គុណវិបត្តិតែងតែមានលើមនុស្សគ្រប់រូប មិនថាក្មេង ឬចាស់ ប៉ុន្តែបើកើតឡើងលើខ្លួនកូន អ្នកគួរតែរកវិធីដើម្បីកែតម្រូវឱ្យទៅជាគុណសម្បតិ្ត ព្រោះបើទុកវាយូរ វាអាចបំផ្លាញជីវិតកូនអ្នកបាន នោះអនាគតកូននឹងចប់ ដូចនេះទាន់នៅក្មេង អ្នកគួរតែកែតម្រូវឱ្យហើយ។ តើគួរតែធ្វើដូចម្តេចទៅ?
- អ្នកគួរតែរកពេលវេលាស័ក្តិសមដើម្បីនិយាយជាមួយកូន ឬបង្ហាញកូនពីគុណវិបត្តិរបស់គេ ដើម្បីអាចរកវិធីមកដោះស្រាយបាន។
- អ្នកត្រូវតែចែកឱ្យច្បាស់ថាតើវាជាគុណសម្បតិ្ត ឬជាចរឹតរបស់កូន។
- អ្នកត្រូវតែមានចិត្តអំណត់ក្នុងការកែប្រែកូន ដោយជឿជាក់ថាគុណវិបត្តិរបស់កូននឹងអាចប្រែជាគុណសម្បត្តិនៅថ្ងៃណាមួយជាមិនខាន។
- អ្នកអាចប្រើវិធីផាកពិន័យ ឬគំរាមតិចតួចដើម្បីឱ្យកូនខ្លាច រួចកែប្រែ ប៉ុន្តែមិនត្រូវប្រើវិធីនេះខ្លាំងពេកទេ ព្រោះវាអាចធ្វើឱ្យកូនមានជំងឺផ្លូវចិត្តបាន។
- អ្នកអាចនិយាយរអ៊ូរទាំដោយខ្លួនឯងពីគុណវិបត្តិរបស់កូន នោះគេអាចនឹងកែប្រែបាននៅពេលដែលគេលួចស្តាប់លឺអ្នកនិយាយ។
- អ្នកមិនត្រូវប្រើអំណាចដើម្បីបង្ក្រាបការប្រឆាំងរបស់កូនឡើយនៅពេលដែលគេមិនព្រមស្តាប់អ្នក ព្រោះវាអាចធ្វើឱ្យកូនមានជំងឺភ័យខ្លាច។
- អ្នកត្រូវតែលើកទឹកចិត្តកូនគ្រប់ពេលដោយឱ្យគេខិតខំប្រឹងប្រែង នោះគេអាចនឹងកែបាននៅថ្ងៃណាមួយជាមិនខានឡើយ៕