែ​សម្លេង​នៃ​នាឡិកា​នោះ ម្យ៉ាងទៀត​វា​អាច​នាំ​យក​សំណាង​ល្អ​របស់​អ្នក​ទៅ​អស់ ហើយ​នាំ​យក​តែ​សំណាងអាក្រក់​ឱ្យ​អ្នក​ទេ​។​

មិន​ត្រូវ​ប្រើ​នាឡិកា​ធំ​
នៅពេល​ដែល​អ្នកទិញ​នាឡិកា អ្នក​មិន​ត្រូវ​ទិញ​អា​ខ្នាត​ធំ​នោះទេ ព្រោះ​វា​អាច​ប៉ះពាល់​ដល់​សុខភាព​អ្នក ធ្វើឱ្យ​អ្នក​មាន​អារម្មណ៍​មិន​ស្ងប់ អង្គុយ​មិន​ស្ងៀម យូរ​ទៅនឹង​អាច​មាន​ជំងឺ​យ៉ាង​ងាយ​កថា​បាន ដូចនេះ​អ្នក​អាច​ប្រើ​លក្ខណៈ​តូច​បាន​៕