សមគឺជារបស់ដែលមនុស្សភាគច្រើនយកមកបរិភោគអាហារ ប៉ុន្តែតើអ្នកដឹងទេថាក្រៅពីអាចយកមកបរិភោគអាហារ តើវាអាចយកមកធ្វើអ្វីទៀតបាន? ខាងក្រោមនេះយើងខ្ញុំនឹងប្រាប់អ្នកពីអត្ថប្រយោជន៍របស់សមចំនួន៤ នោះអ្នកអាចយកមកអនុវត្តតាម។ តើមានអ្វីខ្លះទៅ?
វ៉ៃពងមាន់
អ្នកអាចយកសមមកវ៉ៃពងមាន់បាន នោះវានឹងលឿនជាងយកស្លាបព្រា ឬចង្កឹះ ដោយសារតែនៅចំកណ្តាលសមនីមួយៗមានគម្លាតពីគ្នា។
ងាយសង្កត់ឱ្យម៉ត់
នៅពេលដែលអ្នកចង់កិនអាហារផ្សេងៗឱ្យម៉ត់ អ្នកអាចយកសមមកកិនបាន ដោយមិនចាំបាច់ប្រើម៉ាស៊ីនកិនទេ វានឹងងាយស្រួលម៉ត់ដូចគ្នា ជាពិសេសអ្នកអាចយកវាមកកិនបបរឱ្យកូនបរិភោគក៏បានដែរ ដោយមិនចាំបាច់ប្រើស្លាបព្រានោះទេ។
ហែកមាន់
នៅពេលដែលអ្នកចង់ហែកសាច់មាន់ជាសរសៃៗ អ្នកអាចប្រើសមពីរមកហែកបាន ដោយមិនត្រូវប្រើដៃឡើយ ព្រោះវាគ្មានអនាម័យឡើយ វានឹងមានមេរោគជាច្រើនចូលទៅក្នុងសាច់មាន់នោះតាមរយៈដៃរបស់អ្នក នោះអ្នកនឹងអាចមានជំងឺផ្សេងៗបាន។
ចិតស្លឹកខ្ទឹមជាសរសៃ
នៅពេលដែលអ្នកចង់ចិតស្លឹកខ្ទឹមជាសរសៃ អ្នកអាចយកសមមកចិតបាន ដោយមិនចាំបាច់ប្រើកាំបិតដើម្បីចិតនោះទេ នោះវានឹងមានលក្ខណៈស្អាត ក្រោយពេលដែលអ្នកចិតរួច៕